¹ Ọmọkhe la etie iananias, gbi ọha isappira, rẹ dẹ efue si yẹ e so. ² E rẹ ri egho e so dia ni, e rẹ ri ọ nọ khọ re ji e ni ohen. ³ Ipeta ghue re, ''iananias, e mọ zẹ esun rẹ ya ẹ lu rẹ ma ni ekhẹn miẹ etilọkurlan u rẹ ri egho e so dia ni? ⁴ Ọ ni ẹghẹghẹ u rẹ gbe khion, ọsẹkhi i sẹ, u sẹ za mọ eti yọ nwo? Ọ ri ogbia na udu sẹ? U mani ekhe̱ mie̱ imọkhe, ama ọghẹna. ⁵ E gbọ khi ẹmọ na, iananias ọ de re ọ rẹ wu, eya gbegbe le khin ọ ni ẹmọ za khe lofẹn. ⁶ Imọkhe e so rẹ vbare, e rẹ ọ rọ tọn. ⁷ Ọ gbetẹ gbe, ọha rẹ vbare, ọ ẹẹn e ma miẹ. ⁸ Ipeta ghue miọ, ''nwa sẹ khin ọ ni otọ egho lọ gba.'' Ọ ghue re, ''inyiọ ọọn.'' ⁹ Ipeta rẹ ghue miọ, ''E mọ zẹ u rẹ nyiama nwa rẹ damegho etilọkurlan si ọlọmọema? Ghuo, eya le ri ọdọn tọn e ra egbi unwọ e lọ gbo nwẹ khiọ re.'' ¹⁰ Ọ rẹ de re ọ rẹ wu. E gbi e ni imọkhe vbare, e ga ze ọ wu, e rẹ ọ rọ tọn egbe gbi ọdon. ¹¹ Ofẹn rẹ vbare ji eya gbegbe le ra ẹkhẹ ọsẹ gbi eya le khọn ni ẹmọ. ¹² E ni ohen si Ijesu ri urẹmiẹ legbu miẹ e ni eya. E za kho gba ra ẹkhẹ ọsẹ. ¹³ Eya e nọ za khe lofẹn rẹ deghua yẹ; e za mọ ida egbe khuae. ¹⁴ Eya le gbu le miekhọn deghue yẹ, ọgbuan si ikposo gbi imọkhe, ¹⁵ E khua eya o ẹkhẹ afen la rẹ miọ ipeta kha vbare ododu sọ lọ ri inifan ni yẹ. ¹⁶ Ọgbuan si eya gbo za ẹwo si ijerusalem vbare, ri eya lọ to gbi eya la mọ ukọbe vbare, ama ọ ni yẹ eghegha fan. ¹⁷ Eboreen loghua khiọ re, gbi isierayovbo;gba mọ ọ ni ẹmọ za khe ri yẹ gbiokhian, ¹⁸ E rẹ nwi e ni ohen yi ighan. ¹⁹ A gbi enwa, ajukọ ọghẹna tu ji ọ ni unwọ ya, e rẹ dia re, ọ rẹ ghue re, ²⁰ ''Nwa khiọ re yi ẹkhẹ ọsẹ nwa rẹ ghue miẹ eya ẹmọ agbon.'' E ²¹ gbe khi e ni ẹmọ na, e o ẹkhẹ ọsẹ e vbiẹ ẹmọata si ọghẹna. Ama eboreen loghua vbare, gbi eya le za raan ni kpẹ ọọn, e rẹ etei egbi yẹ khokho re, a rẹ ji ukhumi yi ọ ni ighan la nwi e ni ohen vbare. ²² Igbalukhun lọ khiọ re sẹ ghi yẹ ze ighan, ọ rẹ tiegbe ghi yẹ ze, ²³ Ma gha ze a fi ọ ni ighan, eya le ri arho khwi ọ ni ighan e raan ni, ama ọya soso ye ọ ni ighan. ²⁴ E gbi ọ nọ ri ọsẹ khian gbi ije oboreen rẹ khọn ni ẹmọ na, e mọ aniunua. ²⁵ Ọya vbare ọ rẹ ghue miẹ yẹ, ''imọkhe nwa je ighan e ra ọsẹ e vbiẹ eya ẹmọata.'' ²⁶ Ọnọ ri ọsẹ khian gbi igbalikhun sọ khiọ re e rẹ nwi ye̱ vbare, ama e sẹ nwi yẹ emina sọso gba mọ e za lofẹn la ri ido gbi yẹ. ²⁷ E gba nwi yẹ vbare, eboreen loghua mia yẹ eta, ²⁸ Ọghue re, ''ma ghue miẹ nwa yọ nwa khe vbue~vbue eni na, nwa vbiẹ ijerusalem gbegbe gba mọ nwa kho li nwa ri ẹrlo si imọkhe na vbare ukhumi ma.'' ²⁹ Ipeta gbi e ni ohen nyianyẹ, ''ma lọ rẹ yọ i si ọghẹna da i si imọkhe. ³⁰ Ọghẹna si erah ma khiọ elewu re Ijesu, li nwa gbe yọ ọgbago. ³¹ Ọghẹna rọ khuae yi ogbọ~ọdiọn sọ lọ rẹ nwi ovbi oje gbi ọya lọ sumema, lọ rẹ ri igbekua ni izire, gbi igbekua si ọkhọọ. ³² Ọsẹyi si e ni emina na li ma nwu, gbi etilọkurlan, li ọghẹna rẹ ni eya le ri ekpẹn na.'' ³³ E gbi e ni eya khọn na, e za gbiokhian e za kho le gbi e ni ohen. ³⁴ Isieravbore la etie igameliel, ọzeghua si uhi li eya gbegbe ri ekpẹn ni, ọ rẹ yọ la nwi e ni ohen sẹ yi iwedẹ.'' ³⁵ Ọ ghue miẹ yẹ,''imọkhe si izire, nwa mọ ẹghuan e mu nwa kho li nwa nwu ji e ni eya na. ³⁶ Ikpẹ na, itheuda khiọ re ọ rẹ yọ ọya li nyiọ nwu, gbi imọkhe e so, eya le gbu deghua ọọn. E gbe khọn, eya le za rekhian ọọn vbẹn khua. ³⁷ Ọmọkhe ọ we gbo khiọ re, ọ rẹ etei eya e so rẹkhian egbọ. Ọ khueo, eya le za rẹkhian ọọn vbẹn khua. ³⁸ Inyiẹ-nyẹ i ghue miẹ nwa, nwa zi e ni imọkhe na ogbọ, ọ kha nwi ogbia si imọkhe, e lọ gbo vbẹn khua. ³⁹ Ọ kha nwi si ọghẹna, nwa kha ma ti nwi yẹ emina soso; nwa lọ gbo miẹ yọ nwa kpa ji ọghẹna khọ~ee.'' ⁴⁰ E etie e ni ohen vbare e rẹ gbi yẹ e rẹ ghue miẹ yẹ le ghui ẹmọata si eni si Ijesu, e rẹ zi yẹ ogbọ. ⁴¹ E khiọ re e rẹ e rẹ ghọghọn yọ a khọ yẹ ghue eya le miẹsion yọ eni si Ijesu. ⁴² Ukpẹ gbi ukpẹ e za vbue-vbue udighue si eya ẹmọata si Ijesu, yọ li khi kristi.