¹ Àá ṣa èè yẹ ẹfọkẹbọrẹ jẹsẹ aka à fọ iwọ ogbigben àka ububuru nẹnẹ ba ke ki hu efunwenfunwen nedudu ako igun fa yo na neba. ² Aa file ba ka yọ ka bẹ kẹ ga Osibina ipepen aka bèè sẹ ẹnanẹ à ya na iwu gan. ³ Aa gẹ nẹ ba ka, ''nẹma tiye kebakide dọn ni me tiye oti neme ti ye ikiba uba don, nema ti ye ẹpasẹ don, ni me ti ye ikiba dọn eme ṣu ẹkẹna nẹnẹ ni ti yẹ dọn na. ⁴ Ubuwo kubo nẹnẹ na ka fọn na, nẹ ma ba maa jenere ọgba nẹnẹ na ka yọ na. ⁵ Efa ke fa nẹnẹ bi ma nanọ ọga na, ọgbọna nẹ fura ike na yẹ na, nẹ pina atọn nẹnẹ wọ inọ sẹ na ako osisiye na ka na wọ.'' ⁶ Bi mi sa fura fọ mi iken nabẹ yọ bèè ya pọ epenpan oboro aka fuwa efa feyanfeyan. ⁷ Ẹherodu nẹnẹ wo etetirak eka se wọ feyan nẹnẹ a asele na, aka èè su eyan kata uba ka erokoro ebẹn Ejọọnu osiye uba oyẹrẹ epan a ye a pila sa fura eporo uwuru. ⁸ aka erokoro ebe a ge ka Elihah a fiwu yẹn aka erokoro ebe fowo se ye ka Ogẹsẹro ọrẹ epila sa. ⁹ Herodu sa gẹ ka ẹsẹn Ẹjọọnu epan era epila wọ efẹ na ma wọ yẹga na?'' emi nẹ ni ọrẹ nẹnẹ aka agba Ijesu na. ¹⁰ Ọgbọna Apọsteli abe pila sa na bee ga nẹ ya ako nẹ ya ẹpẹn na abẹ kẹ siye na ọgbọne be aa fọ ba bile iwu, bee fura ake ebẹbẹ yọ ike nọbẹ nẹnẹ bẹ yẹ Ẹbetisaida na. ¹¹ Ama ọgbọna apẹ wọ na bee yẹrẹ ya. aa si ye bọ ọga aka aa ga ne ba ako ne Osibina ipẹpẹn siye wẹ na aka aa fọ ẹnanẹ bee wu e me yẹ na kesi. ¹² Akana isubu a ye turu sa ekuwe, aka efokebore sa to yẹ bee gẹ ka, ''File apẹ ẹnane kẹ yọ bi din yọ ikẹn nẹ kọn tọn na jẹnẹ ni efa ọbubuwẹ akọ ijẹn, ubaka ti wo efe na tẹ di ya gba ọgubarọ.'' ¹³ Ama aa ga nẹ ba ka nẹ fọ ẹpẹn nẹ ba jẹ bee ga nẹ ya ka, ''bi me su fọrẹ akara upi ako a yẹrẹ ẹbọrẹ eme furaka ti jẹn nẹ yin ni ijẹn nerokoro ẹnanẹ.'' ¹⁴ (Erokoro nẹnẹ yẹrẹ o asẹme mase upi na.) Aa ga nẹ yẹ gbẹn nurun eka abẹ, nẹ fọ ba maa igutẹ iguile iborekokofọ ọgbọgbọ. ¹⁵ Bee sa siye akone a siye ga na, bee fọba maa. ¹⁶ A sa naa akara upi aye ako a yẹrẹ ẹborẹ a yẹ, aa balẹ ososi aa gan ẹba wamọ aka aa ruwe wọ ọrẹ ikeke aka aa nọ yẹ gbẹn nurun mẹka abẹ ka bee ruwẹ nọ apẹ nẹnẹ maa na. ¹⁷ A bee feyanfeyan ejen aka bi fe aka e di yẹ ku wẹ jẹn yọ egben nurunmẹka abe koya ugi ẹfokẹborẹ di yẹ fẹ. ¹⁸ Ọgban ọbẹ wa mọ ọgbọna Ijesu e si ya a dura na, yẹ gbẹn nurunmẹka abẹ biwo yẹ fa aa sin ba ka, ''Era erokoro ẹnanẹ poto gẹ ka ẹwa?'' ¹⁹ Bee gu nẹ yowo ka, ''Ẹjọọnu ọfọ uba yẹrẹ ọrọ ẹpan ama a rokoro e bee gẹ ka Elijah, aka erokoro e bee di yẹ ki gẹ ka ọga