1 Ənied bǝdɨdɨd ǝkǝ nkwan ǝ lyurug tuza nkyaŋ ǝna nad cǝcǝrag bumi zika ni. 2 Bǝ naŋ baku nyeb ʒɨd nani, byo kyag nyyo bu utsa ka ba byo ku byyaŋ cyyaŋ ku bǝ ǝyi ba ba, basi bwo yǝd ǝhwo ntǝm byo. 3 Bǝ nuɠ bwo ku yed usham bǝd, naɠ n nkyog jen dɨ ʒwob ǝtyin nkyaɠ ǝnay kǝkǝb nyyo b utsa ka. Kukwo cyyo gbgɨbag lyurug a nkyaɠ ǝnay ni, ya ǝtya uli Tyofilos. 4 Ku di ǝnnyo a ga lyen cucug wu tuʒan kyaɠ ǝna ǝbɨ cyyed a ni. 5 Bǝ njen Hirudus, ǝgwam Yahudiya wu, ǝsɨ byyo ǝtyǝ fi ʒǝnaɠ wo ǝkungyi Zǝkǝriya ni, ǝku nyyo bǝ nkway Abijah ji. Əbyyug guwu ǝku wurug bǝ ǝnab Haruna ba, ǝku yyi gu Alisǝbǝtu. 6 Sǝllǝy ba ǝfyyaŋ ǝku swan swad san ǝbun duyi ǝgwaʒa ka, dɨ hwi kǝkǝb dokoki bǝ ndwag nswad Ətyo Uli Sǝllǝy na. 7 Əwo baku byyo ngwon dag, nwad Əlisǝbǝtu ǝku yed nǝnhwu ǝwod, naŋ ba ka nkwob bǝd dǝ njen ǝʒo. 8 Isɨ tɨnad jen ǝʒo Zǝkǝrriya ǝ nshyyo duyi Əgwaʒa ka, ǝ ya uswon dɨ nyyo ntǝm fǐ ʒǝnaɠ na nyyo bumi nswod guka ni. 9 bumi ǝkwo khay ǝtya fi ʒǝnaɠ ka, ǝtyǝ ǝwo ǝ Kworog zunzu ji isɨ nkwa nì ngwo ǝku khay dɨ nwwo bumi gbǝndaɠ tu fì ʒǝnaɠ ǝwwo shyo bǝ Uli Dyeb Əgwaʒa ka, dɨ fì usham ǝmyyo ǝnìo yed bǝd nì. 10 Əku shyyo bɨ fì usham ǝmyyo ka naŋ əkpa ənied wu ə shyo tusa ənay Əgwaʒa u. 11 kukwo ǝtǝm nstwa Ətyǝ Uli ǝsɨ bay ǝ ba yoŋ bǝ tsim bǝ ǝfam bwag yag ǝgan fi usham ǝmyo ka 12 Jen ǝzo Zakaiya ǝ ndi gu ni ǝsikâ ncyyo dyurug uwun sɨ tǝbad gu bǝd. 13 Nwad ǝtǝm wu ǝsɨ nyo bǝ ngu. "Yog fǝg uwun dag Zakariya, dǝnian ǝka ǝ nfǝg nay aku ni. Əbyyug awu Alisubatu ǝna byin a ŋgwon. Ana cyyo ka ǝyorog ka yahaya. 14 Ana shyyo bǝ ǝsay ntsswo bǝ fǝg nyinyaɠ. Ənied bǝdɨdɨd ǝna gway bǝ byin guku 15 Nwad ǝna shyyo bɨ shi duyi ǝtyǝ Uli ka! Yog gwo yog sswo ǝkan hyoɠ dag. Nwad Zɨʒǝrag Ntswoǝ shyyo dunduɠ bǝ ngu bumì ufa ǝ yaŋ ka. 16 Ənied Isreila bǝ dɨdɨd ǝn bwwog ǝ nad bǝ Əgwaza bawu. 17 Əna coŋ duyi Əgwaz ba bumi ntswa bɨ ced Iliya ku. Əna nyyo ǝnyyo ǝ mbwag ntsswo +ǝcyyo ba bǝ nnwan ,dǝnian ǝsɨba byyo lag tswoŋ ni bâ coŋ bumi tsutswad ǝnied saŋ ǝbun, ǝ ga njyi lwag Ətyǝ Uli ku tuza ǝnied ǝba ǝ swan ǝ tswoŋ gu ni." 18 Zǝkǝriya ǝsɨ nyo bǝ ǝtǝm ntswo wu, "Ni ǝ bǝd nna ndyǝn kyaŋ ǝkwi ni? Nwa kǝ nkwob bǝd, ǝnnyô bwo ǝbyyug ngu". 