¹ Ọvbe oya gbe-gbe le rlọ za vbiẹ imohi mai le gboma's. Ezọ li khau le li mai-mai rlo mie. ² E ri mia ke dere re khien ukpodẹ le bu akha gaze ọsoso ke de rẹ ekhie emoi, Ọkpesan ọni ke khu, rlọ rẹ mati ke re gbe sọ khian. ³ Nyẹ-nyẹ akhai ga za e ri mai ghu ukpi en vbi akha khi rlọ re ekhien emi mai kho, eri mai rlọ ke maiti rọ khian ⁴ En yo wọ okọ sẹ edẹ, e re gbia bi efọi li kheu ke dah e en, e mina li kere o ke re en khien, ẹ bie ọlọ khie pon ho ọ lọ ye. ⁵ Uke en ukpoẹmi naegbe li khere ọ. E nọ kpẹ gvbetai li khavba re, u ke ekhien ebe rẹ li khore to ogvba li khavbe ah ⁶ Ukpoẹmi e rẹ ọr, okle mọ sẹ ọkhọ o khia egbe mai, ọ rọ eghe mai, bi o re erẹn eki agbon so mai, inyọ le gboi, ọ zo bọ re ren yọ egbe sọ yọ ovbe erẹn. ⁷ Eyami le be gbe-gbe, ukpafiami bi eyami le ja ẹkẹ ẹda, a rẹ khe khwi en bi ọmọ khe kpẹ re ẹ khian. ⁸ Ama rẹ ji ukpoẹmi, ọya so-so lo wọ emọkhi kha mati re ọ khian, o ke ki emina la mati re o khu, lọ bei, e me lọ ke gbo lọ vọ ọ. ⁹ Emọ na mai re rọkhia nọ Ọghẹna bi eramia re gwe on na mai khwe mọhi, e ke khian okhumemẹkẹ sọ Ọghẹna. ¹⁰ Ekẹ unu okpa li nyaba bi ukwe za vare. Omọ me, wa za mi o le mi na na. ¹¹ Ẹda lo ke chi unu-unu nuwa ọ ke ri eme me bi eme jai. ¹² Ora lia etọi ifigi, amẹ lọ mọ omẹ, o kha mati yi amẹ lọ me. ¹³ Ọ lọr ke ẹh gwa bi nwẹẹkhokwere usesama? lọ ya ke wọ ogbọ lẹ se mei agbọ yẹ eghwan. ¹⁴ E keki ọlami na twẹ aou, bi ima ma lo we moi yọ udu, e ka do gbọn bi ma ne khẹn so ata. ¹⁵ Ọna ke gwi egwa lọ zah eimi vare. Bamọi, ọlagbọna isa gbọn na ọ, ọ khi so Ọghẹna, o vbe su. ¹⁶ Eba ke mei emi ho bi eme yọ ẹkẹ udu, mai ke moi imei ọ, bi emi moi kho ma khu, wa mah mei mẹre bi emina so oghow le nye na. ¹⁷ Re ji beghwn lọ ke za ukhume emi vare, ọfure, dẹgbere, unyami, o ke vọ ni igbaleke bi ikpekomi le khume, aregbe ọle be emo sa ata. ¹⁸ Ikpekomi se eme khume o we mai kọn re jọ ọfure ẹkẹ use se ele ke kho ọfure.