Ńcad nyi lyen +nənyyug mba, naŋ +əcyo zɨd ba kəkəb ba bɨ shyyo utag nɨnian kyo, kəb ba sɨ kay bumi əywi ka. Kəkəb ba əku nyyo bâ botisma ji bə əyorog Musa bumi nɨnian ka mbyyaŋ bumi əywi ka. ³ Əwod kəkəb ba byo əku ya kyaŋ ya Əgwaza ku təŋkay ŋyyuŋ. Kəkəb ba əku sswo səhwod Əgwaza nio təŋkey ŋyyuŋ. Ba ku sswo səhwod ənio nyyo ba əfaŋ ntswa uyyaŋ əkyo uku hwi ba ni. Nwad əfaŋ əkay ni Kristi ə. Əwod Ətyə Uli əku fəg nyinyaŋ bə əyyaŋ ba dag. Kukwo mbyyo nkwom bana sɨ səraŋ uyid ka. Nkyaŋ ənay ni, ə lyurug zɨd na zɨ mmyab kyaŋ tuza na ka.Kû cyyo zɨ yog tswoŋ dɨdaŋ kətug nkyaŋ u naŋ ba bu nnyyo ni dag. Nyi yog yed təŋkay ənied dyeb +agwaza dunio na naŋ əyyaŋ bà ni dag. Sɨkwɨ̌ ni di bənaŋ a ndyurug ni, "Ənied bə nɨ nswan ə ya bɨ sswo əba dərog ə swoŋ." Zɨd yog yed +uləm dag bənəŋ əyyaŋ ba əku nyyo ni dag. Bumi nwam nyyuŋ, ənied cikwob nswag nfyyaŋ bə ətad, əsɨ kwi dənian təŋkay əkwa əkyo. Zɨ yog mag Kristi dag bənaŋ əyyaŋ əku nnyyo ni, +zwag zə sɨ hyay ba. Nyi yog yed ənied kɨ kwob ədyiŋ dag, bənaŋ əyyaŋ ba əku nnyyo ni, kukwo ətəm ntswa əhwu wu əsɨ nhyay ba. Nkyaŋ ənay ni ku shyyad ba, kû yed zɨd kyaŋ twərag. Ə̀ lyurug na ə̀ nkwag zɨd tsutsswo, zɨd əbyo nŋhan nce ba əbay tuza zɨd ka ni. Nwad ba ənnyo, ətyə əwo dam nyyo ə yoŋ bɨced ni, yog gwo təlwam, kəlag gwo nə shwod. Əkə mbyyo mag əkwo na shyyo nyin, kwo na sswo ced nyin ni, kwo ətyɨbɨshyi ə kə ndi ni dag. Kaŋ bə ənnyo, Əgwaza u ə yed ətyi yoŋ bə cucug ə. Ənə won mag əkwo na sswag ced nyin ku ku shyyo nyi dag. Bə kwozaŋ mmag, ə nə twərag lwag wurug ku. Nwad, zɨ ga yed ənied gbaŋ əlyo byo tuza mag ka. Nwad, nyin ənied əbyo ncad bəd ni, nyi tyoŋ dyeb +agwaza dunio na. Ndyyad bə nyin naŋ ənied əbyo shyyo bɨ fɨg ni. Nwad, nyî mag kyaŋ əkwo ndyyad ni. Ucyoŋ dyeb əkyo zɨd n dyeb ni u yed usɨn kəw əswog Kristi nio dâ? Kwuŋkwoŋ əwo zɨd kpərəm ni, ə twərag shyyo dunduŋ kwo bumi lwam Kristi ku dâ? Nwad, kwuŋkwoŋ wu ə yed əkwaŋ ənyyuŋ, zɨd əbyo shi ukpa ni lwam nyyuŋ kwo. Səlley zɨd, zɨ ya kwuŋkwoŋ ənyyuŋ əwo dunduŋ. Nyi di ənied Isra'ila ba, ənied əbyo ya nkyaŋ fi zənaŋ ji ni, ba byo nyyo ntem na bə əgan u dâ? Yag ə bəd naŋ ndyyad? +Agwaza dunio na, yed kyaŋ â? Kwo kyaŋ ya əkwo ənied ba ənɨ nyyeb +agwaza dunio ni, yed kyaŋ â? Nuŋ ndyyad tuza nkyaŋ ənio ənied əkag ba ə nfi zənaŋ ni. Banɨ nnərab +utənyiraŋ nio, Əgwaza ə dag. Ncad nyî byyo umyaraŋ bə utənyiraŋ dag. Nyi na yəw sswo bu ucwoŋ Ətyə Uli ka, nyi wod nyi bu sswo bu ucwoŋ utənyiraŋ ka dag. Nyi na mwun əpyo bɨ ya bə Ətyə Uli, bə əsin utənyiraŋ ka dag. Ka zɨ cad zɨ cyyo Ətyo Uli u fəg fub â? Zɨ sswag gu bɨ ced ku â? "Kozaŋ nkyaŋ yed doka zo" Ba kozaŋ nkyaŋ kwo byo kpaŋtɨn dag. Kozaŋ nkyaŋ yed doka zo, ba kozaŋ nkyaŋ kwo nog əniebɨshyi ba dag. Yog əyin gwô yog cad kyaŋ bɨ shim əpyo gu dag. Nwad ənnyo, ku myim konyan gwô cad nkyaŋ ənio ənə mun ə byyan +nənyyug nswad guba bwo ni. A nɨ yaw a ya kozaŋ nkyaŋ əkwo əlyay bu kəswo ni, də bɨ byyo lyib bə ncug dam əlyo ji. Nwad "Dunio ku yed sɨn Ətyə Uli mbyyaŋ nkyaŋ ənio nshyyo bumi ka ni." Bə kənaŋ ətyə əkag ə yoroŋ a di ya kyaŋ ya, naŋ a cad nad ku, nad a ya kyaŋ əkwo ə sag a ndyo ni, də bɨ lyib. Kə əyin əma ntag a, "Ə̀ nyyeb kyaŋ ya əkwi duyi +agwaza dunio kyo," yog ya ku dag. Á nɨ nyyo sɨkwi ni dənian ə tag a, a mbyyaŋ ətɨ tag awu mbyyaŋ ənian cug dam əlyo aji. Ń fa nyo cug dam əlyo əzo ndyyad dag, tuza cug dam əlyo ətyə əwo tag ani ngwo. Yag ə mbyyo swan səd nku na ngyed cug dam əlyo əyin zan ku fyyed əlyyad tuza nka. Kə nsɨ ngya kyaŋ ya ku bu tsswo əgway, yag ə mbyyo naŋ əyin əna byyan n əyorog tuza kyaŋ əkwo nkə taŋ dɨdyeb nî? Əmbgəm bə ənnyo, kwo a ya ə, kwo a sswo ə, kwo yag a naŋ a nyyo, nyyo ku denian Əgwaza u ə nshyyo dyeb ku. Nyi yog yed əfaŋ tu tɨtag bu Yahudawa, kwo Helenawa, kwo utuŋ nnwan Əgwaza ka dag. Ǹ kwan bəd ncyyo konyan tsswo gu ku i say bumi nkyaŋ na kəkeb. Tuza shyyo səhwod kwo naŋ ncad əpyo ndyo dag, ncad nshin ənied bə bədɨdɨd nio, bâ ba nshyyo san ku.