¹ Kisha Daudi akakimbia kutoka Nayothi huko Rama akaenda na kumwambia Yonathani, "Nimefanya nini? Uovu wangu ni upi? Dhambi yangu ni ipi kwa baba yako, inayofanya atafute kuutoa uhai wangu." ² Yonathani akamwambia Daudi, "La hasha; hautakufa. Baba yangu hafanyi jambo kubwa wala dogo bila kunijulisha. Kwa nini inamlazimu baba yangu anifiche jambo hili? La, siyo hivyo?" ³ Bado Daudi aliapa tena na akasema, "Baba yako anajua wazi kwamba nimepata kibali machoni pako. Pengine anasema, 'Asije Yonathani akajua jambo hili, labda atahuzunika.' Lakini kweli kama BWANA aishivyo, kama wewe uishivyo, kuna hatua moja tu kati yangu na mauti." ⁴ Kisha Yonathani akamwambia Daudi, "Lolote utakalosema, nitakufanyia." ⁵ Daudi akamwambia Yonathani, "Kesho ni siku ya mwezi mpya, na inanibidi kukaa na kula pamoja na mfalme. Lakini acha niende, ili niweze kujificha katika shamba hadi siku ya tatu jioni. ⁶ Baba yako akinikosa kabisa, ndipo utasema, 'Daudi aliniomba kwa msisitizo ruhusa aondoke kwenda mjini kwake Bethlehemu; kwa sababu huko ni kipindi cha utoaji wa dhabihu ya mwaka kwa familia yao yote.' ⁷ Kama atasema kuwa ni vyema, 'basi mtumishi wako atakuwa na amani. Lakini kama atakasirika sana, ndipo utajua kwamba ameamua kunitendea uovu. ⁸ Kwa hiyo, umtendee wema mtumishi wako. Kwa maana umemweka mtumishi katika agano la BWANA pamoja na wewe. Lakini kama kuna dhambi ndani yangu, wewe mwenyewe uniue; maana kwa nini basi unipeleke kwa baba yako?" ⁹ Yonathani akasema, "La hasha! Ikiwa ninajua kwamba baba ameamua baya likupate, siwezi kukuambia?" ¹⁰ Ndipo Daudi akamwambia Yonathani, "Ni nani ataniambia ikiwa imetokea, baba yako akakujibu kwa ukali?" ¹¹ Yonathani akamwambia Daudi, "Njoo, hebu twende huko shambani." Ndipo wote wakaondoka kwenda shambani. ¹² Yonathani akamwambia Daudi, "Na BWANA, Mungu wa Israeli, awe shahidi. Kesho muda kama huu, nitakuwa nimemuuliza baba yangu, au siku ya tatu, tazama, ikiwa kutakuwa na jambo zuri upande wa Daudi; je, nisikutumie taarifa na kulidhihirisha kwako? ¹³ Na kama ikimpendeza baba yangu akufanyie madhara, Basi BWANA ayafanye hayo kwa Yonathani na kuzidi ikiwa sitakujulisha jambo na kukupeleka mbali, ili kwamba uende kwa amani. Na BWANA awe pamoja nawe, kama alivyokuwa na baba yangu. ¹⁴ Kama bado nikiwa hai, hautanionyesha uaminifu wa agano la BWANA, kwamba siwezi kufa? ¹⁵ Na usivunje kabisa uaminifu wako wa agano kati yako na nyumba yangu, hata wakati BWANA atakapowaodoa kila mmoja wa adui za Daudi kutoka uso wa dunia." ¹⁶ Basi Yonathani akafanya agano na nyumba ya Daudi na kusema, "Naye BWANA atawaondoa maadui wa Daudi." ¹⁷ Yonathani akamtaka Daudi aape tena kwa sababu ya upendo aliokuwa nao juu yake, kwa sababu alimpenda kama alivyopenda roho yake mwenyewe. ¹⁸ Kisha Yonathani akamwambia Daudi, "Kesho ni siku ya mwezi mpya. Hautakuwapo, kwa sababu kiti chako kitakuwa wazi. ¹⁹ Utakapokuwa umekaa huko siku tatu, uende upesi hadi mahala ulipojificha mara ya kwanza, wakati shughuli ikifanyika, na ukae karibu na jiwe Ezeli. ²⁰ Nitatupa mishale mitatu pembeni mwa jiwe, kama vile ninalenga kitu fulani. ²¹ Kisha nitamtuma kijana wangu na kumwambia, 'Nenda utafute hiyo mishale.' Kama nitamwambia kijana hivi, 'Tazama, mishale