¹ Lyo kwapita amanda amatichi, Yesu anyochela ku Kapenamu, amazwi yakwila monsi kuno Yesu walinji mung'anda. ² Awanthu awavule wawungine kweneko awizula mung'anda yonsi, namumulyangonye namasyo, ayasowela kumwi, Yesu wawawazizyanga ilandwe zima. ³ Awanthu wano wasenzile umunthu wino walwazile ichinthendya wamutwalanga kwe Yesu. ⁴ Umulandu wiwumba, awapotwa awapotwa ukufisya umulwale weyo kwe Yesu. Achaleka awasasula pamusonje papela wulunga, apano Yesu walinji ⁵ Yesu walola isuwilo lyawo awanena ati ku mulwale, ''mwanane, amawembuko yako yatetelwa.'' ⁶ Wakawalika wamwi wisile pambali, awakwelengania mumyenzo yawo, ⁷ ''Ngamuno chani chino akuvwanjila Leza umusamu wonye woo! Pasi umunthu wumwi wino angateteliwa uluwembu nkhani e Leza wenganye nsu?'' ⁸ Paponye e Yesu mu muzimu wakwe amanya amelenganio yawo. Awanena ati, '' Ngamuno chani chino mukwelengania ivintunye vyoo mu myenzo yinu? ⁹ Wuzye mukuti achinthu ichipepuke ukunena umunthu wachinthendya weyo ukuti, 'amawembuko yako yatetelwa' pamwi ukuti, 'katuka senda ichitala chako uwapita'? ¹⁰ Pakuti mumanye ukuti umwanamunthu ali namaka munsi ayakutetela amawumbuko, apo ati kuwa chinthedya, ¹¹ '' Nkukunena nkhuti, katuka, sendi chitala chako uye kumwinu.'' ¹² Paponapapo akatuka asenda ichitala chakwe afuma mung'anda aliwilila, wonsinye awazunguka awamutunvya Leza awatusitela tulole ichamwata woo.'' ¹³ Yesu akatuka aya mumbali ye sumbi waku Galileya swinyeye iwumba ali mukonkha weliliwe atalika nukusambilizya. ¹⁴ Pano waputunsonga uwa e kasontchezya uwamusonkho, e Levi umwana wakwe Alufeyo wisile mung'anda ye kasontchezya apo ati, '''nkhonkha." Akatuka amukonkha. ¹⁵ Yesu wakatuka ukuya mukulya ichakulya mung'anda yakwe Levi apo iwumba likulu liya kwe wakasonkhezya uwamusonkho, nawawembu, wikala apaliponga nawa sambilizi. ¹⁶ Pano awakawalika wamasundo wano walinji awa Falisi, walola Yesu kuno walyanga ichakulya nawawembu nawa kasontchezyamusonkho, achaleka awawuzya awasambilizi wakwe awati, ''Ngachani chino akulya nawanthunye wawoo?'' ¹⁷ Walile Yesu wivwa awatolela ati, ''awapuma wasilonda ing'anga; nkhandi awalwale. Nthatunjila ukwita awalungamane, nkhandi awawembu.'' ¹⁸ Awasambilizi akwe Yohani paliponga nawa Falisi wasozile ichakulya. Awanthu wamwi awaya kwe Yesu awamuwuzya wati, '' Ngamuno chani chino awasambilizi wakwe Yohani wakasola kweni awako wasisola?'' ¹⁹ Yesu awatolelela ati, '' Wuzye esiwinga angikala nanthi kulya awe; ponsinye po ali esiwinga afwile ukulya. ²⁰ Amanda yalifika pano nawinga aliyiza mukusendwa siwinga mumanye yayo, mumandanye yayo walisolezya. ²¹ Pasi wino akasuma nukuwika ichigamba pilaya ipya kano ngawufyumiapo, ichipya kuchikali. ²² Pasi nanthi wumwi wino angasanzinkhania umutawa uwupya nu wukali. Ndiwachita wowonye wa mutawa wangalepuka. Kandi umupya kumupya. ²³ Pawanda wa Sabata Yesu wapisile muvyalo nawasambilizi wakwe awatalika ukufyanula imitwe ya mphumba. ²⁴ Awa Falisi awati kwe Yesu, ''Lola, achani chino mukuwomba uwanda wape Sabata wuno isundo lyalesya.'' ²⁵ Watili kwe woliwo, ''Wuzye mutawazya chino Davide wachisile pano inzala yamulumile nawano walinji nawo. ²⁶ Achaleka winjizile munganda ya kwe Leza pano Biyata walinji wesimapepo mukulu, alya ichakulya chimichile isundo lyazumilizya wasimapepo ukuwe apo nawanthu wino walinji nawo?'' ^{27 28} E Yesu ati, '' Uwanda uwa Sabata wapanjizile umunthu, asa munthu uwakumupanjila Sabata.' Achaleka umwanamunthu awili mweni Sabata.''