ẹsẹro ọyẹrẹ a ye ọwa nẹfọ pila sa.'' ²⁰ Aa mi sin ba, ''Ama era ano kẹ ẹwaa? Ipita pile yẹ ka, ''Ikristi Osibina ẹka a yẹ ọwa.'' ²¹ Ama aa wọn ba ka be gbadọ a ga nọ ọrọkore, ²² ee mi sa, a gẹ ka, ''Orokoro ogben ẹkẹ jo oya nẹpan noyọyọ aka bee kẹ yuru ya wi jẹn, ẹnanẹ wọ isubu aka Ashigiriro ka wan ya, ama isubu otetaro aka suma pale sa.'' ²³ Emi sa ga nẹ babẹ feyanfeyan ka, ''ọrọkoro a ki nẹ ka aye sa yẹrẹ mo aa ke tẹ yi epen feyanfeyan newa ẹro onẹ ka na, e ti yẹ ọgbalati akẹ yẹrẹ mọ. ²⁴ Efena efena aka wọn yẹ rọ na aka nẹ a fuwa amáà ẹfẹna aka nẹ yẹ ero fuwa na, aka fan. ²⁵ Oboro oo na ewo amọ na ka oro a fọ ẹro ọnẹ ẹ̀ẹ́ siye kere je, emi nẹ yi iwu fuwa? ²⁶ Efena ẹfẹna ame aka mẹ ẹga àko epan na, oro ọnẹbẹ ayẹ Orokoro Òógẹn aka kọ yẹ ẹpan ọgbọna aka sa iyo ugbugbodi aka. Ededa ugbugbodi aka angẹli ọwọnwọn abẹ. ²⁷ Amàá ẹ ga nẹ wọ ẹgaba, e su ero ẹbẹn nẹnẹ jọọn ẹka nà á ka gba ufo ṣana bẹ kẹ gba Osibina Òóbin ojije.'' ²⁸ Akọ nẹ e sie isubu ọnọkọnọkọnọ nẹ Ijesu ga ẹga ẹnanẹ na emi fọ Ipita aka Ẹjọọnu aka Ijemisi yọ ore osi ka bi jen ne sie adura. ²⁹ Akọ nẹ e sie sie adura na, yọ ayẹn sa e bila, yọ alẹgbe ṣabe ṣina okukuru lèle le. ³⁰ Balẹ, iforo ẹbọrẹ mẹ a ga ẹga, Imose aka Ejija, ³¹ be fọ iwu yẹn ugbugbodi bẹ mẹ a ga ako e ke sie fura, nẹ ayẹ nẹ ka fọ ṣa ṣun Ijerusalẹmu na. ³² Ọgbọ nẹbẹ uba ṣa éè de Ipita aka ẹnanẹ ma kẹye ya na, amàá ọgbọna uba ayẹ ṣẹn wo ba ayẹn na be gba yu ugbubodi aka iforo ẹbọrẹ ne jọọn gbeli ya na. ³³ Ako bi sie fura Ijesu ẹfa na, Ipita ga nẹ ya ka, ''Oga, eke fu rọn ka tẹ ma ẹẹka jọọn tẹ mẹ uturu ẹẹta, ọọrẹ nẹ wọ ọọrẹ nẹ Imose, ọọre nẹ Elijah.'' (Ayi me di ẹkẹ na aa ga na.) ³⁴ Akọ e sie aa ga ọnẹ na, idudurudu mi ṣa ri ba, abẹ mi a sọnmọrọrẹ akọ bi si a fọn idudurudu ayẹbna. ³⁵ Bẹ wọ ẹgàa ọbẹn idudurudu ayẹ ka, ''Mọ ogbẹn oforo a nẹ, onẹ bi tie na, ni piya atọn nẹ a.'' ³⁶ Ọgbọna ohun aye ga ẹga ke na, bi mi gba Ijesu ayẹ arẹ. Bẹ duuṣu bi ma ga nẹ korokoyẹrẹ isubu enabẹ ẹkẹne ba a ayẹn gba na. ³⁷ Emumube usie gan ne bi holo ọrẹ osi na erokoro asammasan ṣa gure ba. ³⁸ Balẹ, oforo ogbẹn erokoro asanmasan eetin yi ọga, a gẹ ka, ''Otero, agwagwa bale mọ ogben oforo a, arẹ awa ọgbẹn nẹ i su na. ³⁹ Ungbẹẹ, efuenfuen ȯbe akẹ fọn ya iwu iganigan aye de mi ki yi ọga oṣile ọsile ada wọrẹ kẹ yọrẹ ede dia ke ṣa afọfọ owo Eeya e te i ya, ede dia kẹ rẹn yo ron daa daa. ⁴⁰ Ẹ tẹẹ wọ egbenurumẹka abẹ ekwin ka bi guya ve ṣa