¹ Kigu unini aka iwu ọpẹpan ne ẹfẹwẹnfẹwẹn owa ka udi gẹsẹ. ² Eme su ẹfẹnẹ agẹ ẹlarẹa ma gẹ nero ama nọ Osibina. Ekẹna aga eme ye koro kọyẹrẹ ubaka aga ojinorofuwa ẹfẹnwẹnfẹwẹn. ³ Ama ẹfẹna agẹsẹ agẹga nọ ero edi fẹ ba pọ, edi pẹrẹ ba, efun bibe. ⁴ Ẹfẹna agẹ ẹlarẹ yi wu afọ apọ ama ẹfẹna agẹsẹ na afọ iṣọṣi pọ. ⁵ Akana be wa mẹ ka anọ fẹyan nẹ gẹ ẹlarẹ. Fọrẹgan, me ni ka nẹ gẹsẹ. Ẹfẹna gẹsẹ na fọrẹ ẹfẹna agẹ ẹlarẹ (ẹfuraka esu ẹfẹna aka ga yi gben iṣọṣi edi su ọfọ pọ). ⁶ Ama akana, meda, ma ṣa to nu ayẹ gẹ ẹlarẹ, gana ayẹ ke se da okurubile? Ayẹ ediye siye, efuraka ayẹ gẹ nẹ ni bile ayẹn nọ gba, bilo odindin, bilo ẹgẹsẹ, kọ otite. ⁷ Bilo ọrẹ ayẹ ẹkẹnẹ bi ye tiye egury ẹpẹn naka ufere, ẹhapu - bime siye utun akọnẹ esi buwọ, gana ẹnanẹ epatọn eke se din sa ufere akọ ẹhapu ayẹ aba? ⁸ Adaka ẹtọtọti ba yi eme yero, gana ero aka ⁹ kwọ ẹsa nẹ ẹkọn? Kọ orẹ aya wa nẹ ẹlarẹ. Aga ẹkẹ na eme yoro, gana be ke su din? oro ayẹ agẹ ga wọ eperi. ¹⁰ Ikẹn ọyọyọ ba ga ẹrọ, eme su ọnẹ eme su igben. ¹¹ Ama ine din iken igbẹn, ewa ka ọga agẹga anẹ mọ. ¹² Egan eke se ds nẹ wọ. Akọnẹ ese wa ka iwu opẹpan wa mo ka gba ẹfẹwẹnfẹwẹn kini ọpẹpan iṣọṣi nẹ opẹpan edi jọmọ. ¹³ Ẹfẹna agẹ ẹlarẹ e siye aàdura edi ga yi igbẹn. ¹⁴ Ayẹ si ye aàdura ẹlarẹ ẹka, me efuwẹnfuwẹn siye adura, mọ uloko eme su ilukutu. ¹⁵ Ena me ke siye? Ime ke siye adura ẹfuwẹnfuwẹn, ama me ke siye aadura uloko. Me ke tiye eguru ẹfwẹnfuwẹn, bilọ eguru iloko. ¹⁶ Ama dẹgan, wo okurubile Osibina akẹ ẹfuwẹnfuwẹn, gana ọga eke se ga "aàmin" we ki siye eba ọgẹgan ne me din ẹkẹna wa ga? ¹⁷ ̣wọ ọgan mẹ ba akọnẹ ese bọwọ na, ama wobawo ẹme su ọfọ pọ. ¹⁸ Egamọ Osibina ẹba ka ẹgẹ ẹlarẹ fọrẹ anọ fẹyan. ¹⁹ Ama iṣọṣi me ke ni ka ẹga ẹga upi bilọ akọ nẹnẹ ese ye mu tana edi te erebẹn, fọrẹ asẹn ọrẹ ẹfọ ẹlarẹ. ²⁰ Ọdaà ume siye akọ egben inọ uroro. Onẹ, yẹrọ odudu, siye aka