¹ Kisha Elifazi kutoka kabila la temani akajibu na kusema, ² Kama mtu yeyote akijaribu kuzungumza na wewe, je utakosa ustahimilivu? Lakini ni nani anaweza kujizuia asizungumze? ³ Tazama, wewe umewafunza wengi; wewe imeipa nguvu mikono iliyokuwa dhaifu. ⁴ Maneno yako yamemsaidia yeye mwanamme aliyekuwa anaanguka; wewe umeyaimarisha magoti dhaifu. ⁵ Lakini sasa matatizo yamekuja kwako, na wewe umechoka; yanakugusa wewe, na wewe umetatizika. ⁶ Je si hofu yako imani yako, na ukamilifu wa njia zako tumaini lako? ⁷ Tafakari juu ya hili, tafadhari: ni nani aliyeangamia akiwa hana kosa? Au ni lini watu wakamilifu walikatiliwa mbali? ⁸ Kutokana na vile nilivyoona, wale walimao uovu na kupanda taabu huvuna hayo. ⁹ Kwa pumzi ya Mungu huangamia; kwa mlipuko wa hasira zake huteketea. ¹⁰ Kuunguruma kwa simba, sauti ya simba mkali, meno ya simba wadogo - yamevunjika. ¹¹ Simba mzee huangamia kwa kukosa wahanga; watoto wa simba jike wametawanyiko kila mahali. ¹² Sasa nililetewa kwangu jambo fulani kisiri, na sikio langu likapokea uvumi kuhusu hilo. ¹³ Kisha yakaja mawazo kupitia ndoto wakati wa usiku, wakati uwaangukiwapo usingizi mzito watu.. ¹⁴ Ilikuwa usiku wakati nilipopatwa hofu na kutetemeka, na mifupa yangu yote ikatikisika. ¹⁵ Kisha nafsi ikapita mbele ya uso wangu, na nywele zangu za mwili zilisimama. ¹⁶ Nafsi ilisimama kimya, lakini sikuweza kupambanua sura yake. Umbo lilikuwa mbele ya macho yangu; kulikuwa kimya, nami nikasikia sauti ikisema, ¹⁷ "Je binadamu anaweza kuwa mwenye haki zaidi kuliko Mungu? Je mtu anaweza kuwa msafi zaidi kuliko muumba wake? ¹⁸ Tazama, kama Mungu hawaamini watumishi wake; kama hulaumu upumbavu wa malaika zake, ¹⁹ je si zaidi sana ukweli huu kwa wale waishio katika nyumba za udongo, ambao misingi yao ipo katika vumbi, wale waliopondwa mbele ya nondo? ²⁰ Kati ya asubuhi na jioni wameangamizwa; wameangamia milele wala bila yeyote kuwatambua. ²¹ Je kamba za hema yao hazikung'olewa kati yao? Wanakufa; wanakufa bila hekima.