¹ Yeeso do̱o̱si, zemazi n pu do̱o̱s'kənde uri ipu ari de'ete iirə te' iya Ì werk pai sei ina ogapu gwanta Billət zakre naa gbi'kəm, ² Ublut bamro ar, Yeeso pe', Biiturus naa Yaakubu naa Yohana sə i de̱g ge'rə paari muyo. Sei az muga ullok iire mu'ka ³ Yaləna ullən sekəm sə yere bunnun, burkaa ullok haa ar ko̱o̱ anya burkarə dəlləro̱o̱. ⁴ Sei Iliya naa Muusa i gbəsirə mu' ipu pakre naa Yeeso , ⁵ Biiturus doosə Yeeso bonge, "Dangwanz, go'gon ni a pin anŋak, a̱ go'ro nu'te taaree, a̱ go'ro mulo nok mo̱o̱, mulo nok Musa, Mulo nok Iliya. ⁶ Nok Biiturus me̱e̱ ina do̱o̱kan pa kubrubaiya rooi yas ser kamsi. ⁷ Sei koli i tiitə sə i gbə'si, sei i gee gwera, ke̱etə kollizzərə te'ka "Waza miinde n iinupazzi, ke̱sunu to'." ⁸ Ni umkpa norak ara i pin ekirə i og ko̱o̱ maz naa iipa sei Yeeso gwan muzo naa ii ⁹ De' ipu tiitəkre ge'a ekirə do̱o̱si bonge ka̱ ina do̱o̱sə ko̱o̱ maz ina i ogan pa. Sei ublaa i ogən wa̱a̱ maz ruutən robaamrək. ¹⁰ Sei i da̱a̱ paka rook gwanirə temterə sə i wi'gəs gwanirə te'ka anni ruukaa robaamrək ya! ¹¹ I de'̱su "Nok an sə biibai i do̱o̱ bonge sei Iliya na ma'te zaka ya?" ¹² Sei doosi bonge, "Zəmazi Iliya zi ma'ak zaka sə leerəska koo anya: Sə noj an pu biisənən bonge Waa Maz bərk baar gəmbəngə sə i oku ni ur unanik paya? ¹³ Ama n pu do̱o̱skəndə, Iliya zaa Ìi bo'rə ina goosin ullə paa, ni paka rababaaz doo ullə paak." ¹⁴ De i gətə ara kubrubai uri i pinnakrə, i o̱g bansa mari i ko'sipu, biibai ipu sinkənkarə naa ii. ¹⁵ De bansa mariya eyi i o̱g Yeeso mesəm kami; i nog i ree ullə sə i də'su. ¹⁶ Sei de̱s kubrubaiya ulləi i sinkən naa ii ande paa ya? ¹⁷ Sei muzo bansire te' iisu bonge, "Lamz n kamtə waza miiz punaa zama le'nu pakam, ¹⁸ ara ruusunukrə sei ɓasu buttə, sə kees pokti su'rə, sə təw nu' sə bən kos. N ooro kubrubaiya mo̱o̱i ina ke̱e̱susu, ama i le' pa. ¹⁹ Sə iisu bonge ìi mariya dənnandəi eska temte i pisən pai, haa bəna sə n gakp naa ii ya? Haa bəna sə n we̱nsək timr naa ii ya? Kamtunu miirə." ²⁰ Sei i kamtu wazzi. De zama room og Yeeso, ni umkpa no'rak zammi ɓa'su. Sei wazzi kasə buttə sə pokti i keetə su'rə. ²¹ Yeeso de̱s daa ulləz bənnazi sə ina an ma'au ya? "Daa rooz doosu bonge diga dingkaa ulləkrə. ²² Ubla ukaro me̱'musu ri'eri ra'rə roo na maarə. Mona le'eklən sə mona bo'rək una, ogum yirku saa po 'e." ²³ Yeeso doosu bonge "Mina le'ek lengə ne̱? ko̱o̱ anya bo'rumka bon ura esə timrazzə." ²⁴ Ni umkpa norak daa waazirəz gəə sə doo, "N essəpu timr po'me le'ka eska timr pa miilə." ²⁵ De Yeeso og bansa mari ipu noktəkrə íirə, sei bi'sə zammi bonge, "Mo̱o̱ zama à le'en pakpam, n bi'sa ke̱e̱təm