1 Ọ da dọ sọ ọriẹ ẹghe Ijesu kin te ene ọfunare bhe fo, ọ da tama enidibo ne sọle. 2 Ibha lẹn bhin iriakhọ ọ le Ipasova. e dẹ muọn ọmọn nọ so okpẹa nele ne khan lẹn bhu or. 3 Eni ojie ohẹn bi ene wanlẹn ne oẹ ẹbho khian da si koko bhẹ ẹgua ọ nọ re eno ohẹn khian re bhe na a tiọle cafas. 4 E da bhan ne rẹ bhẹ kẹ muin Ijesu bhẹ ẹkho kho gbọla. 5 E da yiọle ọ yẹ ẹghe i lue ebhin, no ozughu ẹvale bhẹ ewẹ ene ẹbho 6 E yaye na ẹghe ni Ijesu kirẹ a ribhin Ibetani uwa nọsi Isamọn nọ bhan ibhe. 7 Be jiọ kin do tua bhu ukagala, e ni okhuo da buọ ọle re nọ bhọn ukoko udẹn no mamu ghan, ọ da biriọle bhu uhunhun. 8 Ọkpanọn, ẹghe ne ni edibo rẹ daghọle eke da akhọ ele e da tale, be zẹle nọ da ria lia nian. 9 A rẹ khiọn lẹn gbẹ ẹlo ghe eno obọ gbe. 10 Ọkpanọn Ijesu, da lẹn ebele, be zẹle ni bhu da kpokpọ ọnukhuo? Ọ le lue ebhin ọsi bhẹn. 11 Ibha de miẹn e no obọgbele ẹghe re bhe, ọkpanọn imẹn da a ribhe eji bha ye ẹghe rebhe. 12 Ẹghe nọ kirẹ biriọ ọ nu udẹn ọle bhe egbe fo, ọ luọ ni ukpẹ du uu no siẹn bhẹn. 13 Genegene imẹn tamanlẹn, ijere bhe na rẹ da tọ ọnẹ ẹbhọn na, ọ ne ebọno okhuo na lu a kin yẹ tale na rẹ yẹ ọ ọlere. 14 Ukpọkpa bhe eni igbeva, na a tiọle Ijuda kariọt ọ da buo ojie ohẹn. 15 Ọ da yiọle bi bha da rebhẹn si imẹn muọn lẹn ni bha, e da bhan i ikpo oze ogban na lẹn. 16 Rẹ nẹ ẹgheni ọ da gua nu uwedẹ nọ a rẹ muọn lẹn ne ele. 17 Ọnẹghena, ọ nu ukpẹdẹ ni ihẹnhẹn na rẹ lin Ibulẹdi ọhoho enidibo ne sọle da buọlere tamanlẹn, ejie uwẹ guanọ ni iman bhọn nu uwẹ da le eba Ipasova. 18 Ọ da yiọle, ne a khiọn ọ ne ẹbho ni bui okpẹa ọkpa ibha a tamanlẹn, ọ no oma ebhin yiọle, ẹghe bhẹn sẹle, imẹn olẹ lui Ipasova no osẹn bhẹn. 19 Enidibo da lu be ni Ijesu tama ele ne lu, e da bhọn otọ ọ nọ a da lọ ọne bale. 20 Ẹghe ne emuan rẹ re, ọ da do tuọ a ọle bi enidibo nọ sọle. 21 Be jiele kin a le bale, ọ da tale, genegene, imẹn tamanlẹn ukpọ kpa bhin ibha de khiẹn bhẹn fia. 22 Ele bha yẹ a ghọnghọn, ele rebhe da a nọlẹn, genegene imẹn nọ ebianlẹn? 23 Eni ọda waniẹn, "Ọ nọ a de ba bhẹn dio obọ bhu uwawa na rẹ kpobọ ọle nọ no da khiẹn bhẹn fia. 24 Ọnọn ọmọn nọ so okpẹa ọkhian bọ na gbẹn ọ le bho otọ, ọkpanọn ihẹn ọ sọ ọria na no obọle khin ọmọn nọ so osẹnobulua! ọ a rẹ bhẹn gbe sade a bha biọle hiehie. 