¹ Yesu wanyochela ku Sinagogi, kuno kwalinji umunthu wikasa ikwinyanye. ² Awanthu wamwi walondanga ukunsumbichila Yesu walinji kokonye achaleka awalolechesya ukuti walole ndi angapozya wumwi pawanda wa Sabata. ⁴ Yesu anena uwikasa ikwinyane ati, ''Katuka zanga pankholelo.'' ³ Ngapano awuzya awanthu ati, ''wuzye isundwe litu lyatuzumilizya ukuvwa pamwi ukonona; ukupususya pamwi ukuwulovya?'' Ukuwa awasowa ni chakuvwanga. ⁵ Ala Yesu wawachecheta awavitilwa, ukuwa pamphindi yoyo anyoka awlolela inkhumbu ichilanda achimulema amuno walinji awanthu watumbe awawipe, achaleka anena umukwinyane ikisa ati, ''tambalika ikasa lyako.'' Atambalika ikasa lyakwe aliwa ichete. ⁶ Awa Falisi wafuma mwenemo nanthi kuzinguluka awaya awasunkhana nawanthu wakwe Herodi wamwi awavwamba ukuti wakome Yesu. ⁷ Apo Yesu, nawasambilizi wakwe, awaya kwe sumbi wakwe Galileya niwumba kulu alimukonkha wafumile ku Galileya namwe Yedeya ⁸ namwe Yerusalemu na munsi ya Idumeya na munsi yinji iyamumbalama mwe Yorodani nu twaya tuno twapalamine nu Taya nu Sidon. iwumba kulunye lino lyayile kwe Yesu, muno wivwile vino Yesu achitanga. ⁹ Iwumba lyakuzile kutaluvile achaleka Yesu anene awsambilizi wakwe ukuti wamusenganizye uwato, ilyakuti awanthu watize wamititichizye. ¹⁰ Wapozizye awanthu awavule nawalwale wonsi awalanga wakusenjelela wakuya kwa kweliwe ukuti wakamukumvye. ¹¹ Napano wano walwele imizimu miwipe wamuweni, awapona pankholelo pakwe weliwe, awapunda wati, '' we mwana wakwe Leza.'' ¹² Yesu akomelezya imizimu miwipe nkhaninye ukuti ita muwumbula. ¹³ Ngapano Yesu akwela umwamba, ayita wano walondanga, awaya kweneko. ¹⁴ Asola awanthu ikumi na wawili (awita awa positole) ukuti wawa nawe, awatume pakukukawizya, ¹⁵ swinya wasi wawe namaka ayakuwinjila imizimu miwipe. ¹⁶ Waa awano wasozile ikumi na wawili; a Simoni wino swinya Yesu wamwisile ilya kwa Peteri; ¹⁷ Ayita Yakobi, nu Yohani umunyina awana wake Zebediya, wano wawita Boanejesi, lino likusula ukuti awankuya; ¹⁸ ne Andreya, Filipu, Bateromeyu, Mateyu, Tomasi, Yakobi mwana Alifeyo, Tadeyu, Simon umuchintchile, ponga ¹⁹ ne Judasi Esikaliyoti wino wamukutilizile e Yesu. ²⁰ Apano waya kung'anda na wanthu awavule aakolonganikwa swinya achalenga awanthu wavilwe ukulya umukate. ²¹ Po ulupwa lwivwa wayile ponga awamulema pakuti welenganianga ukuti sawati, ''awapena.'' ²² Wakawalika wano wafumile mu Yerusalemu awati, ''wee walemwa numuzimu umuwipe uwe Belizebulu'' munzuto zya kwe chiwa cha imizimu imiwipe akusamazya imizimu imiwipe.'' ²³ Yesu wawisile kwaweliwe awanena wati, '' mumilumbe nga satatana angayiwinga wuli?'' ²⁴ Nanthi uwufumu wapaunkhana utanga wimilile. ²⁵ Ing'anda ndi yapaunkhana itanga itwalilile. ²⁶ Nanthi e satana waikatuchila wenga nukuyipaukania, atanga yimilile, avyo afika pa nsilo. ²⁷ Pasi nanthi wumwi wino anginjila mung'anda ya munthu wa maka nukwiwa iviya vyakwe suka ndi watela anyepa umunthu wamaka weyo, apano angasapa ing'anda yakwe. ²⁸ Nakauzyenye nkhuwanena mwemwe, mwewana wa wanthu imbembu zyawo zilitetelwa niviwipe vyonsi vino wavwanga, ²⁹ kweni kwe wino wiza wavwanjila Umuzimu Mwimichile uluwi atangatetelwe amuno lyo watula uluwembu lwa muyayaya. ³⁰ Yesu wavwanzile vyoo mulandu wavwanganga, '' ali nimizimu miwipe'' ³¹ Apano unyina we Yesu nawanyina wizile palonde awimilila. nukutumilizya wamulonda ukumupa umulandu. ³² Iwumba lya wanthu aliliwizya awamunena ati, '' e nyoko nawa nyoko wimilizile palonde, wakukulonda'' ³³ Yesu atolelela ati, '' nge mayo weweni? nga awana witu awaweni? ³⁴ Atalangania pawanthu wano wisile wamuliwilizye ati, ''Lolani waa awali wamayo nawana witu!'' ³⁵ Amuno wensi wino akachita ukulonda kwakwe Leza, awili mwana witu, ni nkhazi yane, ne mayo.''