ullo kaa gə̱ə a̱ tor ullo zokrə pa." ²⁶ Zammi kwii sei ɓa̱'as wazzi wessawe' sə keegəs. Mazzi goo ura wəraz, haa mari genŋa i doo bonge wərapu. ²⁷ Ama Yeeso kamu na'rə sə ruusu, sə wazzi ruuto paa. ²⁸ De Yeeso tor gwa', kubrubaiya ulləi i de̱su ɓo'rarə nok anni sə 'e le' keesəka pa ya? ²⁹ "Sei doosi bonge "Ne̱ta ri'at kee zuk pa sei naa we̱e̱rəka Bil." ³⁰ De ̀i ruu eri, i ri'gə i ko̱o̱ naa Galiilik. Yeeso ii koo maz kanaa me̱e̱ ara bo̱ pinnak pa, ³¹ nok pu kubruskən kubrubaiya ulləirə doosi bonge "I esək Waa Maz marirə na'rə, sə i iu. Ina ipsupu, ublut taatə, i ruusku ³² ama i me̱e̱gəs paka rook pa gə ser kamikan de̱skarə. ³³ I zaa kafarnaahum de pu gwa' sei de̱s kubrubaiya ulləi bonge, "Ì sinkənkən an ində te' bilarə paa ya? ³⁴ "Ì kaapa, nok i sinkən gwanirə te'ka billarə, ne̱e̱zi gbi'zəz iire te' ya?" ³⁵ Sei gau dii sə de̱r iya komna naa ittəke eyi sə doosi bonge, "Koo ne̱e̱ya na' ii gakkpa waza se̱e̱nzəz sei na gən pu zura ulləl sa'ka se̱niyairə yas," ³⁶ Sei pe' waa waz sə de'su gwanirə te' sə pe'eu na'rə, sə doosi ³⁷ koo ne̱e̱ya na kwee waza az na ri'ra miil ur bən kwesə pu mii, gə koo ne̱eyaa kweye miiz, kweye mii kotto pa, ama ura tomtəz." ³⁸ Yohana doosu bonge, "Lamz" e og uza ke̱e̱sək zamrə naa ri'ra mo̱o̱l sə e ro'nu nok duyee pa. ³⁹ Ama Yeeso doosu bonge, "Kai ro'nu pa nok ne̱e̱ya bo'rə ina məsəmrəm naa ri'ra miilal pag zam miirə paa pa, ⁴⁰ nok koo ne̱e̱ya gwaa keerəs naa aa paz punaa aa, ⁴¹ ne̱e̱ya esən maam ina bo' nok ii mariya ura Bil te̱e̱guzzəi zəmazə' n pu dooskənde, punaa faasima ulləm paa. ⁴² Ne̱e̱ya bo'sə yangiya ye'kiya i esə timr miire ai, sə ina kasəi, ar an ina doksu billa naarəl dukrə sə ina kosu gbonarə. ⁴³ Na'a mo̱o̱i ina toska sə mona bo'rək hakkei, ɗe'səmi, aska an ara a torkən gwanta Billəttə naa na' mukok, naa ara a torkən ra' a ɓamka piipakrə naa nat ittərək. ⁴⁴ Də' a mo̱o̱k na toska sə a bo'rə hakkei, ɗe'səm, aska an ara a torkən ra'rə naa də' mukə, naa ara a torkən ra'a ɓamna pii pakrə naa dənta mo̱o̱t ittərək. ⁴⁵ de' a̱ mook na kangɓakan sə a̱ dew ɗe'səm aska an ara a̱ torkən gwanta Billət na de' mukko, naa ara a̱ torkən ra'rək, ra̱a ɓangɓa piipak naa denta mo̱o̱t itterit. ^{46 47} Nora mo̱o̱l na toskaton sə mona bo'rə hakkei ke̱e̱səm, aska an ara a̱ torkən gwanta Billəttə naa nor mulək naa ara a torkən ra' a rimska pii pakrə naa no' a mo̱o̱i ittəkik. ⁴⁸ Ara gariya i Ì wərən pakrə gə ra'a iik boo rimkp pak. ⁴⁹ I se̱nk koo ne̱e̱ya ni zing mandak. ⁵⁰ Manda ina wessanni, ama na markən pu naa tingtəma ulləm a bo'ok riga sə gəə wessaya? Gamn ni mandak inde te' sə i gbaakən ində te'ka.