25 Ijuda nọ da khiọn lẹn fia da yiọle imẹn nọ ọmaẹbhin, Ijesu da tamanlẹn uwẹ toboe tale. 26 Be jiele kin alebale, Ijesu da re i ibulẹdi, ọ da khọnlẹn a, ọ da re ni enidibo nọ sọle ọda tale, miẹn ale, egbe bhen khọn na. 27 Ọ da re ukpu gbe ekhumẹn, ọ da re nele tale, inuọn lẹn ọ ibha be. 28 Aran bhẹn khọn na ni imẹn rẹ vọn okovẹn, ni imẹn sa kua nẹ ẹbho ne bunbun bha urẹ hubhan ọ so olu ukhọ. 29 Ọkpanọn, imẹn tamalẹn, imẹn da kie muọn a mọn oni iru na lẹn ọ rẹ sẹ bhẹ ẹghe ni imẹn a re kie muọn lẹn ọ bhẹ ẹgua nọ sa aba bhẹn. 30 Ẹghe ne kirẹ sui ilofo, e da a khin oke olivi. 31 Eni Ijesu da tama ele, ibhare de negbe ọsa sona ranmude bhẹn, ghe a gbọnlẹn bho otọ, imẹn kin gbọ ọrohuankọn a eno ohuan kin zagha. 32 Ẹghe ni imẹn akirẹ kpanọ si bhin idire imẹn kin kalọ ni bha i Igalil. 33 Ọkpanọn, Ipita da tamalẹn a rẹ miẹn ẹbho rebhe nẹgbe fia, imẹn da nẹgbe fia. 34 Ijesu da tamalẹn, genegene imẹn tamanlẹn asọna ọkẹ sẹ ọkpa viẹ, uwẹ dẹ yiọle uwẹ bha lẹn bhẹn. 35 Ipita da tamalẹn, a rẹ miẹn dẹ yu bhin imẹn da yiọle imẹn bha yẹ len en, enidibo ne kẹle da yẹ tiriọ 36 Eni Ijesu bi enidibo ne sọle da jiọ bhẹ ejia tiọle Igẹsẹmanẹ, ọ da tama enedibo ne sọle, ibha de bhe ena an be jin imẹn a sikẹ odalo dọ nerọnmọn. 37 Ọ da re Ipita bi ọmokpẹa eva nọsi Izẹbidi ọ khọle da abhọn ekpokpo bi ọbalọ. 38 Eni ọ da tama ele ọkhọbhẹn mama bhọn ekpokpe bọ ọno a uu. Bha de bhe enalẹn de ba bhẹn ne erọnmọn. 39 Ọ da jiọ bbho odalo khere dediguẹ de ọkhọre nerọnmọn. Ọ da tale, aba, a amiẹn adisabọ bhẹn jiọ onu ukpunu gbera bhẹn. Ọkpanọn, o yin beni imẹn holo, jin iholo nọsẹse. 40 Ọ da bui enidibo ne sọle re kere e wẹ, ọ da nọi Ipita, uwẹ bha sabọ deba bhẹn nerọnmọn bhu uria agogo ọkpa. 41 Babegbe uwa a nerọnmọn nuwẹ ẹ na bhe edobhẹn, ọ no oriọn mue egbe, ọkpanọn, efuegbe bha muzeze 42 Ọ da gbo akhian ugba zeva da nerọnmọn, ọ da tale, "Aba mẹn, ọna da sabọ gbera sokpan imẹn muọnlẹn ọ, jin iholo no sẹsẹ. 43 Ọ da gbo tie vale sẹyẹ kere ewẹ ẹlo e kin gue bhẹn. 44 Ọ da zele obọ dọ nerọnmọn ọsu ugba zea te ebọ kata. 45 Eni Ijesu da bui enidibo ne sọle re, ọ da tamanle, "ibha sẹyẹ awẹ hen an? ghee ọni uriẹ ẹghe vale, ọmọn nọ so okpẹa khiọn lẹn jio obe elue bhiọn ọbe. 46 Kpanọn mudia ni ibha gia akhian ọno khiẹn ọsire. 47 Be jiọle sẹyẹ atalọ Ijuda ukpọkpabhe enidibo igbeva, da vale, be usiẹn agbọn ne no obin ojie ohẹn bi ewanlẹn ọse enebho. 48 Ẹjia ye na ọno khiọnlẹn da re aman nele yiọle ọnọ ọle a fiofiọle unu nọn ibha a muọnlẹn. 49 Ẹjẹje ọ da vale bui Ijesu re, tale Imẹn tuẹle, ọmaebhin! ọda fiofiọ unu. 50 Ijesu da tamalẹn, "Omuẹ e lue bu uwẹ vale dọ lu." eni eda vale sobọle muọnlẹn. 51 Ghe, ukpọkpa bhe ene ẹbho nẹ a ribhe iji Ijesu ọ da niẹn obọ a re giọ ọpia rẹ yin egbọnbhandia nọ si ọno ojieohẹn ehọ a. 52 Eni Ijesu da tamanlẹn riọ ọpia fiọ bhe eji uwẹ da rẹ, ene rọ ọpia khọnlẹn ọpia a da yẹrẹ gbonelia. 