¹ Bulu mongsem vəFih, yi tacum və Yeso kristi, tansa begang vəvhanə Fih chile tansa biagang bə ɓayi Fih. ² Səbə də nyi-nyi sə hurə ƙa səFih na nwa'iu wane gwanwa tun illa. ³ Tansa vi agang u tanəsə bivo tansa nwatsum vou u namla anə. Minchue nɨngnə bi bivahFih yivə kanɓirə. ⁴ Sə Titu yiagang tansa biagangɓi, bi agang bə kurə larə səFih Daɓi ɓai Yeso kristi yivah kanrəɓi. ⁵ Bisəu nɨngɓəng nya kariti nakə amalen nəngnə tənleunə, yang a chile vanga tansa yua kwanha kəwanə nalenə. ⁶ Daule leivanga muakule kuƙə, ɓaiyihei tsing, ɓale yiagangnə tsaɓwacui unə ko bə chuefam tansa yua. ⁷ Yivangaha kombə-ngu Fih, yivah kanvahFih, umuaku, biu mem kə yivə mua ɓa ko yivənə munyal vau yaunə. Biu buachin famka, ko lenwanɨng ko leɓeirə ko le chuefam. ⁸ Yang manəngɓəng, uku lei mua ɗuawai, du yiɗi ɗjua ɓai nəngagang, daule uku kə yivah hakilo, yivah yiɗiFih ɓai yiva mkuaku. ⁹ U mua bivəFih nə nanə ɓai samɓei, nə ubaun nakə levakkala tsakə səleyang, uma levahnə də tsanwa ɓeukənə. ¹⁰ Leyivə nhyiabi kpahiu, ɓama levə cum nwaha, bivaihan afam. Də fəmbə kuma də luileivə. ¹¹ Ɓi tsalehuai, de ninasənɨng nahiung, dai ni bibə yiɗi nɨngvai dəlui leivə ¹² Tsing tansale, yivə yiurə vai na, " buatai gwang wa'iu afam, leihyam-aɓai, lei ɓairə tangnɨng. ¹³ Binə nbiagang, a mala hinla na ai paihyui tansa biagang. ¹⁴ Bi a tsa hakiloma sə mumuvai Yahudawa ko bi səɓi vəvahnɨng la biagang. ¹⁴ Bi a tsa hakiloma sə mumuvai Yahudawa ko bi səɓi vəvahnɨng la biagang. ¹⁶ Daiɗə ɓama inFihyang amma ailau sə nwatsum vai. Ai mem kə nəng a semrə leivənə ɓaunə, aiɓa aiɓa ainang akakə-agang kuleiwau