19 Ətǝm ntswo wu ǝsɨ shim gu ndyo nyo, "nuŋ ǝ ǝ-ngyi Jibralîlu, wo nɨ ngyoŋ duyi Əgwaʒa ka ni. Guwo tăm mma tag a usham ǝlyyad ǝkay ni. 20 Diḷ Ana yed mɨmmǝm, ana yaw a lyyad dag tɨnad nwam ǝkwo ǝna nnyyo nkyaŋ ǝnay ni. Nwad dǝnian ǝka a nŋwwag cucug bǝ ǝlyyad nna ni dag, sǝnaŋ na ba bay ba njen ǝzo ǝ ndab ǝsag ni." 21 Nini, ǝnied ba ǝsɨ ya uswon dɨ tswoŋ Zǝkǝriya ku. Had basɨ lyin kyaŋ ǝkwo kucyyo gwo tǝ labyyaŋ bumi Zɨzǝrag Tu fi usham ǝmyyo bumi uli Dyeb Əgwaʒa ka ni. 22 ǝwod jen ǝzo gwo ba nggurug ni, ǝsɨ yaw ǝ lyyad bǝ mba dag. Ba ndi annyo ni, basɨ fɨg nyo Əgwaʒa ǝ twǝrag gu kyaŋ naŋ gwo nshyo bumi uli Dyeb Əgwaza ka ni. Nwad ǝku ya uswon dɨ twǝrag ba ǝlyyad bǝ mbwag dǝ bɨ kàrag kyaŋ. 23 Jen ǝzo nnwam ntem guna ba ntyag ni, asi bwwog ǝ nkad buli guka. 24 Mǝta nnwam ǝnio, ǝbyyug guwu Alisabatu sɨ fwwan ufa. Əsɨ lag wwud bɨ uli guka ku ǝ mbwwo zwad tsswon. 25 Alisabatu sɨ nyo, Di kyaŋ ǝkwo Ətya uli ǝ nnyo ndyo dɨcyyaŋ n bǝ ǝyyi nshog gwô ga tɨn n usum na duyi ǝnied ka." 26 Bumi zwad utâ ji, Əgwaʒa sɨ tǝm Ətǝm ntswa Jibraɨlu bǝ ukǝraŋ Nazarad bumi Galili. 27 Tǝm ji sɨ yed shin ǝzwwad gunyyem ǝwo Isû ǝkǝ ndab ǝna ni. ǝku yed byin uli ǝgwam Dauda. Əwod Əʒwwab gunyyem wu ǝsɨ ngyi meri. 28 Əsɨ bay bǝ nka nyo, "bao ŋwan, ŋwan ǝwo kǝ shyyo gbǝndaŋ nshog niḷ Ətyǝ uli u ǝ shyyo dunduŋ bǝ ŋwan." 29 Əwod Meri sɨ ka ncyyo bǝ tay tuʒa ǝlyyad guka, ǝsɨ nyyo didam bǝ tǝŋkay byad ǝkwi ni. 30 Ətǝm ntswa ǝsɨ nyo bǝ ngu, "yog fog uwun dag Meri, a kǝ nshyyo shog Əgwaza ji. 31 Di la, ana shyyo shyyo â byin ŋgwon. Anǝ yyi ka 'Yesu'. 32 Əna byyo shi ǝwod ǝyyi gu ŋgwon Əgwaʒa wo sswag bɨ shi kuni. Ətyǝ uli Əgwaʒa u ǝna joŋ gu cug tyog ǝcyohwob guji Dauda. 33 Əna nyyo tyog tuʒa uli Yakub tɨnad jen saŋ sɨsag ǝnǝ mbyyo sɨsag bɨ tyog guku dag". 34 Meri ǝsɨ nyo bǝ ǝtǝm ntswa wu, "Ni ǝ kyaŋ ǝkwi ni nǝ ndi dǝ nuŋ nka myyo bǝ ǝtyog dag"? 35 Ətam ntswa wu ǝsɨ shim gu ndyo nyo, "Zɨzǝrag Ntswa wu ǝna cyyog tuza ǝka, ǝwod cǝd ǝtyǝ ǝwo swag sǝllǝy ni na kuba, kukwo mbyyo ǝna ngyi zɨzǝrag ŋgwon ǝwo ǝna byin ni ŋgwon Əgwaza. 