¹ Mwe wanyina, ndi wumwi angalemwa pamasyo yaowalesya, mwemwe mwawano muli nu Muzimu amuleka alungamana mwe Muzimu. Mufwile amuposako amano mwewenecho, nga alyakuti mwemwe mutize mwellezwe. ² Muwakwavwana ukusenda ivisendo, nga alyakuti mufisye isundo lyakwe Kristu. ³ Ndi pali wumwi akwelengania nu kuyitumvya ukuti ali nuwunthu pano asi nuwunthu, atela akuyiwipa umwenecho. ⁴ Chilamunthu afwile ayilolechesya imilimo yakwe. Ngapano ivifukwa vyakwe avyakuyikuzya nukuyipa umunthu napano awevye nanthi kukolania wumwi. ⁵ Pano chilamunthu ali nyamula uluwembu lwakwe. ⁶ Umunthu wino wasambilizwa izwi afwile ukwankhana ivinthu ivizima nawino akasambilizya. ⁷ Mutize mwatumphikwa, e Leza asi tumphikwa, amuno chino umunthu akatanda achili chino akasinza. ⁸ Amuno wino akatanda imbeyu kumuwili wakwe, walisinza ukononeka. Wino akukomela imbeyu yakwe ku Muzimu, alisinza uwulanzi wa muyayaya. ⁹ Tutize twatontha ukuchita ivizima, achino kumphindi nzima tuli gowola ivizwlo , ndi achakuti tukuwombesya nanthi kuleka. ¹⁰ Ngapano, pano tuchili tuli nulongo, lekani sweswe tuwombe ivizimakuwanthu wonsi. Nkhani nkhani kwewano wapalamizile kung'anda yisuwilo. ¹¹ Lolechesya wakalata wakulu wano nawalisile kwakwe mwemwe namakasa yanenenye yaa. ¹² Wonsi wakuvwamba ukuyitumvya nimiwele yaku muwili awali awano wakuvwamba ukuwachintchizya ukuti walembe uwusilamu. Wakuchita wonye mphela alyakuti watize wachulila uwuchingane wakwe Kristu. ¹³ Nanthi nakwewanonye walembwa uwusilamu wasitonthela amasundo, kweni wakavwamba ukuti mwemwe mulembwe uwusilamu ngapano wayitutumula awati mwachinvyile amulembwa uwusilamu ku muwili yinu. ¹⁴ ukuwa nenji nsitela njitutuwalike suka neyamila kuwuchingane wakwe Mfumu Yesu Kristu, ukupitila monye insi ayimusayika pawuchingane kwe nene, nga nene naku nsi. ¹⁵ Amuno nanthi ungalembwa uwusilamunye awa papela nanthi ukunthalembwanye, suka ukwelewulwa swinya kuwupya. ¹⁶ Wonsi wano wakapita ukuyana namumiwele yoo, umutende ninkhumbu viwe paweliwo, apaliponga nawemwe Izirayeli awakwe Leza. ¹⁷ Ukufuma nomba pasi wumwi uwakunthamya nene swinya, amuno nsenzile mumuwili wane amawamba yakwe Yesu. ¹⁸ Inkhumbu zya mfumu yitu Yesu Kristu ziwe nu muzimu winu, wamunyina. Amen.