¹ Jọmọ uṣi fenyan bẹ tọmọ ẹpan no ububuru nẹ fọ na, ubaka emesu uburu eme fura ka ewọ ọ Osibina efa ṣa. Uburu nẹ wamọ na, Osibina e tiye ba. ² Ọ́nẹbẹ uùba, ẹfẹnẹfẹna eke furi goli uburu ayẹ na, eyurọ Osibina yọ buru; aka ẹnanẹ yuru ya na, ba ka nọ ọ ẹkarẹ ọṣẹnṣẹn nẹ bi wiu. ³ Ubaka, ẹrẹn ro ba ma wọ ọpayẹnsoro nọ oboro osisye, ama nọ odudu osisiye. Uni ka uma sọn ẹfẹna nẹ wọ uburu na ọ́rọ̀rẹ họn? Siye ẹkẹna rọn muro na wa ka na yọ ọ uyiyeyi. ⁴ Ubaka Osibina yọ ọvan awa nẹnọ nọ oboro. Ama we siye ọnẹ wọ odudu na, sọn mọ rọrẹ, ubaka egbele uruwa ayẹ nebọrẹ na a dọn na, ámá dọn gbọgba. Ubaka Osibina yọ ọvan ayawa, ọnẹrọya nọ ọkẹkan ẹfẹna e siye odudu na ẹpan. ⁵ Ọnẹ uba, we ke gbadọ tọ mȯo ẹpan eme gbeka ọkekan aya yẹrẹ uba, ama diya wọrẹ ẹyẹ uùbedin uba. ⁶ Ọnẹ uba we duna amana. Ubaka, uburu abẹ, Osibina yọ ọvan bẹ wa, nẹnẹ te ki siye ẹpẹn ẹnanẹ ọgba fenyan na. ⁷ Du na nẹ ororo, ẹkẹna ujeba na: amana nọ ẹnanẹ amana wa bẹka na, orikpokpo ikiba nọ ẹnanẹ awa be ka na, ọrọrẹ nọ ẹnanẹ ọrọrẹ wa bẹ ka na, okuruno nọ ẹnanẹ okurunọ wa bẹ ka na. ⁸ Ume je koro ọyẹrẹ kẹna kide, efura ka ni ni abẹn nẹga. Ubaka ẹfẹna nẹ ni yọ ọbawọ ẹga na, e siye ẹkẹna ububuru eni na. ⁹ Ibuburu abẹ, "Ome siye onọsẹsẹ, uma nwannoro, ume yiro oyiri, uma sọ ọ ọlarẹ," adaka e diye su ububuru ọbẹn, bẹ sẹ fenyan ẹpan wo ọnẹ, "Ni wọ ọbawọ ẹga aka wiwu na." ¹⁰ Unini e siye odudu eto yọ ọbawọ. Ọ́nẹbẹ uùba, unini awa ka we siye ẹkẹna ububuru ni na. ¹¹ Ọnẹ uba, udin ọgba yẹ, abọwọ ka ọsọn mu ba na. Ọgbọnẹ tọ ọnafan eturu ṣa fọrẹ ọgbọna tẹ nawọ isi oṣoro na. ¹² Ujoge turu, aka isubu ayi turu ṣa. Ni jọmọ, ti mo nọ esiri utun wọ ọpa, ni jọmọ ti mi fọ ọsọ yọ iwọgbigben. ¹³ Ni jọmọ ti jenjen ako e siye bọwọ na, akọ erun mẹka na, ámà wọ ọ adẹ ọwẹ wa eejemẹ sa adẹ omimo, aka ni me yaka ti jenjen amabuwe gbagba sa ọlarẹ odudu nẹnẹ oro emedi ya sọ iwu na, aka ama wọ ibe obibe sa ọkẹ kanọ oro iwu. ¹⁴ Ama fo Idu Ijisọs Ẹkraist wo iwo ẹrọ aka uma fo efa nọ iwukpe, ka edi siye yọ ọlarẹ.