nbtt-ihi_jas_text

Uhunmi 1

¹ iJemisi, ajukọ si Ọghẹna bi iJesu Kirisi, rẹji ẹwo igbeva le va egbe yha uruẹmi. ² uloke khun yọ eghogho, omiomẹ lọ ọmọkhe ghẹ lu ghi egbẹ zẹ idamegho. ³ ukhe rẹ khi idamegho si aruduọ lọ ri iziẹẹgbe na. ⁴ ọghạ zie iziegbe si ghai obiasẹ lurẹke ki ologhai, lo vbọn, lokẹse moiemekore. ⁵ ama, akhakhe mi ọlọ khoo eghuan obọ si Ọghẹna, inyọ ọkpa lọ ri emamiẹ ọlọya khoo na, bio ọkhuaya-khua lọ da khoo obọ sọ. ⁶ ama zo mian ẹkhẹ aruduo, lo khọọ-khọọ eminaso, rari ọlọ khẹ khọọ-khọọ ọ ẹbi ọlefio ukhumi-ẹda lọ khe yotọ-yokhumi. ⁷ ọya niniọọ, ọ rẹ udu yọ ọ lọ mie eminasoso obọ si ọghẹna. ⁸ ọya niniọọ lọ mọ udu-eva, ọ lọ khe za dada ukpodẹ ⁹ la zi eya ẹshun gbe le dai-egbe khuee. ¹⁰ ama olomọego rẹ-egboi yọ otọ, bi mọ ọlọ dekhua bi idodo lọ kaka-khua iyumi. ¹¹ oven khe ri ọtokhia diarhe iyumi. e li idodo dekhua, bi ukhumose si ẹ ọwu. Iniọọ ọlọ mọ ego lọ dekhua ukpọdẹ. ¹² Ikhiaba i si ọmọkhe lọ mọ izie-egbe ẹkhẹ idamighe. Ebọke rẹ gberai idamigho na le, oloke mie uyeru si agbọn, la khe ghue mie e mọ ukhumẹkẹ so Ọghẹna. ¹³ Ọya kheta iniọọmi idamegho, "Ọya yọ iniọọ mi idamegho obọ si Ọghẹna", Bamọọ-ọna Ọghẹna kha mati damie-eyagho ukpode lọbe. ¹⁴ Ọdode lọ khe mọ idamegho si agbọn ẹmọ ukhue si ọla-agbọna lọ khe shiọ ukpodẹ re. ¹⁵ Eghe-ghe ekhe rio mi ukhoo, Ọkha re vbi Ọkhoo, ẹgheghe ọ mọ ọkhọọ khe rẹ gba, ọ vbi ewu. ¹⁶ Ezuan tẹe imiọmẹ li khumẹkẹ. ¹⁷ E mekhume-gbe-gbe- bi emegha la za ukhumerimi vbare. Ọvbare obọ si erama si ukhiọ. Bi iniọọ a mi idelobọ ọ odudu bamoi ufie-egbedelegbe. ¹⁸ Ọghẹna khe zẹ ma la re vbiama ekhẹ ẹmọ ọni Ọkheze ma lọ khe rẹ bi upkpe-kọmi si emina egbegbe li ọ mai. ¹⁹ Ọwe ri ọna imiọmẹ li emọkhe li khumẹke: zhi omọkhe egbegbe za khe họn, lọ degbere, eta, lo, khe biohan. ²⁰ Ibiohanmẹ si ọmọhe ọ khe re obia lo khia si Ọghẹna mọ ukhumi. ²¹ Iyẹnẹ rẹ ọkhọọ bi iwan sẹ bi ọbe lo bu sẹ fia. Ẹkhẹ idegbere mie ọlẹmọ la kọi, lọ-lọ khe mie oreghe sẹ fan. ²² Nwa khi e le wọ ọlẹmọ eki ọlọ ri ekhọ kho doh kpa ẹh ²³ Khai ọlọke da khọ nẹ moi lọke vbo, inyọ ke rebi omohe lo ke khumi aro sọi gho ughegbe. ²⁴ Okhume gboi kho bi ebo khiorẹ ọbobọ yẹh ebọikẹ zegbe ya. ²⁵ Ama, oyia lo ghọ rẹ khian ukhi si amiefan, lo rẹkegbo za khien ọlukpode lọkiaẹ si amefa lọ ke ye mọ khọn ya, ikhiaba ike khi obia si omokhe ni na. ²⁶ Aha mi ọya lọ khe gwemiẹ egbo inyo yose, ama lo re ero khui ukpolemi sọi, ọ tẹi egbọire, Nienẹ ọsẹ lọ ke lẹ ọ moiẹ otiti. ²⁷ Okhia mẹ rẹ bi omọi ọlọgbi-inwan labi ọlọ lọsẹ rẹ gi Ọghẹna lọ khi era lari ọkha ji: lọrẹh kpaji elemoera bi elemoi ọdọ wẹkẹi okpokpo, bi ovbe regbẹ khiọ e me rọ so ọ la agbọna.