iko upande huu wa kwako; kaichukue," ndipo uje; maana hapo kutakuwa na usalama kwako na siyo madhara, kama BWANA aishivyo. ²² "Lakini kama nikimwambia kijana hivi, 'Tazama, mishale iko mbele yako,' ndipo utakapokwenda zako, maana BWANA ametaka uende zako. ²³ Kulingana na makubaliano ambayo mimi na wewe tumeongea, angalia, BWANA yupo kati yangu na wewe milele.'" ²⁴ Kwa hiyo Daudi akajificha mle shambani. Pindi mwezi ulipoandama, mfalme aliketi chini ale chakula. ²⁵ Mfalme alikaa juu ya kiti chake, kama kawaida kwenye kiti karibu na ukuta. Yonathani alisimama wima, na Abneri alikaa ubavuni mwa Sauli. Lakini nafasi ya Daudi ilikuwa wazi. ²⁶ Hata hivyo Sauli hakusema kitu siku hiyo, kwa sababu alifikiri, "Kuna jambo limempata Daudi. Hayuko safi; hakika hayuko safi." ²⁷ Lakini siku ya pili, siku moja baada ya mwandamo wa mwezi, bado nafasi ya Daudi ilikuwa tupu. Ndipo Sauli akamuuliza Yonathani mwanaye, "Kwa nini mwana wa Yese hakuja kwenye chakula, jana na hata leo?" ²⁸ Yonathani akamjibu Sauli, "Daudi aliomba kwangu ruhusa kwa dhati ili aende Bethlehemu. ²⁹ Alisema, 'Tafadhali niruhusu niende. Maana familia yetu wanayo dhabihu huko mjini, na kaka yangu ameniagiza niwe huko. Basi kama nimepata kibali machoni pako, tafadhali niruhusu niende nikawaone kaka zangu.' Hakuja kwenye meza ya mfalme kwa sababu hii." ³⁰ Ndipo hasira ya Sauli iliwaka juu ya Yonathani, na akamwambia, "Wee mwana wa mwanamke mkaidi na muasi! Wadhani kwamba sijui kuwa umemchagua Mwana wa Yese kwa ajili ya aibu yako, na kwa aibu ya uchi wa mama yako? ³¹ Kwa kuwa mwana wa Yese anaishi duniani, siyo wewe wala ufalme wako utakaoimarika. Sasa basi, tuma watu wamlete kwangu, kwa sababu inampasa kufa." ³² Yonathani akamjibu Sauli baba yake, "Kwa sababu gani inampasa kuuwawa? Amefanya nini?" ³³ Ndipo Sauli akamtupia mkuki apate kumuua. Kwa hiyo Yonatani akatambua kwamba baba yake alinuia kumuua Daudi. ³⁴ Yonathani alitoka mezani akiwa na hasira kali bila kula chakula siku ya pili ya mwezi, kwa sababu alimhuzunikia Daudi, na kwa sababu baba yake amemwaibisha. ³⁵ Ikawa asubuhi, Yonathani akaenda huko shambani kama walivyoahidiana na Daudi, akiwa pamoja na kijana wake. ³⁶ Akamwambia yule kijana wake, "Kimbia utafute ile mishale niliyoitupa." Na kijana alikimbia, akatupa mshale mwingine mbele yake. ³⁷ Kijana alipofika katika eneo ambapo mshale ulitua, ule alioutuma Yonathani, akamwita tena kijana, na kusema, "Huo mshale hauko mbele yako?" ³⁸ Kisha Yonathani akamwita yule kijana, "Upesi, harakisha, usikawie!" Hivyo kijana wa Yonathani akaikusanya mishale na kurudi kwa bwana wake. ³⁹ Lakini huyo kijana hakujua lolote. Ni Yonathani na Daudi tu ndio walijua habari yenyewe. ⁴⁰ Yonathani akampa kijana wake silaha na kumwambia, "Nenda, uzipeleke mjini." ⁴¹ Punde tu kijana alipoondoka, Daudi akasimama kutokea upande wa kusini, akiwa amelala kifudifudi, akainama mara tatu. Walibusiana wao kwa wao na wote wakalia kwa pamoja, Daudi akilia zaidi. ⁴² Yonathani akamwambia Daudi, "Nenda kwa amani, kwa sababu wote tumeapa kwa jina la BWANA na tulisema, 'BWANA awe kati yangu na wewe, na awe kati ya uzao wangu na uzao wako, milele.'" Kisha Daudi alisimama na akaondoka, na Yonathani akarudi mjini.