tulasi, Amáà bi me di siẹ.'' ⁴¹ Ijesu mi guna owo a gẹ ka, ''Anọ ubanẹ nẹ eme su anawo, nẹ die be fuwa ọnẹ na, i si gana mèé ke pila ma keye nọ i kii gege na? Rọ wọ ogben oforo aye sa ekọ nẹ.'' ⁴² Ọgbọna ogben oforo ayẹ aa ṣa na, efuenfuen odudu ayẹ tẹ yẹ ẹba wọ ije awọrẹ ya aa yọrẹ. Amàá Ijesu ma efuenfuen odudu aye ga, a fọ ogben oforo ayẹ iwu gan, emi fọ e dọn wẹ ẹda uba. ⁴³ Osibina yọ ugbugbodi mi jin ba owo fuwa. ⁴⁴ Akọ ẹpẹn fenyan nẹ èé sie ki sie jin ba owo èé fuwa na, e mi ga nẹ yọ egben urunmẹka abẹ, ka, ''Ni te i ẹga enane bẹ fọn nọ ọtọn: Ba ka jọ oroko ogbẹn wo erokoro ùúba.'' ⁴⁵ Amàá ẹga ayẹ eme ye ba. Bi ya bẹbẹ ne ba, ka bi me di din yọ igben, kegankegan ọrọrọ eme ya ka bi ṣin ega ayẹ igben. ⁴⁶ Ọgbọnẹbẹ bi mi a yamina owo ee wo ẹfẹna aka da ẹrẹnro i bi iwu na. ⁴⁷ Amàá, Ijesu ayẹ e di ẹkẹna be roeo i bọọ uloko na, a yẹ mi fọ ọgben ni keke wo yẹ ẹfẹ ⁴⁸ emi ga nẹ ba ka, ''Ẹfẹna ẹfẹna aka na ogben ọnẹ i mi iwuru na, ana mọ bilamọ ẹfẹna ẹfẹna àá na mọ na ana ẹfẹna nẹ filemu na. Ẹfẹna ẹfẹna èé kere fọrẹ eni iwu na ayẹ a wa ne ẹpan.'' ⁴⁹ Ẹjọọnu guna owo ka, ''Oga, tẹ gba oro ọbẹn nẹ ee gu ẹfuenfuen idudu ee ve iwo iwuru na, amàá tẹ sẹ ya jọọn ubaka ayẹ ama yẹrẹ tọ.'' ⁵⁰ Ijesu mi ga ka, ''Ni ma sẹ ya jọọn.'' ubaka ẹfẹna ẹfẹna èé me bila ẹkon ayẹn to nu na, e joon gbeli nu.'' ⁵¹ Ọgbọna isubu turu ṣa ka bẹ fọ ẹ yọ ososi na, ayẹ mi fọ ayẹn wo Ijerusalẹmu ka ayẹ yọ. ⁵² Ayi mi file otunro yọ ẹrẹn abẹ mi fọn Esamariyaro iiken ka bẹ ko esa wo ije karẹ ya. ⁵³ Amaa ero ẹnanẹ wo ẹfẹnẹbẹ na bi me ni a, ubaka ayẹ yọ ayẹn wọ ka a yẹ yo Ijerusalẹmu. ⁵⁴ Ọgbọna yọ egbenurunmẹka, Ijemisi aka Ẹjọọnu gba ọnẹ na, bẹ ga ka, ''Idu, uka ti buru ka ẹra e ve fura Osibina ẹsẹn e fu ba họn?'' ⁵⁵ Amaa e bila e wọn ba, ⁵⁶ abẹ mi yọ iken ọbẹn. ⁵⁷ Akọ bi sie ayọ orikpokpo na, oro ọbẹn ga nẹ a ka, ''Màá ka yẹrẹ wọ yọ ẹfẹna ẹfẹna wa ka yọ na.'' ⁵⁸ Ijesu ga nẹ wo ososi na su ọkọ, amàá orokoro oogbe e me su ẹfẹna na e di fọ ẹpan aa pan na.'' ⁵⁹ Amàá e mi ga nẹ oro ọben, ''Kẹ yẹrẹ mo. Aye mi ga ka, ''Idu, tebimu i jen ne re te eda ke.'' ⁶⁰ Amàá a ga nẹ ya ka, ''Tebi eekporo bi ki re abẹ eekporo. Amàá, awọ kẹ yọ u jen na kẹ ga Osibina yọ ikpikpen ẹga ẹfa fenya.'' ⁶¹ Oro ọbẹn ayi da gẹ ka, ''Ma ka yẹrẹ wọ, Idu, amàá te i mu i jen na ga ẹnanẹ wo mu ubo ka mèé so ba.'' ⁶² Ijesu mi guna yọ owo ka, ''E me su ẹfẹna ne aa se agan e bila àá bale urun na èé di a fọn Osibina ẹṣẹn.''