¹ Ɛ́ ka pɔ́ yɛcɔ́ lɛ́ʼ Tsapʉɔ cú mbɔ Yɔnáshi mɔ́ɔ Amitai ŋgɔ ² lɔ sɛ́; ŋ́gʉ Niniivɛ, má tʉ́sɔŋ ńcɔ́k wɔ́p wɔ́p! mbiʼŋgɔ nukɛpɔŋ yɔ́p kɔ́ʼ tɛ ŋ́kúu mbi mɔ ³ Jɔnas lɔ sɛ́ ŋ́kʉɔ ḿbɔ́ ŋ́gʉ nɛ Taasis; ḿbíi zʉʼ yɛ́ tsɛt kanúʼ tɛ ŋga sɛsa nɛjʉɔ́-Sɛ́ ⁴ Lá Tsapʉɔ gɛ máma fɛfʉ̈ɔt zɛ nɛ tsʉʼnɛ ndǔu ŋki tɛ kanúʼ tsʉʼ ḿbɔ́ ńdɔɔ pɔ nɛ mɛ́nɛ́ tsɛt ŋki; ⁵ pafaʼ tsɛt kanúʼ zɛ nɛpɔ́, mba wɛ́tɛ ŋu la zɛ nɛ fúŋ yɛ sɛ́; ḿbɔ́ ńcẅɛtɛ mɛyʉ́ʉ tsɛt kanúʼ ḿmaʼ tsɛt ŋki ńdɔk ŋgɔ kanúʼ zaŋŋɛ. Yanashi cúŋ nɛtsɛn kanúʼ ńnɔɔ ḿbɔ́ ńdɛ́. ⁶ Ŋu a shuŋnɛ kanúʼ tɔ́ ńcú nɛjʉ ŋgɔ: "ɔ lɛ́ kʉ̈ɔ́?" Lɔ sɛ́ ńcɛ́ʼlɛ sɛ́ yu kɛ ḿbɔ́ a tsáa mɛjʉ́ŋ mɛkŋɛ pɛkŋɛ lu ɔ́ɔ. ⁷ Pɔ́p cú tsɛtsɛt pɔ́p ŋgɔ pɛkŋɛ máʼ tíitɛ ńdɔ ńjʉɔ́ ŋu wi a gɛnɛ la pɛkŋɛ jʉɔ́ ŋgʉ̈ɔ́ʼ ndɛn wɔ́nɛ; ɛ vu nǔu Yanashi ⁸ Yanashi cú ŋgɔ: Sẅíi wɛ́k nɛ ŋu wi gɛnɛ pɛk kúu ŋgʉ̈ɔ́ʼ ndɛn wɔnɛ; zɛɛ ɛ́fú pɔ nɛ gɔ́, lík láʼ yʉ́ʉ kʉ̈ɔ́? ⁹ A cú mbɔ́ pɔ́p ŋgɔ: Mɔ ŋu-Ɛbɛɛ n dɔ ŋ́gúʼlɛ Tsatʉɔ Sɛ́ wi a tʉ́nɛpú ŋu wi a ka gɛnɛ ŋki pɔ́p tsɛtsáʼ ¹⁰ Ńcú pʉɔ ɛ pá pʉɔ ɛ́pá zɛ nɛ pɔ́k tɛ ńcú ŋgɔ: ɔ gɔ ŋ́gɛ pa' mbíʼkʉ̈ɔ́? Mbi'ŋgɔ pɔ́p ka pɔ́ ńjí ŋgɔ a ka ŋ́kʉ̈ɔ́ ŋ́gʉ tɛ ŋga sɛsa mbi-Sɛ́ pa' a ka cúnɛ; ¹¹ Pɔ́p cú nɛ jʉ́ ŋgɔ: Pɛk ŋ́gɛ pa' nǔu gu la ŋki pɔɔ kii ńtsʉʼnɛ pɔ́? Mbí'ŋgɔ ŋki ka kɛ ḿbɔ́ ŋ́kẅiʼ ḿbɔ́ ŋ́kɔ́' kɔ kɔ́nɛnɛ ¹² A tsɔ́ʼ mbɔ pɔ́p ŋgɔ: pʉʉ tíi wáa ḿmá' tsɛt ŋki, pɔ́ʼ ŋki gɔ́ɔ ḿbɔ́tnɛ; mbíʼ ŋgɔ mɔ gɛnɛ la pʉʉ jʉɔ́ ŋgʉɔ́ʼ, ¹³ Pʉɔ ɛ́pá pɔ ńdɔɔ nɛ sɛm ŋki tɛ ŋ́kúu zʉʼ tsɛtaʼ zúplɛnɛ, lá mbɔɔ kuʼ mbíʼŋgɔ ŋki ka pɔ́ ŋ́kɛ ńtsʉʼnɛ tsʉʼnɛnɛ. ¹⁴ Pɔʼ la pɔ́p cɛʼlɛ Sɛ́ ḿbɔ́ ńcú ŋgɔ: Tsapʉɔ, kɔɔ gɛ pɛk pfútɛ mbíʼ ŋu wɔ, kɔɔ gɛ mɛci mɛ kɔ́ tú pɛk! mbiʼŋgɔ gu tsɛpʉɔ, gɛ pɔ yʉ́ʉ ɔ kɔŋnɛ. ¹⁵ Ńcú pɔ́ʼɔ ńtíi Jɔnas ḿmaʼ tsɛt ŋki. fɛ́m gɔɔ ḿmɛ tsɛt ŋki. ¹⁶ Pʉɔ ɛ́pá zɛ nɛpɔ́k Sɛ́, tɛ ŋka kuʼ pɔ́p gá yʉ́ʉ pɔʼ ńdɔk ŋ́gúʼlɛ Sɛ́, ḿbɛn ŋ́kaʼ mɛnu mɛ́mbá mbɔ Sɛ́. ¹⁷ Tsapʉɔ gɛ máma gɛ mbaŋ shú mi Jɔnas, Jɔnas gɛ tsɛt nɛpɔm-shʉ́ lɛ́ʼ pɛtát nɛ pɛnɛtúʼ pɛ́tát.