¹ Omiomẹ li omohe, li khumekẹ, Nwaike khi aruduọ yhọ otọ ẹkẹyhi oje iJesu Kirisi, oje lo ra okhumee lo gbe ya eso iguo egbe. ² Ukhẹ ọya ọkpa kha o usei si elekoko re lọ ke kwui emekhae, iyẹbi uku lo khumose yio egbe, omọhe lọ mọi ego rẹ gbo rho u sẹ siẹh lọ khui iku le rhọ. ³ Ovbẹ ha ke kho oya lọ khui iku le khia uyo "Agua-gua ovbẹ dian aloh khe-khe" Ama olo mo ego da muza evbo, "Ọ dia otọ aguẹmẹ ⁴ I ke guegbẹ ẹzọ? Ovbe ke guẹsọ rẹ khian udu lọ be? ⁵ Wa reh ekhọ yọ tọ omẹhmẹ li khumẹkẹ, Ọghẹna ọ kẹ sẹ zi ele mọhẹh si olagbọna yọi ọlọkhua arudu ọ bi ọlọ ki oje ikhumemi lọ rẹ khẹ ele khumẹkẹ ọ? ⁶ Ama ovbe kha ri ekpẹ shọ elemọ ego egbere, ovbe kẹ ri ototo ọ lọ mọ ego, lọ gbe wa yọ otọ? Niọ re wa gwẹzọ? ⁷ E kẹ kwe eni sẹ lẹ se? ⁸ Ovbe, ha ke re khai ukpodẹ si uhi rekhọ ebi ebẹ lo kia ta, "Uloke humẹ kẹ ọ zi eva sẹ la bi egbẹ," u wọ lẹse. ⁹ Ama ovbẹ ha ke ri kpajobọ li eyie so, ovbẹ ke vbi ọhọọ, a ke gbo re yọ ighan la bi ele gbi uhi ya. ¹⁰ Oloda rẹ khai uhi gbegbe, oni dokpaẹh ọlọ de ukhi ọkpa lọ ke gbe ya, ọli ukhi ke nuọ bamoi ọ gbi ukhi ya. ¹¹ Bamọ ọlọ ta, "Eke gbo oghẹ" "ọ gbo ta e gbọ ya khu" u a gbi owẹ, ama owẹ gbọ ya khu, uki ọlọ gbi ukhi ya. ¹² Niẹ nẹ ki ọlọ gwe ta lọ rhu, bi ela lọ gwi ẹh ẹzọ egbe ukpodi igwẹzọ si amiefan. ¹³ Ba mọi iguẹzọ vare ji ele mie iduabọ la bi ebẹi mie iduabọ si oya. Iduabo lo ke kpohumi lẹi iguẹzọ ¹⁴ Ọ lẹ se e mi ke khọ ni, omiọmẹ, ọya a yọ ikhọ mọi arudu ọ, ama ọ mọ obia? Ọ la aruduọ lọ ke su moi? ¹⁵ Aha gaze omiẹ lọ mọ khẹ da omohi khui iku le sọọ, ikhẹ bi ọke mọi emae ukpẹẹ. ¹⁶ Aha ghaze otọ kpa usemi vba yirẹ, "Za khia ọfure, dia ọto ya bi ọvọr" Ẹ ghẹ lu ke ri eme gbe si rhẹ kho ni ye, o lẹse eme ke ra ani? ¹⁷ Ekẹ ọlukpodẹ ni, aruduọ legboi, lo ke moi obia o ke ki emekhu. ¹⁸ Oya lo tai, "Umọi Aruduọ, bi imọ obia". Ri aruduọ lọ mọi obia miẹ mẹ, bi I lọ ri aruduọ mẹh mẹẹ khai obia mẹ. ¹⁹ Ovbẹ mie yọwọ khi Ọghẹna ọkpa ke rawọ; u wọ lẹ se. Ama ukọbe yama yọ wọ khi. Eke lo fẹn. ²⁰ Ukho lu rhẹ, ọmọe lọ khẹ gwa, khi aruduọ lọ mọ obia ọ ke mọi otiti? ²¹ iAbrahamu li ara mai a guẹ ẹzọ sọi khei obia sọ lọ ri iIziki vare ukhumi ebarle lazaga? ²² Owẹ miẹh aruduọ ọbia re akhi obia sọọ, bi ọni obia sọọ aruduọ sọọ ke gba. ²³ Ebe lo kwa ke de kọ lọ ta, "iAbrahamu ru du nọ Ọghẹna, bi a ke gbo kọi gweọ uwelọse," bi a etio ọmọ Ọghẹna. ²⁴ Ovbẹ u ke ze gwọ khi obia si ọmọhẹ la rẹ gwọi ẹzo egbe bi aruduọ doh kpaẹh kọ. ²⁵ Olukpodẹi, iRehabu lọ gbo oghẹẹ a gwẹ zọ sọi ẹkẹ obia sọi, ebọi lọ ke rẹ mie elaje bi ọ riẹh khian ukpodẹ ovbe? ²⁶ Egbe khayọ da gi eti ọkhu, iniọ, aruduọ lọ mọ obia ọkhu.