¹ Eṣa ṣun isubu ọrẹ akọnẹ Ijesu se te ero itempulu yẹrọ ẹpẹnpanoboro ẹga ashigiri ẹpan bilo isikribu bilo isudaro abẹ. ² Bẹ gẹ ka ''Ganẹtọ uburu ona uwe siye ẹnana ẹra va ẹ uburu ọnẹ.'' ³ Egwu na ba owo aganẹba, ''Ameke ṣin o ṣin ne ganẹmọ. ⁴ Orimọmọ Ẹjọọnu: Osibina ẹṣẹn ẹwẹ ṣa sọ ọrọkọrọ eka ya?'' ⁵ Birore ibiwu, be gẹ, ''Ta kaka, 'Wo sibina ẹṣẹn ya, 'Aka ga ka, ẹnanẹ na ma nẹ ya wọ na?' ⁶ Taka ka, 'wo erokoro uba ya, ero feyan aka gba tan ọtarẹ ibiyayẹnba ka Ẹjọọnu wọ ọgẹsẹ ro.'' ⁷ Ọnẹbẹ bi gunowo ka abi me din ẹfẹna ewe ṣu na. ⁸ Ijesu gane ba, ''Kama ka ganẹnọ uburu unẹ iyesie ẹnanẹ na.'' ⁹ Aganọ erobẹ utitẹn, ''Edẹda bire iyọba, ayanero ka bi di bire ibire wọba ye, emi yọ ẹfa ni isubu ofonmọre. ¹⁰ Ọgbọ ọnẹ ere na, efile yọ okotoro yọ ẹnanẹ bẹ na ọba yẹ ka bẹ fọ ọba yẹ ilukutu ṣa. Obaro abẹ bẹ bẹya bẹ fọ ẹpan kọ ya bi gu ya ẹbu ufolo yọ. ¹¹ Efile ikotoro ọbẹn yọ ibi da bẹya bẹ fuẹpan kwoi bi guya ako ubufolo yo. ¹² Ede ki file ọtẹtaro yọ bi rẹnyoro bile bẹn nenya re yẹ. ¹³ Idu ro nẹ bi ọba yw ga ka ẹnẹ meke siye? Mekefile mọ gbẹn nẹ ini yẹ ga yọ. Ediye siye bikurunẹya .' ¹⁴ Enanẹ esiyọ utun oba yẹ bi roro ibiwu ka, 'Ọnẹ wọ ojegbeli ni jọmọ tẹ wanya, yio ọpa aka da tẹka.' ¹⁵ Bi mi nẹya we yọ furọ ọba bẹ wanya, Ẹna Idu ne bi oba yẹ eke siye to ba? ¹⁶ Aka ṣa efuba nẹ fuwa, emi fọba nọ erẹben.'' Ọgbọ nẹ bẹ wọ ya na, bẹ ga, ''Bi ma woya gba!'' ¹⁷ Ama Ijesu balẹ ba a gẹ ka, ''Ena wa yi gbẹn nẹ ẹkẹna bi siye bẹ wọra: 'Ọtarẹ nẹ nọ ẹnanẹ a mubue yuru emi ṣina ọtarẹ ope? ¹⁸ Ẹfẹna a fale wọ ọtare eke pupusẹ bile ọnẹ otarẹ ayẹ aka falẹ yẹrẹ na, eke kpun ya aka ewunlo.'' ¹⁹ Iskribu abẹ bilo Ashigiri ẹpan bi nọ rẹ ọnẹ baka sẹya na bile ka etuùti tẹ onẹ yẹrẹ ba bẹ. Ama bẹ sọmọ orokoro bẹ ọrọrẹ. ²⁰ Bẹ mọsọ fọ ọlọn aba lẹ ya bi file enanẹ abale apẹn na ne ako awọrẹro ọsẹrẹ bi di sẹ ya iyọ ega ọga ga bi di sẹ ya nọ uburu ẹgomina ẹka. ²¹ Bi ṣinya ka, ''Otitero, ti din ka wa gi ikwa, we te ọsẹrẹ orupopo Osibineka. ²² Ewo ububuru ka bi duna amana ne ikesari sa bi teya?'' ²³ Ama ewọ Ijesu odindin nẹ bọ ẹdayẹn odudu, agẹ ka, ²⁴ Fi ikiba yẹn mọ. Era yọ usi ako iru ẹwamọ na?'' Bẹ ga ka, ''Ikesari.'' ²⁵ Aganẹba ka, ''Ani Ikesari ẹkena wọ Ikesari na, bile amọ Osibina ẹpẹn nẹ Osibina ẹka.'' ²⁶ Urunba bi ma gba uluwe iyẹrọ nẹ ẹkẹ na aga ero ẹrẹn, ejinbowo fuwa ne si, bimi pu bowo. ²⁷ Ọgbọnẹ Esadusi ṣa yẹ fa enanẹ ka osuma pilẹ eporo eme wamọ na, ²⁸ bi ṣin ka, ''Otitero Imose aà wọrẹ nẹtọ ka oforo oda efọ esu oro, emi su ogbẹn yọ da yẹ emi su ya, edi bogbẹn nẹ yọda nẹ fo na. ²⁹ Ọda ufọnbọrẹ wa mọ osuda su oò ro, efo imesu ogbẹn nẹ ya, ³⁰ ka yọ ọyẹrẹ. ³¹ Ọtẹ taro suya bilo ọrẹ ọnẹ abu ufonbọrẹ nẹ suya, ama ba ogben nẹ fẹyan bi kwe fọ. ³² Ọsẹ pan, oro ayẹ mi fo. ³³ Isubu opalẹ weporo ṣa ẹra oro aka daà? A bẹ ufuẹnbọrẹ esuya oro.'' ³⁴ Ijesu ga nẹ ba, ''Eforo ibọ gba de su oro aka bi de fọ oro. ³⁵ Ena nẹ bẹ gbaka bi gwẹ ẹgan ka bi su ọsọmapalẹ epero na be ke su oro bile ka bẹ fọ oro. ³⁶ Be ke pila fo, abi ka angeli bi si no Osibina ogben ọsọmọ eporo pilaṣa. ³⁷ Ena nẹ fo be sọmọ fura, ako Imose se ya yẹn na ẹfẹ na ẹmẹ na kẹnẹ, ẹfẹna ewo yi Idu nẹ wọ Osibina Adamu bile Osibina Isaki aka Osibina Ijakobu. ³⁸ Ekana, ama wa Osibina eporo ẹka, ama ọnọwẹrọ ubaka atọ fẹyan wamọ nẹ ya.'' ³⁹ Isikribu ẹbẹn gunowọ ''Otitero, ni gunowo oboro.'' ⁴⁰ Bi me pila mẹ balẹ ka bi pile ṣin ẹga ẹbẹn. ⁴¹ Ijesu ga nẹ ba, ''Gana bi se ga ka Ikristi Ijesu awọ Edafidi ogbẹn na? ⁴² Edafidi ẹbẹba gẹ Ẹsamu emumu, Idu gani Idu, 'Mana mu ba ojijẹn, ⁴³ re ọgbọ na ma ka fọ we bero siye adan.' ⁴⁴ Ẹdafidi mi yọ Ikristi 'Idu gana emi se wọ Ẹdafidi ogbe na?'' ⁴⁵ Ọwọ wọ ero aganẹ ye gben urunmẹka, ⁴⁶ ''Sẹ nẹ wu nẹ isikribu abẹ, ẹnane bi de file ewuru bile ẹgẹ gan unini ẹka eji ẹfa bi adan okẹka isinagegu aka ẹfa ọbẹrẹwu ejeme efa. ⁴⁷ Bi da fọn ikukuruda nẹ obefuwa, nẹ oyẹnyẹn na adura ọlọlọrọ. Ero ẹlẹ na bẹ na obibe okẹku.''