¹ Ijẹṣu fọn ẹ ṣu yọ Ẹjerikọ. ² Uùgbe ẹ ṣu oro ofaro nẹnẹ bẹ yẹ Ezacchaeusi. A wọ ọna amana ẹ di ṣu aron dọn. ³ Ẹni ka a ye gbo ẹfẹna wa Ijesu na, ama ẹmẹ di gbe ẹpẹ etin, ubaka awọ oro-okeke ⁴ Ọnẹ uùba ẹ manẹ yo ẹrọkoro abẹ ẹrẹ apọ ọti Isycamori ọsi ka à yẹ ẹ di gbe. ⁵ Ọgbọn na Ijẹṣu ṣa ẹfa ọnẹ bẹ na, à pa mẹ pan pọ à yẹ, "Ezacchaeusi, wolo sa iganigan, ubaka amọ nẹ ma ka manẹ wọ ubọ. ⁶ Unẹ uuba, a mọnẹ wolo ṣa, anẹ ọga akọ ẹbẹnbẹn. ⁷ Ọgbọn nẹ ero-fenyao gbe na, abẹ fenyan yẹrẹ ya yo bi à ge ka. Eje ne wura ẹsẹrọ ọga ⁸ Ezachausi fura joomo à ga nọ ema ka, bale ya, Idu, mo arọn ọsẹnẹ bọrẹ, ẹ anọ ẹna amẹ ṣu na, ẹworẹ ọrọ ẹnanẹ jẹn aka epen fenyan, mà àka bila ne ba, Iṣa ẹnanẹ ọpanẹ ije ba na. ⁹ Ijesu ga ne ya ka, "Amọ nẹ ọnafa fọ mu ubọ ọnẹ, ubaka Abrahamu ọgbẹn ka wọ wa. ¹⁰ Ubaka ọrọkọrọ ọgben sa ka à yì ni ama wa ka àka ana ẹnanẹ ne fuwa na fa." ¹¹ Akọ nẹ bi si ye wo epen nẹnanẹ na, ẹ ti ye epan ẹga na ga na, è di ya ta uti tie, ubaka eni a rẹ, Ijerusalemu, aka bè roru ka Osibina ipẹpẹn ni ka wolo sa iganigan. ¹² À ge ubaka, oro-okukurubile ȯbẹ yọ ike nẹ fọ mọ rẹ, ka à yẹ è je na nọ ipepen nẹ yi iwu è di ye pila sa. ¹³ E ye efo i yọ ọkọtọrọ abẹ, à sa fo minasi ẹfọ ne ba, à ga ne ba ka nẹ yo ni ki si yẹ ubele re ogbon na ma ka sa na. ¹⁴ Ama ijeda goli ya, bi file eri nẹ ya ka, 'Tè ke ya ka ọrọ-ọfọrọ ọnẹ ẹ jọbin wo tẹ pa.' ¹⁵ A ṣa ṣu ogbon na à pila ṣa akọnẹ ẹ si ye nọ ikpepẹn na yẹ, ẹ ububuru yọ okotoro enanẹ ẹ ruwa ikiba nọ, ka bi ye ba sa, ubaka à ye di din ẹkẹrẹ nẹnẹ bi je ẹ bu bẹlẹ na. ¹⁶ "Ọrọ-ọsẹrọ ni ya sa, à ga ne ya ka, Idu wọ Eminasi si yẹ ẹfọ bila mọ.' ¹⁷ Ọrọ okukuru nọ ọnẹ ya ka, 'awọ sẹ ike nu pi. Onuba ka usu ikuwa epen keke, we ke su ububuru ikẹ nẹ fọ ẹpan.' ¹⁸ Ọbọrọ sa, à ge ka, wọ Eminasi, Idu, di na siye upi ọbẹ.' ¹⁹ "Oro okukuru bilerọ ọnẹ, 'ga ne ya ka, fọ uba sẹ ike nu pi.' ²⁰ Ọbẹn sa, a ge ka, Idu, wo eminasi anẹ ọnẹ iyẹ ṣu wa mọ, wọ eṣa ibẹ, ²¹ Ubaka wọ ọrọrẹ àsọmọ. Ubaka a mẹ din ka osi nu ubarọ ọwa. Ẹkẹ na wu mẹ bi na à yẹ wu da ke na, aka ẹkẹ wu me bire na, à ye wa da ke pari.' ²² "Oro-oforo, okukubile à ye ge ka, aka wọ owow ẹ ga à ye ma ka sẹn wọ ẹkarẹ awo okotoro odudu one. U din ka