Gɛgɛgɛda 2
1
Yónasɛ naá gadɛ́ɛ gá hɛɔbɔ́, go bósógolonyo Daadáa, Asaŋa bɛhɛ́.
2
A amɔ́: Naá noséséényée námɛ, mmba bósógólídío Kanɛ-Mesúge, a báá mboogóo; naá kadɛ́gadɛ́ɛ ya begúe mbáá áncɛ́dá,a bɔ́ɔ́ ɔ́bɔ́ ukelú yámɛ.
3
O báá nnɔɔ́ naá findímíi, naá tɛ́mádɛ́má ya máŋɛ́, miimpo má báá kéŋgélídíe; mpímí yahɔ na miimpo máhɔ mó báá dómbá naá yɔmɔ́ nnyɔ́dɔ.
4
Mmba lɛ́ caá: Go á kúné halaháláa naá oŋgíso yáhɔ! Kanɛ́ nná gɔnɔ go ɛ́na gimmúmpúu gáhɔ gá támpɛlɛ.
5
Miimpo má báá mboáa mbɔ́dɔ yaŋaá má ŋgúlie naá gɛɔyɔ, findímíi ɛ báá mmɛná, ɛmbalɔ ɛ báá géŋgélídíe odóɛ yámɛ.
6
Mbáá gɔsɔ́ naá ɛŋaŋá ya ɛgɔndɔ, bigísi bá cánɔ́ bɛ́ báá kindígéné go busío buimée, kanɛ́ o báá kúmíe ogɔ́sɔ naá ɛbɛ́lá, Daadáa, Asaŋa bamɛ!
7
Gɔ́ɔgɔ yɔmɔ́ odɛ́má yó mbaá lɔmɔ́ yó bíilimeninye naá gadɛ́ɛ gúunú, mbáá bééníŋínyée Kanɛ-Mesúge, yɔmɔ́ mbósógɔ́lí ɛ báá ncó bola naá maamɔ́ɔ naá gimmúmpúu gáhɔ gá támpɛlɛ.
8
Báaba bá bágódanamɔ́ na moɔcɔ má kanɛ ndénégé, bá bíídeninye ŋgɛ́na mahana halaháláa.
9
Go busío bámɛ, nná go fáa bɛbáágá na gɛánca gá bibéhiigí, ka ŋga hóógío bisúnígéné bɛ́ɛbɛ mmbaá ŋaáa: Gisódio gɛ́ úlenemú naá Daadáa.
10
Asaŋa go gálɛda hɛɔbɔ́, hɛɔbɔ́ hɛ́ báá nodá Yónasɛ go cí naá cɔ́lɔ.