36 Di la, ngbom nǝnyyug awu Alisabatu ǝkǝ kyag ufa ŋgwon ǝsam bǝ nkwob guji. Ufa ǝkay ni yed ʒwad utâ ʒo bǝ ngu, gu ǝtyǝ ǝwo ǝku ngyi nǝnhwu ni. 37 Ə' mbyyo kyaŋ ǝkwo na kəyed Əgwaʒa u ni dag". 38 Meri sɨnyo, "Di, nuŋ ngyed gunyyem ŋgwon ntǝm Ətyǝ Uli. Yog ku i di bǝ nuŋ bǝnaŋ ǝlyyad Ana ni". Kukwo ǝtǝm ntswa wu sɨ wod gu. 39 Kukwo Meri sɨka ndǝrog bumi nnwam ǝnio bǝ ncuŋ ǝ nkad bumi akaraŋ tuʒa ntsog bǝ ǝfam Yahudiya. 40 Asɨ nkad bumi uli Zǝkǝriya ǝtǝ byyad Alisabatu. 41 Bǝ njen ǝʒo naŋ Alisabǝtu ǝ nfog byyad Meri ku ni, ŋgwon ka bǝ ufa gu ka sɨ nǝrog gu. Əwod Zɨzǝrag Ntswa u ǝsɨ kub gu. 42 Əsɨ tǝkyem ǝŋwwad guka nyo, "lɨbarka ǝ ǝyed a bumi ǝnyyug ka. Bǝ ǝnnyô lɨbarka ǝyed ŋgwon ǝka ana byin ni. 43 Yag ǝ mbyyo had nuŋ ǝ ǝyaŋ Ətyǝ uli ngu ǝnǝ mbay bǝ nuŋ? 44 Dǝ di, naŋ ǝŋwwad byyad aka mbay bǝ tsutsswo mba ni, ŋgwon ǝka shyyo bumi ufa ka ni usɨ nncǝrǝgn dǝnian ǝsay ntsswo. 45 Lɨbarka ǝ shyyo dunduŋ bǝ ŋwan ǝwo ŋwwag cucug naŋ nkyaŋ ǝnay nio ǝ n nyyo a lɨkǝ wuli u nyyo bǝ Ətyǝ uli ni nɨ nad cǝcǝrag." 46 Meri asi nyo, "ǝlyyo nka ǝ dyeb Ətyǝ uli u. 47 Əwod tswa nji sɨ gway bumi Əgwaʒa ǝtɨ san ngu. 48 Nwad ǝtǝghag ǝ di n ǝhwo gu ǝwo ǝ ntay kyaŋ ni dag. Di la, nyyo nini tɨnad kǝkǝb nce tɨbay na, na yyi n ǝtyǝ lɨbarka. 49 Nwad gu ǝtyǝ ǝwo sswag bɨ ced kǝkǝb ni ǝ nyyo n ceced nkaŋ, ǝwod ǝyorog gu ka yed Zɨʒarag. 50 Kunag guku na nshyyo nyyo bǝ nce ǝkwi tɨnad nce tɨbay na byo tswoŋ uwun gu ni. 51 Ə twǝrag cǝd bǝ mbwag guna; ǝsi saraŋ ǝsɨba ǝ tǝkyǝm ǝpyyo tuza didam ntsswo ba wu ni 52 Ə turuŋ nnwan tyog na bǝ ntyog bana ǝwod ǝsɨ tǝkyem ǝsɨba ntay ni dag tuʒa baka. 53 Əsɨ joŋ ǝsɨba tswoŋ ʒwoŋ ni ǝswa bǝ ǝtan nkyaŋ. Əwod ǝnied nʒwa ba ǝsɨ tin ba ǝ nkad ndyo mbwag nhwwod. 54 Əsɨ ŋwwag byyaŋ bǝ nnwan ntǝm Isirela na, kwo na cyyo gwô n jyuŋ twǝrag ba kunag. 55 (Naŋ gwo ku ntag +ǝcyohwob ʒɨd ba) bǝ Ibrahim mbyyaŋ byin guku tɨnad jen saŋ sɨsag." 56 Meri ǝsɨ swan bǝ Alisabǝtu ǝ tyag ʒwad tsad ǝst̂ dɨ bwwog ǝnad buli guka. 57 Jen byin Alisabǝtu ji ku nnyyo ni, ǝsɨ byin ŋgwon ǝsam. 58 kpǝndaŋ swad guba mbyyaŋ nǝnyyug guba ǝ n-fag kyaŋ ǝkwo ǝtyǝ uli ǝ ntwǝrag gu gbǝndǝŋ kunag ni, basɨ gway dunduŋ bǝ ngu. 59 Utug nwam unay-mbwag ka nnyyo ni, basɨ bay ǝ cyyo ŋgwon ka con ji. Basɨ cad bǝd ǝ cyyo gu ǝyorog ǝcyo guka Zǝkǝriya. 