¹ Adaka ẹga ẹlarẹ orokro akọ angẹli. Ama imesu unini, iṣin nọ ọṣọ na ga asoro ọtan. ² Adaka isu kurubile ẹgẹsẹ ẹka bile oyiye fẹyan ne ikwa nẹbẹbẹ bilo odindin, aka isu ọnawọ fẹyan ne ke di bọrẹ otare. Ama ime su inini, ime gben kanakide. ³ Adaka ẹkwọ ma arọn bi ya ṣẹlẹ iwaro, ẹfọ mi wu na ka be kẹnẹ. Ama ime su unini, ime gbe kanakide. ⁴ Unini su isuru bilo ọrọmuro. Unini eme gbọgbẹrẹ bilọ owo ọrọn rọn. Ama kwa agumabọ pọ. ⁵ Eme tiya yẹn. aeme ni yẹka ayarẹ. A kani wu, ama balẹ ka agamo ẹkẹna ṣun na eme siye. ⁶ Ama bẹn wọ ekena ama wọ ọṣẹrẹ. Ama bẹn wọnẹ ama wi kwa. ⁷ Unini da fiwuna ẹpẹn fẹyan, nẹ pẹn fẹyan wọ, esu ayẹn yẹrẹ, esu ofiwuna ẹpẹn fẹyan. ⁸ Unini eme su ọta ewamọ, eke ṣun, esu ẹgẹsẹ, eke kwe. Esu odindin, eke ṣun. ⁹ Ti din wọ osarẹ akọ ọgẹsẹ ọsarẹ. ¹⁰ Ama ọnẹ gule aṣa, ọnẹ me gule eke ṣun. ¹¹ Ọgbọnẹ iwọ ogbẹn, maga akọ ogben, bi te ako ogben, iroro aka ogben. Ọgbọ nẹ iwi ikirisa, ẹnẹnọ ogben osisiye fuwa. ¹² Ma gba ugbegbe keke, ama ayẹn to ayẹn. Akana idin oṣarẹ, ¹³ Ama akana ẹpẹn ẹta wa mo:ọnawọ, ọfọ ayẹn yẹrẹ, bilo unini. Ọnẹ fọrẹ ẹnanẹ awọ unini.