¹ E bi ipeta gbi ijoni rẹ ghui eta miẹ e ni eya, oboreen gbi isierayovbo gbi ọga si ọse e rẹ vbare e gbe e. ² E za khe mọ kpokpo gba mọ ipeta gbi ijoni za vbue~vbue ni eya ẹmọata si Ijesu gbi ikhiọ elewu re si Ijesu. ³ E nwi yẹ e re ji yẹ ighan rẹ di egbia, gba mọ enwa khe ọọn. ⁴ Ọgbuan si eya le khi ọ ni ẹmọata mọ amieghọn; Eya le miekhọn si ithousand ikhen. ⁵ E gbọ khe di egbia, e ne ri eya khian, gbi idiọma gbi akewe kho~khore ijerusalem. ⁶ Iannas oboreen loghua za ra ni, icaiphas gbi Ijoni, gbi ialexanda gbi eya gbegbe le kpẹ oboreen loghua re. ⁷ E be ri ipeta gbi ijoni vbare use si yẹ, e rẹ mia, 'i ghui eti, ọ eni, nware rẹ nwi e ni eminana? '' ⁸ inyiẹnyẹ ipeta, lọ mọ etilọkurlan yọ egbe, ghue miẹ yẹ, ''nwa li nwa ri eya khian, bi idiọma, ⁹ A kha ghui ẹmọ ma ẹna gba mọ emina nẹse li ma nwu ni ọya lọ to, ama ọmọkhe na rẹ mọ inifan sọ, ¹⁰ Li nwa nwa gbegbe si izire ẹẹn yọ ọmọkhe na mọ inifan sọ eni si Ijesu si inazaret, ọya li nwa gbe yọ ọgbago, li ọghẹna khiọ elewu re. ¹¹ Ijesu kristi li khi udo li nwa khin ama inyiọ lọ khe gba lẹ udo gbegbe. ¹² A mọ usumemen ọya ọ we, a mọ eni lọ ra ukhumagbon na lọ ma ti sumemẹ.'' ¹³ Inyiẹnyẹ e gbe mi inwegbe si Ipeta gb ijoni e rẹ miẹ ọya ọdọda le nwu, gbi eya le sẹ zi ebe, ọ nia yẹ unua gba mọ e sẹ ẹẹn yọ ipeta gbi ijoni yọ idibo si aijesu le nwu. ¹⁴ Ba mọ e mi ọmọkhe la nifan ọmu za kpẹ yẹ, e sẹ mọ e me lọ ghue yọ nwọ. ¹⁵ E gbe ghue miẹ e ni ohen khiọ ọsẹ, e ghui ẹmọ miẹ egbi yẹ. ¹⁶ E ghue re, ''e mi ma lọ nwi e ni imọkhena? Bamọ eya eghegha ijerusalem khe khi e me nwu; ma kha ma ti vbo ọ. ¹⁷ La rẹ miọ o gbo khian re use si e ni eya ma ghue miẹ yẹ le gbo ghue miẹ ọya sọso ẹmọata si Ijesu. '' ¹⁸ E etei yẹ vbare e rẹ vbare e rẹ ghue miẹ yẹ le gbo vbue~vbue ni ọya soso eni si Ijesu. ¹⁹ Ipeta gbi Ijoni nyianyi yẹ, ''E lọkhume idiao si ọghẹna ma rẹ yọ e mu nwa ghue ọ ma rẹ yọ e mi ghue re, nwa ghui ọ ni ẹmọ. ²⁰ Ma kha ma ti vbo unu ma ghue e mi ma miẹ gbi e mi ma gbo khọn.'' ²¹ E gbe khe ghui ẹmọ si ipeta gbi Ijoni, e zi yẹ khiọ re. Ba mọ e sẹ mi emina lọbe le nwu, ba mọ eya gbegbe za ri ọkha ni ọghẹna e me nwu. ²² Ọmọkhe lọ mọ inifan na khe ra igbe ikpe erle. ²³ E gba khe zi yẹ ogbọ, Ipeta gbi Ijoni re vbare ji egbo yẹ rẹ ghue miẹ yẹ e mi ije oboreen gbi idiọma ghue miẹ yẹ. ²⁴ E gbe khi e ni ẹmọ, e rẹ. khuẹmi ọghẹna e rẹ ghue re, ''o nwẹ lu mi ovbiọfuegbe gbi ukhumagbon gbi ẹda, gbi emina le ra ẹkhẹ yẹ. ²⁵ U ri etilọkurlan ghui ẹmọ khian ọvbiẹ sẹ, erah ma idavi, 'e mọ zẹ ẹwo si irluọba rẹ mọ igbiokhian, ama e ni eya e ghui emina me ga? ' ^{28 27} erod gbi ipontius ipilate, gbi irluọba gbi eya si izire, e khokho re ẹwo na ba mọ ọbe si ọvbiẹ sẹ lọ kurlan Ijesu, lu ri oẹẹn ni. ²⁸ E khokho re le rẹ nwu e mu yọ a lọ miẹ. ²⁹ Ama, ọlọmọema, ghuo ẹmọ si yẹ lu rẹ ri eti ni ọvbiẹ sẹ le rẹ ghui ẹmọata sẹ. ³⁰ Ri urẹmiẹ miẹ eya gbegbe eni si ọvbiẹ sẹ lọ kurlan Ijesu. ³¹ ''E be gbadua, e be khokho rẹ nwu reghe, etilọkurlan rẹ vbare gbu yẹ, e rẹ ghui ẹmọata si ọghẹna e lofẹn. ³² Eya eghegha le miekhọn za mọ udu gbi oreghe ọkpa. Ọya soso sẹ za nwi emina si. ³³ Ohen si Ijesu za mọ eti loghua le za rẹ vbue~vbue ikhiọ elewu re si ọlọmọema Ijesu, ẹse ọkhẹn degbi inyiẹ eghegha. ³⁴ A mi ọya soso li ẹsion za gbe, gba mọ eya gbegbe le fua ighue si yẹ gbi otọ de rẹ ri e ni egho vbare, ³⁵ Ghi e ni ohen ze, a ri e ni egho ni eya gbegbe. ³⁶ Ijoseph, li e ni ohen etie ibarnabas, ilevite ọmọkhe si icyprus, ³⁷ Ọ rẹ dẹ otọ sọ ọ rẹ ri ọ ni egho ghi e ni ohen ze.