60 Əwod ǝyaŋ mbyin wu ǝsɨ shim nyo, "kudḷ Əna yyi gu Yohana ǝ." 61 Basɨ nyo bǝ ngu, "Ə' mbyyo ǝyin bǝ mbyin nyi ku wo ǝ ngyi Yohana ni dag." 62 kukwo basɨ twǝrag ǝcyo wu lyib bǝ mbwag ǝyorog ǝkyo gwo cad ǝ cyyo ŋgwon ka ni. 63 Əcyo guwu ǝsɨ nay ǝ jeŋ gu kyaŋ ndyurug. "Ə̀̀yorog gu ǝkyo yed Yohana." kǝkǝb ba sɨ cyyo bǝ kwod bɨ kyaŋ ǝkwi ni. 64 Bǝ dǝ ncuŋ unuŋ guka sɨ nyyib ǝwod ǝlyem guka sɨ byyug. Əsɨ lyyad ǝ dyeb Əgwaʒa u. 65 Uwun sɨka ntǝbad ǝnied ǝba swan kpokpog bǝ mba ni kǝkǝb nkyaŋ ǝnay ni ǝsɨ shey kwo ǝji bǝ tsutsog ukaraŋ yahudiya ji. 66 Kǝkǝb konyan ǝ fǝg na ǝsɨ niad na bumi ntsswo guka, nyo , "yag ǝ bǝd ŋgwon ǝkay ni na yed?" Nwad bwag Ətyǝ Uli ku shyyo dunduŋ bǝn ka. 67 kukwo Zɨʒarag Ntswa u sɨ kub Zǝkǝriya ǝcyo wu ǝsɨ lyyad ǝŋwwad Əgwaʒa nyo. 68 "Dyeb yed shin Ətyǝ Uli, Əgwaʒa Isirela wu. Nwad Ə bay gwô byyaŋ gwo ǝ nyyo ntǝm fǝrog ǝnied gu ba ǝ wod. 69 Əsɨ tǝkyem gu wo ǝyed ǝtɨsan ʒɨd wu bumi tusa uli ǝtyǝ ntǝm guwu Dauda. 70 Bǝnaŋ gwo ku ndyyad nyyo mɨnkay nnyyo bǝ unuŋ ʒɨʒarag ǝnied ǝlyyad ǝŋwwad Əgwaʒa ka. 71 Ngwo ǝnǝ bay bɨ san ku mbwag kǝtug nǝndwan ʒɨ ba, mbyyaŋ mbwwag kǝkǝb ǝnied ǝba ǝ lag di ʒɨd ni. 72 Ə̀̀ na nyyo ǝni dɨ fǝg kunag +ǝcyo ʒɨd ba. kuna cyyo ǝ jyuŋ ʒɨʒarag kyaŋ ǝwo gwo ku lǝb ǝ sag ni. 73 Shishyi ǝʒo gwo ku lyyad bǝ Ibrahim ǝcyo ʒɨt wu ni. 74 Əku shyi naŋ gwo na mmub ʒɨd ʒɨ ga shyyo fǝrog won mbwag kǝtug nǝndwan ʒɨ ba, ku cyyo cad nyyo gu ntǝm dǝ bi fǝg uwun dag. 75 Zɨ ga nshyyo yed ʒɨʒarag bǝ ǝnied saŋ ǝbun duyi guka kǝkǝb nnwam swad ʒɨt na. 76 Cucug ǝ ŋwan ŋgwon ka, ana yyi a ǝtyǝ ǝlyyad ǝŋwwad Əgwaʒa kyo. Ana kwog uswon duyi uyyi Ətyǝ Uli dɨ jyyi gu ndwog na. Â jyyi ǝnied ba dǝ tɨbay gu ku. 77 Gu ǝ ŋwwag ǝnied guba lyen san ku, dɨ yurub ba kǝkǝb kǝtug nnyyo ba wu. 78 Sɨkwi ni ǝna nyyo ku nwad fǝg kunag Əgwaʒa ʒɨ ku. Bǝ dǝnian nwam ǝkwo ǝna tad nyyo tuʒa ni bay ku byyaŋ ʒɨd ni. 79 Ku na say ǝnied ǝbyo ǝ swan bumi ndyin ǝ tswoŋ uwun ǝhwu ni. Əna nyyo ǝnî dɨ twǝrag tɨtag ʒɨd ba lwag kay shyyo nda ni." 80 ŋgwon ka sɨ lay ǝmay yed ǝyin ba ntswa ji. Əwod asɨ swan bumi uyid tɨnad nwam ǝkwo gwo ntwǝrag ǝpyo gu kpokpag bǝ Isirela ba ni.