ngala-francis-jgo_jon_text

Jɔnas kɛm yɛ́pá

¹ Jɔnas, pɔ́ tsɛt nɛpɛm-shú, ḿbɔ́ ńcɛʼlɛ Tsapʉɔ Sɛ́ wɛ. Ḿbɔ́ ńcú ŋgɔ: ² Ŋ ka pɔ́ tsɛt ŋgʉɔ́ʼ, ḿbɔ́ ɛ́fúŋ lík Sɛ́; a cẅɛ́lɛ wáa, ḿbɔ́ tsɛt zʉʼ pɛpfú-Sɛ́, mbɔ́ ŋ́káʼ ŋgi yaa ŋ́gá tʉ́, a zú ŋgi yaa. ³ Ɔ maʼ wáa tsɛt nzɛnzʉ́ʉ, kwaʼ tsɛt sɔŋ-ŋki, ŋki pɔ́ pɔ́ ńzɛmɛ wáa; ŋki ka fik wáa tɛ n tsuŋ mɛ́nɛ́ tsɛt ŋki. ⁴ M bɔ́ ńcú ŋgɔ: pɛ́ zúŋ wáa tɛ n tsʉ́ʼ pɔ tɛ ŋga sɛsa! Lá ŋ kɛ́ ḿbɔ́ ńjí pɔ ŋgɔ mɔ ńdáʼ ḿbɛn ńjʉɔ́ ndá yu. ⁵ Ŋki kẅibɛ wáa te ńtsʉ́ʼ ńdɔɔ pɔ nɛ jẅí wáa, nzɛ́nzʉ́ʉ jʉ́ wáa zʉʼ tsʉʉ tsʉʉ, kɛkaʼ pɔɔ tú yáa. ⁶ N cúŋ tɛ ŋ́kúu nɛtsɛn-mɛkɔ́ʼ, mɛkɛm yʉ́ʉ fik wáa táʼ ŋká, lá ɔ fú tsɛt gʉɔ́ɔ ńcẅɛ́ɛtɛ wáa tɛ m bɛ́t pɔ ntʉʉ mbaa Tsapʉɔ Sɛ́ waa. ⁷ Tʉ́m yáa ka pɛ́t ḿbɔ́ ḿbáklɛ wáa, ḿbɛn ŋ́kẅíitɛ Tsapʉɔ Sɛ́ waa, cɛʼlɛ yáa tɔ́ tɛ ŋ́kúu mbi wu, tsɛt ndá pɛ́ gúʼlɛnɛ wú tsɛtú. ⁸ Pʉɔ pi pɔ́p cʉŋɛ nǔu mɛsɛ́ kɔ́ɔnɛ lʉʼ nɛ pɛ́m ŋgɔ Sɛ́ tsáa mɛjʉŋ mɔ́p. ⁹ Ŋ́gʉ nǔu mɔ mbɔ mɔ ŋgɛ ŋ́gá yʉ́ʉ pɔʼ ńdɔk ŋ́gɛ́mtɛ wú, mɔ ŋ́gɛ ŋ́gɛ yʉ́ʉ mi mbɔ pɛ́ lɔk ŋ́gúʼlɛ wú: Luk fú pɔ mbɔ Tsapʉɔ Sɛ́. ¹⁰ Tsapʉɔ cú nu mbɔ cú ɛ́ gɛ cú zɛ́ Jɔnas nduu tsɛtsáʼ