¹ Akana ogba ẹnabẹ, isisa ọgọtọsi fọ ọ ma ga file ka ogamero ẹpan nẹpan a sẹro nọ ero fẹyan nẹ wọ ije osi na. ² Òna wọ ero ọgẹgan ọgbọna ikuyirinọsi jọọ Ẹgọvọnọ isiriya na. ³ Ọnẹbẹ uba, ero fẹyan ṣa yọ bọ iken ka bẹ fọ iwuru wije nọ ero ogenga. ⁴ Ijosẹfu kaa yẹ yọ Ẹgalili, iken nẹnẹ be yọọ Enasaretu, yọọ Ijudiya genere Dafidi iken, nẹ be yọọ Ebẹtilẹhẹmubna, ubaka e wo ukuba nẹ wọ Dafidi ẹka na. ⁵ A yọ ẹfẹnẹbẹ akọ Imari jẹ na fọ iwuru wije, nẹ bẹ bẹlẹ wije edina wọ iwu ẹbọrẹ na. ⁶ Akana, a ṣa ṣun ka ọgbọna bi wẹ ẹfẹnẹba na, ọgba rẹ nẹnẹ aka bọ ogben na. ⁷ Asa bọ ogben nọ oforo yọ ogben osoro, Afo esa e guru yi wu a fọ ẹ bu ee wọọ ududo obwe ẹfa na bi gu mẹsa na. ⁸ Oṣẹlẹ ududo ẹnanẹ wọ osin nọ nẹ bẹ nẹ ba ṣẹlẹ bọ ududo ẹfa ogandala ojekeka na. ⁹ Angeli Idu mẹka fi wu yen ba, akọ Idu mọ ugbugbodi pi yẹn gegere ba, ọrọrẹ ọkẹka gun ma ri ba. ¹⁰ Angeli ṣa gamẹba ka, "Ni ma sọmọro rẹ ubaka ẹ fọ fọọ ẹbẹnbẹn nẹ ero feyan. ¹¹ Amọnẹ bẹ ba tọ onafaan ro nẹ tọ iken nẹnẹ wọ Edafidi èka na, ayẹ a wọ Ikristi tọ Idu! ¹² Ọna awọ opipeli nẹnẹ ba ka nẹwo na: wa ka gbọ ogbẹn nayẹ ka bẹ fọẹ eẹ̀sa bẹ parẹya bẹ fọe bwe wo, udodo ubor. ¹³ Iganigan, ọkọbile nẹ wọ Angeli abẹna akọ erokoro a sama san Osibina ẹẹsẹ bẹ fọ uyiyeyi a nọ ¹⁴ Ugbogbodi awa nọ Osibina ne wọ apa na aka iwọ bẹbẹrẹ wọ ero aka, erokoro ẹnane yọ ibe rọn to na. ¹⁵ Aṣa ka, ọgbọna Angeli abẹ fura bọrẹ mi pọ yọ ososina, osẹelu odudo ga nabẹ ka,"Ni jọmọ tẹ yọ Ẹbẹtilẹhẹmu ti di na gba ẹkẹna sẹlẹ na, nẹnẹ Idu a yẹn tọ na. ¹⁶ Bi mune yo, bi tọ Imari Ijosefu, aka ogben no owowo aye, nẹnẹ bẹ fọọ bwe ududo ubo na. ¹⁷ Ọgbọna bẹ gbẹ na, bẹ ganẹya ẹẹse nẹnẹ bẹ ga tọ ogbenayẹ na. ¹⁸ Enane wọ na, awa eken a jin bowo fuwa na nẹ ẹkẹna osele ududo abẹ ga nẹba na. ¹⁹ Ama Imari e roro fẹyan nẹnẹ ayi ke wọ na e dine bẹ na se ya iyọ uloko. ²⁰ Ọṣẹlẹ ududo abẹ pila ṣa, be fọ ugbugbodi aka uyiyeyi a nọ Osibina nẹ bi ke wọ aka one bi ke gba na, akọ bi siye ga nẹba na. ²¹ Ọgbọna isubu onokonokono a yọ a kwe na, ogbona be ni ka bi fuwẹsẹ na, iwuru neya Ijesu, iwuru nẹnẹ angeli abẹ ya nẹ ya sana bi ya wa yọ iyo iwuja ibe na. ²² Ọgbena ọgbare opuwa wọn sun na, akọ Imose ububuru siye wọrẹ na fọẹ fọ mọ etempile nẹ wọ Ijerusalemu ka bẹ fọẹ dọ mọ Idu uba. ²³ Akọ bi siye wọrẹ wọ Idu uburu na, "Iforo fẹyan nẹ wọn ogbe nosoro ji wuya ogbenuba na ibaka ti yobo nọ Osibina. ²⁴ Bi mi siye iyanpun akọne ̣ bi siye gẹ Idu uburu na, "Esokpa ẹbọre sa ilekuku ẹbọrẹ nẹnẹ gwe aṣa na. ²⁵ Uuh gbẹ ṣo, ẹdẹda ọbẹn wa mọ ni Ijerusalemu nẹ yọ iwuru e gbe Simeoni na, oro ayẹ ọsere ro ya ako ofayen yere. Aṣa ee nọ ofun mi be no Isreali, Efunwẹnfunwẹn