ẹfẹna da ke pare, ẹfẹ na imẹ bire wọ na, à ye ẹ wa. ²³ Ẹna worẹ wọ mọ fọ mi ikiba wọ ebanki ubaka, ogbon na me pila sa, ẹ di nẹ aka ẹkẹrẹ?' ²⁴ Oro-oforo okurubile à ye ga nọ enane joomo na, nẹ na fura yọ u ba eminasi, àka ni ya nọ efena ṣu ẹfọ dọn na. ²⁵ "Bẹ ga nẹ ya, 'Idu, esu ikiba ẹfọ.' ²⁶ "Ega nẹ nọ ena nẹ su na bẹ ke su bilamọ, ama ọnẹ emesuna, ọnẹ esu na bẹ nẹ. ²⁷ Ama me bero, nẹnẹ eme ni ka ijobin wo bẹ pan na, kwo ba ṣa be wamba imayẹn." ²⁸ Ogbọnẹ a gẹ ga ẹnanẹ a yẹ rẹn nẹ ba aà yọ Ijerusalemu. ²⁹ Ọgbọnẹ eturu tọ bẹ ta fe gi akọ bẹ tani, ọrẹ be yẹ Olifẹti, e file egbenurumẹka ẹbọrẹ, ³⁰ Agẹ "Yọ iken nẹ kẹ yọ tọ na. Akọ ni sa fuọn, na ka gbọ ẹkẹtẹ ogben nẹ koroire emi pọ. Toò re ėfue ṣa nẹ mọ. ³¹ Esu ẹfẹna e ṣin nu na 'Ena wọrẹ uwa tọrẹ ya na?' gẹ, 'Idu eni ya nọ sisiye.'' ³² Ena nẹ bi file na bẹ yọ bẹ gbo ẹkẹtẹ́kẹtẹ́ ogben ako Ijesu ṣe gẹè na. ³³ Akọnẹ bi sa tẹrẹ ẹkẹtẹkẹtẹ ogben, enanẹ bi ya gẹẹ̀ ka "Ẹna wọrẹ uya tẹrẹ ẹkẹtẹkẹtẹ ogben na?'' ³⁴ Bẹ ga ka ''Idu e ni ya o lo.'' ³⁵ Bẹ fuẹ ṣa Ijesu ẹfa, bẹ bọrọ ẹwuru ẹsa yẹ rẹ ẹkẹtẹkẹtẹ osi bi fi Ijesu mana amọ. ³⁶ Aka be re ayọ nẹ, bẹ buọrẹ be ewuru wọrupopo. ³⁷ Ako bi se turu re efa ona ọrẹ nẹ na Olifi ohole, asarimasan ẹgbẹnurunmẹka bi bẹn be fu uyeyi nọ Osibina bile ohun okẹka nọ utun okeka nẹ bẹ gbo na, ³⁸ Bẹ gẹ, ''Okuru nọ sibina nọ obin na ṣa Idu uwiru! Iwu ọbẹbẹrẹ Osibina ẹṣẹn, bile ugbugbodi!" ³⁹ Ẹfarisi ẹbẹn ni wo asamasa gẹ ka, ''Otitere ma wegben nirun eka ga." ⁴⁰ Ijesu gun no wo a gẹ ka, "Egan nẹ wọ, enenẹ afowo ọtarẹ eke yọ ga vesha." ⁴¹ Ọgbọnẹ Ijesu turu rẹ iken, eyiwo nọ ya, ⁴² A gẹ ka, "Ada ka ni dini isubu, ano, ẹkẹna a fọ iwọ bẹ bẹrẹ! Ama bi ya bẹbẹ na jẹn. ⁴³ Isubu aka ṣa to nu ọgbọ nẹ nẹ bẹro be ke fura to nu bi joba kọọ̀ no bẹ rẹn nẹ ọrẹ kẹ rẹ. ⁴⁴ Baka kẹrẹ nọ siye bili nọ gbẹn nọ wi nẹ fa. Bẹ ke ti yi ọtarẹ nẹ yẹrẹ abẹn ubaka ni me peli nisubu ọbalẹ.'' ⁴⁵ Ijesu fuọn ẹtẹmpulu egwu ẹnana deji, ⁴⁶ Aga nẹ ba, "Bẹ wọrẹ ya ka, 'Mubuo aka wa nẹ adura; ama nẹ sẹ ya ṣina iyiri ubu." ⁴⁷ Ijesu emi te isubusubu ẹtempulu. Bẹ Ashigiri ẹpan bile eskiribu be nọ rẹ ba ka ya wanya, abẹ awọ ẹrẹn re nọ ero abẹ, ⁴⁸ Ama ọrẹ eme wuba mọ ubaka ero feyan bẹ piya atọn.