¹ A oleinila, ai hyia kule hyuaa səle yivah ɓale və iko, ai lile, ai tsa nyi-nyi səle. ² A oleinila bi ai daei yivakanka. Ai hyuibə chue yiurə, ai yi leive mua nɨng agang vai, ai chue hkakilo a gang kə levəla. ³ Vəɓi ɓiɓa beikuɓi ɓiliɓəu. Bima bi tsakuhiu. Biyinnɨgha. Ɓi ɗəkuɓi,ɓi memkə mongsem vai nəng larə ɓai ɗji nyi-nyi sə nɨng fangwam. Ɓi ku tansa nɨng a ɓai ɓə singha, ɓalei nɨng nə lanə, dəɓi bə gwahanwa. ⁴ Ɓa chue agang vah Fihnə də yuang ɓarənə ibaifa ɓai bə yiɗi bivou sə zayivə. ⁵ Nbi nɨng agagng ɓinə ɓichuenəlou, nɓi agang vou, nəngɓə u yuang ɓi. U yuang ɓi tansə larəɓi səbəchirə afu ɓai bəmemrəɓi sə kwan Fih garangrang. ⁶ Fih bi nɨngchinəngvou u pai kə kwan Fih garangrang kuɓi kasə Yeso kristi, yivə yuangrəɓi. ⁷ Nɨngnə u chuenə, ta nsa chue-a hinrəvou, ɓi memkə levə biiagang, yang ɓi memkə levə ɗjikunəng bi samɓei hunrənə u tənkə nə. ⁸ Binɨng biagang. Dəmin yiɗi anə ɓai samɓaima kuleinɨngni, yang levənə tsing nyi-nyile səFihnə chue nwatsum agangnə utsaieia chini. Lenɨng- agang hyiwanei də wukə bə takaci kə zayivəla. ⁹ Ɓa yilasə bə tsanwa, yiurə ɓai bi biah, ɓai bəmuanwa, ɓai gbavom ku wuaɓi. Lei nɨngnə afam kuma takəbə kachiu. ¹⁰ Ɓalah yivənə də wukə bə tsaku tansaɓai, nəɓi vəchuichui butsing ko bu na'iu. ¹¹ Yang kanə yivəlei tachua kə nɨngah agang də chue nɨng' aɓai u laku. ¹² Vinə, ncum Artima ɓai Tikiku səɓaini, a hoyemla a chim Nikobolis, lanbəɓə minchue hyuanla. ¹³ A chue yemla a cum Zina, yivə nə ibənɨng tansa nwaɓi ɓai Apolo tansa nɨngani ai pai na famka. ¹⁴ Leivəɓi, ɖjikusə bə chue le nwatsum agangnə yang kə achuekəvu leinɨngnə də iɓai ɗua ɓai ɗua, bi ai kukurə afam nka. ¹⁵ Leivənəha chuahai ɓemkənə ɗjamɓan. Ɓi ɗjam leivənə də yiɗiɓi tansa bə muachuaFih.Hinrə vəFih kuchuahai ɓai ɓakəha.