¹ De ublaa əngəskənarək ar, Maryaamu Madaaliya naa Maryaamu maiya Yaakubu rez, naa Soloomi, i yiu urdiya dəənzaz,íí zaa woosikən wə'esǝkka Yeeso rək. ² Naa nit ii ree gaggillə ublaa i ma'an ge̱'ka ru'a ɓansakairə, ii reks gaggillə zo̱o̱ra ubla gbətənakrə . ³ Ipu pakrǝ gwanirə te'ka, bonge ne̱e̱zi giisəkaa takpǝza su' gaggǝllǝ az ya? ⁴ Ina gǝ tǝg no', a ii i oks uza giisapu takpǝzzi nok pu gbi'zǝz. ⁵ I tor gaggəllirə roo, i og waa ɓamz uza gapsa pu na' go'onarə, naa yaluwa buwwau zokrə. ⁶ Doosi bonge, "Kai serum pa, i laa Yeeso zi ura keetə Nazarat sǝ i gbagu az. Ruu pu, pu ang pa. Gwen ara i gbagnuk aa àk. ⁷ Ama ii gəən i doosǝ kubu;baiya ulləi naa Biiturus. Aa ində mu'ezi, pu rekrə Galiili. I oksuku roo ni dossǝnənnak. ⁸ I keetə gaggəllirə roo naa nom, inni mǝsi i doosǝ koo maz pa, nok ser kamikan. ⁹ Naa nit ubla Altinerə de ruu robaamrə, se̱e̱ gbəska Maryaamu Magdaaliya ura i keesusu mai gbansas . ¹⁰ Ree su doosǝ iya ipu yammai, zo̱o̱ra ipu we̱lǝkkin naa wəra. ¹¹ i gee ruutopu robaamrə səgə bo ogu ama i esǝ timr ina doosin də pa. ¹² Sa'kaa roozo gbese mari uri ittəkə iya ipu ri'gəttəi mu' naa goos osa ¹³ Ire doosǝ kubrubai ya i seettəi, ama i kwee pa. ¹⁴ Yeeso gə gbesə iya kamna muzoz ai, de' ipu rek rekrə sə bi'si we̱ngkaa timr naa ara i esǝn timr iya ii ogui rə pak. Sa'ka ruutun robaamrək ¹⁵ doosi bonge, "Ren dəllə te', doon paka Billǝk marirə yas, ura esə timraz sǝ i bo'su batisma kink keesəka, ¹⁶ ura esǝ timr paz i wo̱'suku." ¹⁷ I me̱ẹ̱kən iya i esǝ timr miirǝi naa bo'ka neta at. I keesik mai naa ri'ra mill, i pak naa mẹ̱'te a soma so'i ¹⁸ i kamrək komi naa nata iit, gə ina bo' una naa ims te'en bo'kəni una pa. I rumgbuk kuni, i go̱'sǝk." ¹⁹ De daa Yeeso ɓams pak naa ii, i pe'su billǝ paari sə gau na' go'naa Billəkrə. ²⁰ Kubrubaiyi i faks sǝ i doo paka Billək koo araya, gwan Daa Bil kam toms naa ii sə we̱ngrəs paka i dook naa ne̱ta məsəmrə i bo' rət.