¹ Amanda umutanda pankholelo Yesu asenda na weliwe Peturo, Yakobi, nu Yohani umunyina wakwe, nu kuwaleta woliwo papela pa mwamba pa lwawo. ² Weni apiliwuka paminso yawo. imphumi yakwe yawalisilwe ngati a lilanzi, swinya ivizwalo vyakwe avyawa ivitiswe ngati a akuwala. ³ Lolani, palyanye kwaloleka kwe woliwo Mose nu Eliya wakuvwanga na weliwe. ⁴ Peturo atolelela nu kuti kwe Yesu, ''Mfumu, chazipa ukuti sweswe tuwe paa. Ndi ukukumbwa, nandi inzenge paa imitanda yitatu-- wonga uwako, swinya wonga uwakwe Mose, swinya wonga uwakwe Eliya.'' ⁵ Ala pano achili akuvwanga, lolani, iwingo tiswe aliwavwimba, nga lolani, kwilinji izwi ukufuma mwi wingo, aliti, ''Wee a mwana wane umukundwe, mwakwe wino nkhusechela nkhaninkhaninye. ⁶ Pano awa, sambilizi wachivwa, awapona ni mphumi pansi swinya awatina nkhaninye. ⁷ Ngapano Yesu ayiza awakumvya nga atili, ''Katukani swinya mutakatine.'' ⁸ Ngapano awinuka kweni wataweni nanthi wenga suka Yesu mutupu. ⁹ Awala pano wikanga umwamba, Yesu awapingula, ukuti, ''Mutakanene nanthi wumwi ichilolwa asuke u Mwana wa Munthu akatusizwe ku wafwe.'' ¹⁰ Awasambilizi wakwe awamukolowozya, awati, ''Ngachani fwandi awakawalika wakuti Eliya afwile atalichile ukwiza?'' ¹¹ Yesu atolelela nukuti, ''Eliya amwelimonye aliyiza nu kunyosezya ivinthu vyonsi. ¹² Ukuwa nkhuwanena, Eliya wiza kali, kweni nanthi kumumanya. Mu malo mwakwe, awamuchita chilichonsi chino walondanga. Munzila yoyonye u Mwana wa Munthu nawenye aliyimba mu makasa yawo. ¹³ Ngapano awasambilizi awiluka kuno wanenanga kwe woliwo ivya Yohani Kabatizya. ¹⁴ Pano wizile kwi wumba, umunthu ayiza kwe weliwe, asokowala pankholelo pakwe weliwe, nu kuti, ¹⁵ ''Mfumu, fwila inkhumbu pakwe mwanane, amuno ali nu sinsa swinya akutamika nkhaninye. Amuno pipipi akaponela pa mulilo pamwi mu minzi. ¹⁶ Imulesile kuwa wasambilizi wako, kweni wapotwa ukumupozya.'' ¹⁷ Yesu atolelela nukuti, ''Mwe nthasuwila ni nkhulo imbipe, nga ndilanga nikala na mwemwe mpaka linye? Ningayijimbilizya uwutali wuli na mwemwe? Muletani koo kwe nene.'' ¹⁸ Yesu akalipila i dimoni, nga awufuma mwakwe weliwe, nga umulumendo apola imphindinye yoyo. ¹⁹ Ngapano awasambilizi awiza kwe Yesu palwawo nga awati, ''Ngamuno chani chino swenji tutalifumizye lyenelyo? ²⁰ Yesu atili kwe woliwo, ''Amuno isuwilo linu ilitichi. Amuno nakawuzyenye nkhuwanena, ndi muli ni suwilo napano lingawa ilitichi ngati alupumba lwa mbeyu ya muzimwa, mungavwanga ku mwamba woo, 'Syembuka ukufuma paa uye koko,' Nga wulisyembuka, swinya nanthi chimwi chiliwa achitale kwe mwemwe.'' ²¹ Ukuwa imizimu ya mwata woo yisifuma kandi amapepo nu kusolezya. ²² Pano wikazile mu Galileya, Yesu atili ku wasambilizi wakwe, 'U Mwana wa Munthu alilemekwa mu makasa ya wanthu, ²³ swinya walikoma weliwe, nga pawanda wa chititatu alikatuswa.'' Awasambilizi awawa na malanda nkhaninye. ²⁴ Pano wizile ku Kapenamu, awanthu wano wasontchenga imisonkho ya tumphiya tuwili wiza kwe Peturo nga awati, ''Wuzye umusambilizya winu asilipila imisonkho ya tumphiya tuwili?'' ²⁵ Weni atili, ''Mwelimo.'' Pano Peturo wiza mung'anda, Yesu avwanga kwe weliwe pakutalichila nu kuti, ''Wuzye ukwelengania chani, Simoni? Wuzye amafumu yakasontchezya imisonkho ukufuma ku wawenu? Ukufuma ku wana wawo pamwi ukufuma ku wanji? ²⁶ ''ukufuma ku wanji,'' Peturo atolelela. ''akulikuti awana awapusuke,'' Yesu atili. ²⁷ Ukuwa alyakuti tutize tupanjisye wakasontchezya ukuti wawembuke. yanga kwe sumbi, usumbile indowani, nu kulema inswi yino ya fuma pakutalichila. Pano wiyula umulomo, wandi uzane ulumphiya. Lusende nu kupa