¹ Bitur ɓalei ta nwatsum və Yeso kristi, takə səlei ɗuawai a pairə, səlei vəni ai zaɓa, hakpəm, Pontus, Galatiya,Kapadosiya, Asiya, ɓai Bitaniya. ² Nəngnə, tangsa bə ibənɨng və Fih Daɓi, uh jeou bu tangsa kwan də garə ɓai tangsa bə ain hyu və Yeso kristi. Nɨng agang ji kuɓai ɓai kurə larə ɓa kpala. ³ Daɓi Fih ɗuiye ɓai Yeso kristi chi nɨng agang. Tangsa ta'hn angah, uh dəɓi bə chibə afu bisi ɓi jiku ṅɨng. Bə jiku nɨngnə ɓichi lan tangsa irəvə Yeso kristi tan gsa ɓua butsing. ⁴ Nɨng anə ɓi jikuni ba ɓangkəu, ba chi ɓisəu, ba səu vaiu. Ai jeu ye dai mikən ma. ⁵ Ai lamkuman ɓai samɓai və Fih tangsa nɨng agang voh. Tangsa bə yuangbəni ai ji tangsa vinə təkənə. ⁶ Dəɓa lilarə bi nɨngnə, ko da shike, ɓan li bə bazhi ɓai bə nibə tngsa nənga kə tsing-tsing. ⁷ Ɲnɨngnə ai ikəbə biagang ɓanə uh hin pai nɨng a huimrə nə ɓangkə, ai riga ai niu yang ɓai ɗuakə, nɨngnə chue, yang deukə nɨng agang ɓa itangsə bə ngu Fih, kanrə, ɓai bə də garə tangsa bə wurə və Yeso kristii. ⁸ A ɓau lou, amma də man yiɗiku, ɓa ɓaulou susuenə, amma a jini man səu, dəman lilarə har a ba anabiu. Garə ɓai larə. ⁹ Susuenə, ɓan chi nɨngnə ɓa chue ttangsa nɨng agang ɓai, tangsa bə yuang bə hunrə. ¹⁰ Yiɓəng yan ɓaabə uh chi tangsa bə yuangbə, bivə nɨng agang aɓa. ¹¹ Ai ɓaabə kə ibə, nwa ɓai deu kwan və kristi tangsa lei ɲnalei bila. Nɨngnə faru nə du naleibila yan dai chuarə, kə nwanə ai nalei la vəɓi, bə chue yiɓai və Yeso kristi garə nə. ¹² Ai nalei awai dai dəgarə kə kulleila. ¹³ A tsakə' ima ɓai nyi-nyima a ɗji samɓai ma nɨng , nwuɓakə bi Yeso kristi. ¹⁴ Leimuan nə də dəgarə, bi a ɓa kuma ɓaman dəman muachuan ka. ¹⁵ Yivanə ɗubumanə un garangrang, mama, a mem kə yivə garə tangsa nɨng chuerəma. ¹⁶ Biisa ai viyang, na, "A galla, bisa mima ngalla". ¹⁷ Nəna ɗubu, "Dah" yivənə də chue kita uh yiɗi kuwau nə, kə yivəla ɓai nwatsum voh, a tənkə viima səbə horə. ¹⁸ A ibə, ai liaɓa ɓai ɓi a hyumrə ɓai ɓi a hinrə lou, lan tngsa hakilo aɓai vai zayivə nə ɓa ninala səlei Dah. ¹⁹ Manɨng ɓəyan, ai yuang ɓain hyu kristi agang, yivənə la ɓaman yi-nɨng bungam nə yuang ɓai ɓisənə. ²⁰ ̇Ai chi kristing deukə ai baniu fangwam, susueni nəngɓə deu ai wukə səɓai tangsa vi nə təkənə. ²¹ Tangsa səu nɨngɓə ɓa baniɓa sə Fih, yivənə iukə ɓua butsing, tangsa səu u də garə yang nɨng agang ɓai samɓeiɓa sə Fih. ²² A ma nyi-nyi ma hinla , a mua kə biagang ma. Nɨngnə nənɓə kə yiɗi leihyui agang, manɨngɓeng,ɓa yiɗi ha, tangsa nyi-nyi a hinrə. ²³ Ai mem ɓakən afu, lan tangsa irə anə ɓangkənə lou, lan tangsa irə anə ɓangkəlounə. Tangsa leivə hunrə ɓai niu bivə Fih. ²⁴ Bisa; " Ɓam kpəm juasə ɓa man vuh, nɨng agang vou man flawa və vuh. Vuh chichi kpəm, yang flawa səu aikəta." ²⁵ Bivə Fih ji manəɓe." Nɨngnə kə biagang nə naɓa lanə.