¹ Amma ma, aninasənɨng hyilla kuwium. ² Daule le nyiɓui muakule, leivə dəgarə kəkule, leivə hakilo, leivagang tansa biagang, tansa bə yiɗibə ɓai bə dəgarə. ³ Lei nyihei lanɓə muakule tansa garə, bi ai ɖjansəbənka, bi ai memkə mongsrm və mimnka, ai aini nɨngnə hyilla. ⁴ Yankə ai ninala kəle muahei yiurə bə yiɗi le ɓule ɓale yile. ⁵ Ai nile nala ai ku tansa yiurə ɓai nyi-nyi larə, leivə kangvahvai, leivə dəgarə kəleɓule. Aichuenɨngnə yang bivəFih bachi eym a deirəu. ⁶ Nə manɨnɓəng, a tsasəlei muanɓui ai kukə leivə hakilo. ⁷ Ko ɓaiha, amemkə yivənə leivə ninasənĩng səmai tansa nwatsum agang. Nəman ninasənɨngyang, a mhua kuma a də garə kə kuma. ⁸ A nabinə hyilla ka'gang yang, yivənə də yiɗi tsanwamang bau chinɨngnə unnarə kumai. ⁹ Lei sem ɓa dəgarə kəle yichuevahɓa tansa konɓaha, bə lanyi-nyi biɓa tsanwa ɓalekənka. ¹⁰ Biɓa inanka, ai tanasə nɨngagang tansa biagang, yang ai makubivə Fih yivə yangɓarə tansa kwanɓaha. ¹¹ Nɨngɓən, nɨngagang və Fih tanala kəleivəha. ¹² Dai nyiɓi nala, ɓilan nɨnga aɓai ɓai nɨng fangwam. Dai nyiɓi nala bəku tansa hakilo, ɓai yirə tansa nəngha agang vinə ɓin tasəu nə. ¹³ Ɓi ji dəɓi mi muarə və nɨng a hinrə ɓai ɗji bi wurə və Fih bianga ɓai yuangrəɓi Yeso kristi. ¹⁴ Yeso dəku biɓi, bi'u yuangɓi tansa bəlaɓi u memɓikə garangrang, bivou levənə səlei dəyemrə səɓə chue-nɨng' agang. ¹⁵ A nabi ɓai sambei a tsasə lenɨngha. A male ɓai samɓai maha. Bi ayi yivaka semangka.