onwọnwọn jọmọ gbeli ya. ²⁶ Ẹfuwẹnfunwẹn ayẹn ya ka a àka fayẹn gba ufo ṣa na edi kẹ gbo Osibina. ²⁷ Akà ẹfunwẹnfunwẹn se fwẹ na, saa itempeli. Ọgbọna ededa akọ iya fọ ogben Ijesu, ka bi siye akọ bi siye wọrẹ wo ibo obuburuna, ²⁸ A fọẹ dọn a fọ uyiyeyi nọ Osibina, agẹ ka, ²⁹ Ọgbonẹ jọmọ wọ okotoro efura akọ̀ iwobebere, Idu akọ wọ ega si ye wa na. ³⁰ Ubaka mo ayẹn gbọ onenafan, ³¹ Ne usiye yọọ ọrẹ wo ije akpẹ fẹyan ayẹn na: ³² Ọsu nọ wọ ọfọyẹn nọ ikwe ro abẹ akọ ugbugbodi nọ Isreali erona. ³³ Wẹda aka wuja ojinorowo fuwa, yẹro ẹkẹna bi kwe ga yẹro ogben nayẹ ẹpan na. ³⁴ Isimeoni fọọ okukuru bile nẹ bẹ a g nọ Imari nẹnẹ wa wuja na, "Uuh ge sọ ogben nọnẹ ayẹ bi tiye nọ ọfẹfale aka ofufura nero ọyọyọ ọọ̀ Israeli aka opipeli nẹnẹ bi yuru na_ ³⁵ Ọgbọdọ aka fọn wọ uloko_ ubaka ẹpẹn nẹ wọ ero oyoyo uloka à á yẹn." ³⁶ Ọgẹsẹ ọbẹ nẹ bẹ yọ Ana wẹ ẹfẹnẹbẹ. Aya wo Epanueli ogben nẹnẹ wọ osin ne wo Aṣa na. Ewo yọ ọdodon abi ka yọ oforo bile aàma nọ ẹyẹn nu fọmbọrẹ akọ e siye suya oyegbe na ³⁷ E wọ ikukuru nọ ẹyẹn igbo fu kọ etina. Eme ṣo ogbọna eteyi etempeli wije na ama a siyọ okoto akọ awẹ, ako adura, kujo kerun. ³⁸ Ẹwakati ọnẹbẹ e turu to ba a ga mọ Osibina ẹba, a ga ogben na yẹga a nọ ero feyan nẹnẹ a karẹ Ijerusalemu yọ ọnafan. ⁴⁰ Ogbona bi ma gbẹna, bi pila yọọ Ijerusalemu, bi ye ni ya ẹfẹnẹbẹ ⁴⁶ Isubu ẹba ṣuun, be gbe yọ ẹtempeli, amanọ otite rabẹ etin, ee pi ba tọn ediye ṣin bẹ ga, ⁴⁷ Ẹrọ fẹyan nẹ wọ ya na jinowofuwa ubaka yọ odindin aka yọ owo oguguna. ⁴¹ Wẹ da aka wiya de ki jw nọ Ijerusalemu eyen neyen nọ imu ọnẹ wa ofuruṣu. ⁴² Ògbọna awa ẹyẹn ẹfọkẹbọrẹ ro na, bi di ye ki yọ akọnẹ bo osisiye ogba siye wana. ⁴³ Ọgbọna bẹ ma ne isubu ọpanẹ aàbọka be ma ne na ni imu ayẹ na, Bi pila ṣa ubo. ama Ijesu ama yẹrẹ ba pila yubo yo ẹdada akọ wuya bi me din. ⁴⁴ Bi roro ka e wọ ero nẹnẹ bi bile yọ ubo na etin. Bi mi tọme bi ye niya ibọ ukuba etin ako ere abẹ ⁴⁵ Ogbona bi ma gbẹna, bi pila yọọ Ijerusalemu, bi ye ni ya ẹfẹnẹbẹ ⁴⁶ Isubu ẹba ṣuun, be gbe yọ ẹtempeli, amanọ otite rabẹ etin, ee pi ba tọn ediye ṣin bẹ ga, ⁴⁷ Ẹrọ fẹyan nẹ wọ ya na jinowofuwa ubaka yọ odindin aka yọ owo oguguna. ⁴⁸ Ọgbona bẹ gbẹ na, ejinbowofwuwa wuya ga nẹ ya k, "ogben, enane usiyakọ siyetu na? Balẹ nẹda aka amẹ wu umi nẹ teniwu na." ⁴⁹ Aganẹ ba ka, ẹna wọrẹ nẹnẹ nẹ ni mu na? ini me din ka me ke siye mọ ẹdada utun họn? ⁵⁰ Amaà e me ye ba ẹkẹna à ga aka ẹga ẹnanẹ na. ⁵¹ Asa ayere ba yubo ne wa Nazarethi na, aka ẹpa nọ ọtọtọmẹ ne ba. Feyan feyan nẹnẹ e siye ẹnane na wọ ẹkẹna fọ wuya ẹgba nẹ funa na. ⁵² Ama Ijesu e gwe wọ odindin ọrẹ, iwupe ọrẹ ako Osibina eèyi aka yero abe nko Osibina.