53 Uwẹ riale ghe imẹn da sabọ sotia ababhẹn, ọ jin ghi ne yio okulo uhin igbeva jin imẹn. 54 Be bhọ onẹ ẹbhọn na gbẹn bho otọ arẹ musẹ yẹ nọ yiọle enare bhe dẹ sunu. 55 Ọnẹgheni, Ijesu da tama enẹbholo, ibha riọpia bi ukpokpo rẹ mubhẹn bo oyi . 56 Ọkpanọn, enarebhe sunu be jia da miẹn ebe enohẹn gbẹn bbho otọ ki musẹ." enidibo ne sọle rebhe nẹgbe fiọla. 57 Ene mui Ijesu da muan khin ejin Ikaifas, eni ejiohẹn bi enegbẹn ebe bho otọ da sikoko re bhe eni. 58 Ọkpanọn Ipita da fẹkẹ rẹ khanlẹn va bhin uwa nọsi ọnojie ohẹn, nabhe ekọwa de ba ene gbẹlo ghọ unu uwa dibho otọ a nọ feghe ebeasunu. 59 Ọnẹghena ọ no ojie ohẹn bi ene wanlẹn ne sikoko da guani ọsẹli ọhoghe ne a sẹgbi Ijesu ne mie ejele a da gbọlia. 60 Ele bha miẹn arẹ de ọsẹli ọhoghe ne bunbun eribhọ. Ọkkpanọn, akizẹ bue etue eva da vale bho odalo. 61 Tama ele, ọno okpẹa tale, imẹn disabọ dubhọn ọnu uwa osẹnobulua ri ikpẹ de ea banlẹn. 62 Ọ no ojie ohẹn da yiọle uwẹ bha waniẹn, be khọna ne ta we bhe egbe. 63 Ọkpanọn, Ijesu da hiẹnhian. ojie ohẹn da tamanlẹn, imẹn re elin osẹnobulua bhin ẹ nu uwẹ tama bhan su uwẹ ọhan rabhina nọ ọmọn nọso osẹnobulua. 64 Ijesu da waniẹn, uwẹ tobuẹ tale. Ọkpanọn imẹn tamanlẹn, rẹ nọ ọnẹghena rẹ akhian, uwẹ dẹ daghe ọmọn nọsokpẹa de bhin obera ọsahua, ọ re ebhu okhu vade. 65 Eni ojie ohẹn da vinu ukpọn nọsọle a tale, ọ ru unugbebhọn osẹnobulua! be zẹle ni iman da sẹyẹ a guanọ ọsẹli ẹghe ibha tobọ bhan họn ebọtayẹ. 66 Bi ibha rialeyẹ, e da yiọle ọ sebe a uu. 67 Eni e da gie esẹn ọ ole bhẹ ẹlo a gbọle, e da ro obọ gbonu ubi ọ ọle bhe ehọ. 68 Eda tamanlẹn saghasẹ bhan, uwẹ na ra bhina, ọ gbu ubiọ uwẹ bhe ehọ. 69 Ẹghe na Ipita da dotua bha azagba egbọbhan dia ọmabhẹn da buọre tamanlẹn "Uwẹ yẹrẹ Ijesu ne bhin Igalili." 70 Ọkpanọn, ọ da yiọle, ọle bha lẹn ọ len. Isiria ele, imẹn bha lẹn ebibhata. 71 Ẹghe nọ rẹ jiọblu unurọ, egbọbhan dia ọmabhẹn ọbhebhe da yẹ tama ene a ribheni, ọno okpẹa na rẹkhan Ijesu nọn si Inazarẹt. 72 Ọ da gbo yiọle ọle bha lẹn ọ lẹn, ọ da a vi ihẹn, imẹn bha lẹn ọno okopẹa na. 73 Bhẹ ẹghe nọ bha rẹgbe, ẹbho ne mudia bhe dani da tamai Ipita, genegene ukpọkpa bhe ene rẹkhan Ijesu uwẹ khin ranmude be nu uwẹ rẹ talọ. 74 Eni ọ da o ghubhele vi ihẹn, imẹn bha lẹn ọnokpẹa na, egheni, ọkpa da viẹ. 75 Ipita da yere ọta ni Ijesu tamanlẹn, ọkuẹ sẹle ọkpa vie, igba ea uwẹ da yiọle uwẹ bhayẹ lẹn imẹn. Eni ọ da dagbare dọ a viẹ ọsẹsi.