¹ Ẹyẹn ẹfọkupiro nẹnẹ Itibariusi caesar we e jobin na, Epontius pilate ayẹ wọ ọ Ijudiya ẹgọvọnọ Eherodi aya wọ Tetrarch wẹ Ẹgalili, yọ da Ifilipi wọ Tetrarch won ifena beyo Ituraea aka Etrachoritisi akọ Lysanias aya wọ tetrach wọ Abilene. ² Aṣigiri ọkẹka ẹpan Annasi akọ Icaisphasi, Osibina yẹ ga wole ṣa tọ Ejoonu Ezechariah ọgben ọdamo bile. ³ Ayọ okaminasa ne wo Ijordani na aga Osibina ẹga, ediya gẹ ga ororo ibe pila nẹ ẹpan nogbungbun ne iluwe. ⁴ Akọ bi siye wọrẹ wọ ọgẹsẹ Isaih emumu na wọra na ka "Oro eyi oga okaminasa ka guru Idu oripopo, tabi yọ oripopi ewo ọṣẹrẹ. ⁵ Upolon fẹyan beke fie, ore aka otutu feyan baka se ṣina ije, oripopi na ma yọ ọsẹrẹ na beke tinya emi yọ ọṣẹrẹ oṣi nama nonmuro na, me ke siye orpopi wamo. ⁶ Iwupe feyan aka gba Osibina yo nafan. ⁷ Ejoonu gano ero ọyọyọ ne ve aṣa ne keri momo na, aga anẹba ka anọ ẹpẹn ẹnanẹ wo idudu na egben. Era ganẹnọ ka nimune fura okẹkan nasa na? ⁸ Ni mụni ilukutu ne ke wọ roribe pila na, ni ma gẹ ka ti su Abrahamu nẹnẹ wa tẹ ẹdẹda na, osiba dia fọ ẹgben fura nọ Abrahamu ọtarẹ ẹnanẹ. ⁹ Akanọnẹ ọdọ wije ne baka bọrọ oti ẹ yen oti koti ne ma munibire oboro na baka ṣe ya bi gun mẹ we ra. ¹⁰ Akpẹ abe ye eṣiyan ka ẹna teke siya? ¹¹ Eguna bowo ka ẹfẹna esu ėsa ẹbọrẹ na ada fọyere nẹ ẹfẹna i mesu na, kẹ fẹna die su ijen na esie ẹgan sie. ¹² Ka ẹnanẹ ana amanana ṣa ka eribabẹ imomo, bẹ gan neya ka otitero, ena teke siya? ¹³ Agan nẹba ka, bima nọ ọ ikiba fọrẹ ọpa nẹ bẹ ganẹ ba ka bẹ nana. ¹⁴ Ọgbamẹkọnro abẹ ṣiyan ka abewo? Ẹna abẹ ekesiya? Aganẹ ba ka bima fọ iwogbigben nọ ikiba fura ero uba, bi me diya ṣiṣoma kuru ikiba nẹ be duna ba na efile bayẹn ¹⁵ Ero ro fayẹn woripopo ka Ikristi aka sa, eroro diye roro ibibe ka sa Ejoonu aya wọ ọ Ikristi aye na. ¹⁶ Ejoona gu nowo agẹneba ka ayi riba imomo aka ebi, amaa esu ẹfẹna asa na, esu iwogbigben fọrẹ yayẹ ayi me gwe ka aye tọra yọ ėbata oyi. Eke rinu imomo aka efunwenfunwen nọ wọnwọn aka ẹra. ¹⁷ Yọ ọ utumẹpẹn fẹyan dọn ya nẹnẹ eke guru ẹfa feyan na, eke diye jese yọ egin wọ ọ uturu.Enanẹ wọ esahọna aka fọ ẹra kẹnẹba era nemesu ¹⁸ Ako ogboruloko ẹbeoon Ejoonu diya pọ ẹpẹpan noboro anọ ero. ¹⁹ Ako bisie wo ka Eherodu Etetracha na aka ẹpẹn idudu nene Eherodu sie na. ²⁰ Edia fo onẹ bilamọ aka ayi ju Ejoonu won ẹnwan ubu. ²¹ Ọgbọna ero feyan kwe rimomo kwe na, ko ọ Ijesu die rimomo aka esiye agbadura na, ososi jin. ²² Efunwefunwen ọwọn won iwepe ọre eholo ṣa aka ilekunu na, bẹ wo owo Osibina ẹsẹn ka "One awa mọ ogben nẹnẹ ini yẹga na miberọn to na." ²³ Ọgbọna Ijesu tọme yutun na (ako erokoro sie gẹ na) Ijosefu Eheli ogben. ²⁴ Emuthati ogben, Elevi ogben, Emalchi ogben, Ijamnaili ogben Ijosefu ogben. ²⁵ Ijosefu, Ematayasi ogben Amos ogben, Enahun ogben, Esli ogben, Enaggai ogben. ²⁶ Emaath ogben, Emattaci ogben Esemiri ogben, Ijosefu ogben, Ijoda ogbe. ²⁷ Ijodasi, Ijoana ogben, Irhesa ogben, Izerubbabelli ogben, Esalatjieli, Enerisi ogben. ²⁸ Emetchi ogben, Addi ogben, Ecosam ogben, Elmadam ogben, Er ogben. ²⁹ Ijoshua ogben, Eliezar ogben, Ijorimi, Emattai ogben, Elevi ogben. ³⁰ Elevi Isimeoni ogben, Ijudah ogben, Ijosefu ogben, Ijonam ogben, Eliakim ogben. ³¹ Emalea ogben, Emenna ogben, Emathathasi ogben, Enathan, Idavidi ogben, ³² Ijesse ogben, obed ogben, Iboazi ogben, Isalmoni ogben, Enashomi. ³³ Enashoni wọ ọ Amminadab ogben, Admin ogben, Ami ogben, Ehezroni ogben, Eperezogboni, Ijudah ogben, ³⁴ Ijacob ogben, Isaac ogben, Abraham ogben, Eterah ogben, ³⁵ Enahor ogben, Eserug ogben, Ireu ogben, Epeleg ogben, Eber ogben, Eshelah ogben. ³⁶ Eshelah Icainan ogben, Arphaxed ogben, Eshem ogben, Inoah ogben, Elamecj ogben. ³⁷ Emetjuselah ogben, Enoch ogben Ijared ogben, Emahalateel ogben, Icainani ogben, ³⁸ Enos ogben, Seth ogben, Adam ogben, Adam, Eseth ogben.