¹ Iyoo anthaliko yilondwe izima lya kwe Yesu Kiristu umwa wakwe Leza. ² Ndimo lyawalisila ndimuno lyawalisilwe nu mutumwa Yeseya, ''Lolani, inthumwi yane yino nandi nthume pankholelo pakwe mwemwe, kukuyania inzila yinu. ³ Izwi lya kwe wumwi likupunda mulumpalang'ang'a, likuti yaniani ekumba wa Mfumu e Leza; mulole inzira yakwe iyakupita mwenemo.'' ⁴ Achaleka Yohani, walolesilwe mulumphalang'ang'a, awabatizya awanthu nukuwawichizya ilandwe nzima ilyakukuntolokwani kuluwembu lwinu. ⁵ Wonsi wino wafumile mu Yudeya na wano wafumile mukaya kakwe Yerusalem, wayile mukwivwa kwe Yohani. Awazumilizya amawembuko, awa batizya muluzi mwe Yorodani, ukulapa uluwembu lwawo. ⁶ Yohani wazwalanga ivizwalo ivya meya ya ngamila numupango wamukwela mumutembeleko wakwe, walyanga makantha nu wuchi wamulonde. ⁷ Wawumbulilanga awanthu ukuti, ''umunthu wino asyalichile penene wakula wandusya; wino nthazipila nanthi akwinama ukusapula indyatu zyakwe. ⁸ Nene nkhuwabatizya naminzi ukuwa wene aliwa batizya nu Muzimu Umwimichile.'' ⁹ Apala pazimba katichi Yesu afuma mwe Nazareti wamwe Galileya, aya abatizwa nu Yohani mwe Yorodani. ¹⁰ Napaponapapo ala vino waziwuka muminzi alola ilyulu aliyuka nu Muzimu wukwika pakwe weliwe ngati ankhuda. ¹¹ Nizwi alifuma mwiyulu, ''Wemwana wane ekankhundwa wane. Nkhusechela nawe nkhaninye.'' ¹² Napaponapapo Umuzimu awuleka aya mulumphalang'ang'a. ¹³ Aya ayikala kokonye amanda amakumi yani, alanga akwelezwa nu satana. Ni nyama zyalonde zyalinji kokonye, ukuwa awa ngelo awaya kwenwko awamupyunjila. ¹⁴ Walile pano Yohani wiyalilwa mu vingololo, Yesu aya ku Galileya mukuwizya ilandwe zima ilya kwe Leza. ¹⁵ Ati, ''imphindi yafichila, nu Wufumu wakwe Leza wapalamila. Tontholokani kuluwembu lwinu musuwile ilandwe zima.'' ¹⁶ Ala pano Yesu akupita mumbali yakwe sumbi wakwe Galileya, alola e Simoni ne Andreya umunyina, wakulema inswi inswi nikonde mwe sumbi, walinji awakalema wanswi. ¹⁷ Yesu awanena ati, ''Zanji, nkhonkhani nandi njize wawika muwe mwe walondo wawanthu.'' ¹⁸ Napaponapapo nanthi kuzinguluka awasya amakonde wamukonkha. ¹⁹ Ala vino wapita katichi, alola Yakobi umwana wakwe Zebediya ne Yohani umunyina; walinji muwato wakuyania amakonde. ²⁰ Ala Yesu awita, awasya yise Zebediya muwato apaliponga nawanthu wano walalisilwe, weni awamukonkha. ²¹ Awaya kukaya kakwe Kapenamu, nga pawanda Wasabata. Yesu aya mu Sinagogi atalika ukusambilizya. ²² Awanthu wano walinji mwenemo awazunguka kumisambilizye yakwe, weni atalinji ndivino awawaliki awa masundo ukuwa weni wasambilizyanga namaka. ²³ Mu Sinagogi akwiza umunthu wumwi wino walinji nu muzimu uwuwipe, apunda nkhaninye, ²⁴ ati, ''Nga ukasi uchite chani, we Yesu wamwe Nazareti? Siwiza mukutonona? Nkhumanyile. We Nthumi Nthele iya kwe Leza!'' ²⁵ Yesu akalipila umuzimu ati, ''myalala, ufume mumunthu!'' ²⁶ Umuzimu uwuwipe awumusumba pansi nga apunda afwina nkhaninye, awufuma mweweliwe. ²⁷ Awanthu wonsi awazunguka awatalika nukuvwanzania wakuti, ''ngachonyecho achani? Umunthunye wee ali namaka yakusundila imizimu miwipe, yimutonthela nukumutonthela.'' ²⁸ Achaleka ilandwe lyakulumbililwa kwakwe Yesu akukwila munsi ya Galileya monsi. ²⁹ Awafuma mu Sinagogi awalungama kung'anda kwakwe Simoni nu Andreya, awapita paliponga ne Yakobi ne Yohani. ³⁰ E nyinavyala Simoni walwile inzekema, awamunena e Yesu ivya ndwala. ³¹ Aya kumulwale, amulema ikasa, amukatusya; inzekema ayimutaya, atalika awapyunjila. ³² akula kwila pano ilanzi lyinjila, awanthu watwalila Yesu awalwale wonsi wano walwile imizimu miwipe. ³³ Awanthu wonsi awawungana pa mulyango. ³⁴ Apozya wonsinye wano walwile indwala zya misangomisango afumya imizimu miwipe, amyalika imizimu imiwipe amuno yamumanyile. ³⁵ Uwacha mwe pwii, pano kwachilinji imfinzi; akatuka afuma mukaya aya mukupepa. ³⁶ E Simoni na wonsi wano walinji nawo wamuvwambanga weliwe. ³⁷ Awamuzana awamunena awati, wonsinye wakukuvwamba. ³⁸ Weni atolelela ati,' '' tuyani kunji, mutwaya utwa mumbali nakonye nkhawizye ilandwe zima. Achino nizizile.'' ³⁹ Achaleka wapisile munsi ya Galileya monsi, alanda ukuwizya mu ma Sinagogi mbali nu kufumya imizimu miwipe. ^{40 41 42} uwamambonbo aya kuweliwe. Amulenga weliwe; asokowala pansi ati kweweliwe, ''Ndachino ukulonda, unganswefya.'' Ichilanda achimulema, Yesu atambalika ikasa lyakwa mulema, ati, ''nkhulonda telepa.'' Paponapapo amambombo ayafumakweweliwe nga aswepa. ⁴³ Yesu amuchenjezya weliwe aleka apita. ⁴⁴ Ati kwe weliwe, utize ukanene umwi, kweni pitanga, ''ukayilanjizye kwe wasimapepo ngapano ufime inzuwi zino Musa wakomelezya kwe wonsi kuno kanonzi waswepa.'' ⁴⁵ Awapita wasasya ilandwe monsinye, achino chalesizye nu Yesu ukuya mukaya kalyanye ukuwa alanga ali wenga ukuvwama. Ukuwa awanthu awavule awaya kweweliwe awafuma monsinye.