akaka. Amàa iwọ uroro su ayẹn no gbigbẹn. ²¹ Ewọ ububu nẹ bẹwọrẹ, " Uforo nẹ su ẹlarẹ obo bilo owope ọgẹ eka ayẹ aya ka gẹga nọ ero na nẹ. Esi da ka ba ka wọ mọ," ẹkẹna Idu ga. ²² Ọnẹbẹ, ẹlarẹ awọ amin, ama nọ ọnawọ ro, ama ẹnẹna ama na wọ. Ama ọgẹsẹ wa nọ aamin, ama wọ na ẹnanẹ ama na wọ, ama nọ ọnawọ ro. ²³ Adaka, iṣọṣi fẹyan jese abẹ fẹyan aà gẹlarẹ, aka ọga abẹ bilo ẹnanẹ ama na wọ fọn ṣa, baka ga kabiba yire? ²⁴ Adaka anọ fẹyan agẹsẹ ṣa na ọyẹn ro bilọ ẹnanẹ ama na wọ ẹnanẹ awọ aka mẹ ga nėo ẹkẹna bẹ wọ. ²⁵ Ọnẹ bẹbẹ iyọ uloko aka ayẹn. Iyẹ urun uba, eke gumibe ri e koun Osibina. Eke mi gẹẹ̀ ka Osibina wi inetin. ²⁶ Ọnẹ eto, mẹ dàa? Na ṣa jese, oro ọyẹrẹ ọ yẹrẹ ese Ẹdamu (eguru), otiten, ọfẹyẹn, ẹlarẹ, bilọ ọnẹga ga. Siye ẹpẹn fẹyan iṣọṣi edi su ọfọ pọ. ²⁷ Esu ẹfẹna aka gẹ ẹlarẹ, teyi amafọrẹ erẹ bọrẹ tabi ẹta, oro ọyẹrẹ ọyẹyẹ bilọ ẹfẹnẹ aka ga yọ igben ekẹna ba ga na. ²⁸ Ama eme su ẹfẹna aka ga yọ igben, bọ ọyẹrẹ oyẹyẹ epu yọ iwo iṣọṣi. Teyi era ayẹ aga yẹ ga nọ yọ Osibina. ²⁹ Teyi ere ẹbọrẹ aka ẹta nẹwọ ọgẹsẹbẹ ga, ero obuba bi pi atọn bilo ọfọyẹn nẹ ẹkẹna ba ga. ³⁰ Ama esu ọfọ yẹn nẹ ẹfẹna ama na, teyi oṣoro e siye san. ³¹ Oro oyẹrẹ ọyẹyẹ diya gẹsẹ oro obuba diye piyatọn bi di su ọfọ pọ. ³² Ẹfuwẹnfuwẹn ọgẹsẹ abẹ holo nọ ọgẹsẹ. ³³ Osibina ama wọ Osibina ne juguna, ama ọbẹriwu. ³⁴ Iyaro abẹ bi pu bowo iṣọṣi. Bi ma va bọrẹ ka bẹ gẹga. Ada ọnẹbẹ, bi holo, akọnẹ uburu siye ga. ³⁵ Esu ẹkẹna ada na, bi ye ni opi ya, bi ṣin ibọ oforo ubo. Ẹpan ọkwọkwọ awa nẹ iyaro ka agẹga iṣọṣi. ³⁶ Osibina ẹga wo buba veṣa? Ana ayarẹ eto nẹ? ³⁷ Esu ẹfẹna roro iyi wubka ayẹ wọ ọgẹsẹ ọọ̀ su ẹfuwẹnfuwẹn, edin ka ẹpẹn na nẹ ẹwọra nẹnẹ awa ububuru Idu ẹka. ³⁸ Ama esu ẹfẹna eme peli ọnẹ na, bi me pile kayẹ. ³⁹ Uba ọnẹ mẹ ẹda, ni su iwu ọpẹpan nẹ ọgẹsẹ ni me yuru ẹlarẹ gẹ ga. ⁴⁰ Teyi ẹpẹn fẹyan bi siye oboro aka e siye bọwọ na.