¹ Kwa kuwa nataka mfahamu jinsi ambavyo nimekuwa na taabu nyingi kwa ajili yenu,kwa wote walioko Laodikia, na kwa wote ambao hawajauona uso wangu katika mwili. ² Nafanya kazi ili mioyo yao ifarijiwe, kwa kuletwa pamoja katika upendo na katika utajiri wote wa ufahamu kamili na maarifa, katika kuijua siri ya kweli ya Mungu, ambaye ni Kristo. ³ Katika Yeye hazina zote za hekima na maarifa zimefichwa. ⁴ Nasema hivi ili kwamba mtu yeyote asije akawadanganya kwa maneno ya fujo. ⁵ Ingawa sipo pamoja nanyi katika mwili, lakini nipo nanyi katika roho. Ninafurahi kuona utaratibu wenu mzuri na nguvu ya imani yenu katika Kristo. ⁶ Kama mlivyompokea Kristo Bwana, tembeeni katika yeye. ⁷ Mwe na mzizi ndani yake ,mjengwe juu yake, mwimarishwe katika imani kama tu mlivyofundishwa, na kufungwa katika kutoa shukrani nyingi. ⁸ Angalieni ya kwamba mtu yeyote asiwanase kwa falsafa na maneno matupu ya udanganyifu kwa njinsi ya mapokeo ya wanadamu, kulingana na kanuni za kidunia, na sio kwa jinsi ya Kristo. ⁹ Kwa maana ndani yake utimilifu wote wa Mungu unaishi katika mwili. ¹⁰ Nanyi mmejazwa katika yeye. Yeye ni kichwa juu ya kila tawala na mamlaka. ¹¹ Katika yeye pia mlitahiriwa kwa tohara isiyofanywa na wanadamu katika kuondolewa mwili wa nyama, lakini ni katika tohara ya Kristo. ¹² Mlizikwa pamoja naye katika ubatizo. Na kwa njia ya imani katika yeye mlifufuliwa kwa uweza wa Mungu, aliyemfufua kutoka kwa wafu. ¹³ Mlipokuwa wafu katika makosa yenu na kutokutahiriwa kwa miili yenu, aliwafanya hai pamoja naye na kutusamehe makosa yetu yote. ¹⁴ Alifuta kumbukumbu ya madeni iliyoandikwa, na taratibu zilizokuwa kinyume nasi. Aliiondoa yote na kuigongomea msalabani. ¹⁵ Aliwavunjia heshima watawala na wenye mamlaka na kuyaweka wazi kuwa sherehe ya ushidi kwa njia ya msalaba wake. ¹⁶ Kwa hiyo, mtu yeyote asiwahukumu ninyi katika kula au katika kunywa, au kuhusu siku ya sikukuu au mwezi mpya, au siku za Sabato. ¹⁷ Hivi ni vivuli vya mambo yajayo, lakini kiini ni Kristo. ¹⁸ Asiwahukumu mtu yeyote anayetaka unyenyekevu na ibada ya malaika kutokana na tuzo lako. Mtu wa jinsi hiyo huingia katika mambo aliyoyaona na kushawishiwa na mawazo yake ya kimwili. ¹⁹ Yeye hakishikilii kichwa. Ni kutoka katika kichwa kwamba mwili wote kupitia viungo vyake na mifupa huungwa na kushikamanishwa kwa pamoja; na hukua kwa ukuaji utolewao na Mungu. ²⁰ Ikiwa mlikufa pamoja na Kristo kwa tabia za dunia, mbona mnaishi kama mnawajibika kwa dunia: ²¹ "Msishike, wala kuonja, wala kugusa"? ²² Vitu vyote vitaangamia kwa matumizi,sawasawa na maangizo na mafundisho ya wanadamu. ²³ Sheria hizi zina hekima ya dini zilizotengenezwa kwa ubinafsi na unyenyekevu na mateso ya mwili. Lakini hazina thamani dhidi ya tamaa za mwili.