¹ Amuno umutende Kristu atusapusile sweswe swewawunthungwa. Aleni simphasyani, amo mutize mwize muwe mwewazya swinya. ² Lola, nene, Pauli nkhuvwanga kwe mwemwe ukuti nanthi mwazumilizya mwewenecho ukuti muputulwe. Kristu atandi awawombole nanthi chimwinye munzila yonsi. ³ Nkhusimichizya swinya kumunthu wensi wino wazumilizya ukuputulwa wafwile akukonkha amasundo yonsi. ⁴ Muputulwa ukufuma kwe Kristu, mwemwe mwewano mwalinji nukuti tutetelwe mumasundo; Mutakuwa nuwumanyi wa nkhumbu. ⁵ Amo mumuzimu, mulusuwilo, tuli ni nkhumbu chila ukulindilila ulusuwilo lwa walungamane. ⁶ Mwe Kristu Yesu wonsinye umuputulwa na wino ataputulwa wasi numulimo kwenivyenye isuwilo ukuwomba mulukundo. ⁷ Mwasamalanga ichete. Nga weweni wawalesya ukuti mutize mutontele ukusimichila. ⁸ Ukufunkhulwanye koko kusi akwakwe wawita mwemwe. ⁹ Utumutawa ututichinye tukatutumula umunya wonsi. ¹⁰ Nene ndini suwilo mu Mfumu ukuti mutandi mwelenganie nanthi chimwi chinji. Wumwi wino akuwavulunganya alila ale asundwe, wensi we angawa. ¹¹ Wanawitu, nnthi ntchili kuwizya ukuputulwa, achani chino wachili wakumvwima? Pamulandu woo ichipunuzyo cha wuchinganike wachifumya. ¹² Pa wawo wano wakuvulungania wewe, nkhulonda wakayitungulange awenecho. ¹³ Amo mwisilwe mumutende, wanawitu. Kweni mutakawomvye umutende winu luwe alongo kumuwili, nanthi ukupitila mulukundo muwakwavwana wenga nawenga. ¹⁴ Amuno isundo lyonsi lyakwaniliswa mwizwi lyonga: '' Uwatemwa umupalamani ndivyo wemwenecho! ¹⁵ Kweni nanthi mwalumana nukunangania wenga na wenga, lolechesyani ukuti mutakalyane nukumilulana. ¹⁶ Kweni nkhuti, '' Pitanji mumuzimu apo mutize munyamule ukukumbuchila kwa muwili. ¹⁷ Pakuti ulunkhumbwa lya muwili lukasusyania nu Muzimu, nu lukumbwa lwa Muzimu lukasusania nu muwili. Amo vyoo vikasusyania wenga na wenga, utanga uwombe ichinthu chino ukulonda uwombe. ¹⁸ Kweni nanthi ulungululwa nu Muzimu, munsi pansi pi sundo. ¹⁹ Nomba imilimo ya muwili yili apatiswe: ukuzenkhetuka ni vyawunyali, nuwukwelengusi, ²⁰ mukupepa pa makolanio, nukupandapanda, ukulolana uwunyama, ukulwa, uwuzuwa, ukuvitwa, nukufwituchizyania, ukupawulana, ²¹ inkhwini, ukukolwa, nukuzevya muwuchakolwa na vinji vino vyakolana na vyoo. Nkhuwasochela ndino nawasochezile pakutalika ukut wonsi wano wakachita ivya mwata nye woo, watalipyana pa Ufumu wakwe Leza. ^{22 24} Kweni ichikomwa cha Muzimu alukundo, ichimwemwe, umutende, ukupupuzya, inkhumbu, uwuzima, uwusuwizi, ukuyichefya, nukuyisunga; ²³ kusi amasundo yano yangakania ivinthu nye vyoo. Wano awakwa Kristu Yesu ²⁵ Nanthi tuli nuwumi wa Muzimu, tuyani tuwapitila mu muzimu. ²⁶ Tutayitutuwalika nanthi akufyengana nanthi akukwina