¹ Inyiẹnẹ, i khe vbi ji wa, eya li khumẹkẹ, mẹ rẹ ye wa re ukpodẹ ọ lọ rẹ wa mọ ẹghwan si ọghẹna. ² U lọ khe ukhọ emina i ghue miẹ wa ikpi-kpao bi ajukọ okunla si ọghẹna, bi emina ọlọmọema bi ọ lọ sume ma lọ ghue miẹ ma sian ohen sọ. ³ Gbo ẹẹn, eya le jiẹ lọ gha ze ukpy-okho. E le lọ jiẹ e bi yẹn kho ọọ. ⁴ Elọ ghuere, ''ọborlen i si ishegbere''sọ, ẹghẹ-ghẹ li erama rẹ mẹhẹn, emina eghe-gha li ọghẹna mha ikpi-kpao e dalọ. ⁵ E khe ye-a a yọ e ukhu-meimi bi ukhumagbon a za amẹ diare, ba mọ eti si ẹmọ si ọghẹna. ⁶ Rẹ kian ọ lẹmọ na, la rẹ ri amẹ riaa agbon si ẹghẹ-ghẹ ni ya. ⁷ Ama, ukhu-meimi bi ukhu-magbon, a khe ri yẹn khẹ erẹn, ba mọ eti si ẹmọ si ọghẹna. A khe ri yẹn khẹ ukpẹ si aghuẹzọ bi ukpẹ a lọ riaa eya le ẹẹn ọghẹna ya. ⁸ E sẹ zi e li emina obọ eya li khumẹkẹ, yọ a ukpẹ ọkpa use si ọlọmọema ọ rẹ bi ukpe le bu, ukpe le bu iji si ọlọmọema ọ rẹ bi ukpẹ ọkpa. ⁹ Ọghẹna ọ shian khekhere rẹ ji emọ nyiama yọ ọ lọ wu ji ma, eya e so le nyiama usianmi li khekhere, ama ọghẹna mọ izegbe na ma, ọ kho ọya so-sofua, e lọ eya eghe-gha mọ ide-ludu. ¹⁰ Ama, ukpẹ si ọlọmọema lọ vbare rẹ bi ọlọra: ukhu-meimi lọ khue ra lẹ, emina eghe-gha lọ tokhua, emina eghe-gha e ra agbona lọ regbe miẹẹ. ¹¹ La rẹ miẹ emina eghe-gha le ra agbona, lọ khuao ukpodẹ na, i ghwi ọya la bi owẹ lọ wu? za dia ukpodẹ si ọghẹna bi ukpodẹ kunla. ¹² Wa za muza khẹ u vbare mi si ọghẹna.Ukpẹ ni, i lọ riaa ukhu-meimi khua, emina eghe-gha la ra wọ lọ tokhua. ¹³ Ama, ma muza khẹ ukhu-meimi bi ukhumagbon lọgbon, e bi ukhumẹkẹ lọ khe e. ¹⁴ Ama, eya li khumẹkẹ, ba mọ wa muza khẹ e le mina na, wa sian ukpodẹ nẹse la rẹ miẹ wa khian ijawo sọ, bi ọfure. ¹⁵ Ma bo mọ aru-udure si ọghẹna lọ sume, rẹ bi e bi omiọ ma ma khumẹkẹ ipolu vbi ji wa, rẹ kian oẹẹn la rẹ na. ¹⁶ Ipolu ghuere ebe lọ vbi, e mi emina wa mọ oẹẹn sọ. Ama, imokhe lebe ghue emina lebe si ẹmọ si ọghẹna, ama ufuami si yẹn e ghuẹ mọ. ¹⁷ Ama eya li khumẹkẹ, ba mọ wa khe ẹẹn e le mina na, wa khe gbẹoghuo egbe wa la rẹ miẹ a ya le ẹẹn uhi fi uzaza-ẹwo yọ egbe wa, bi wa fiobọ ukpẹkomi sa wa. ¹⁸ Wa khua-egbe esen ọhẹn bi ọẹẹn si ọlọmọema bi ọ lọ sume ma ijesu kristi. A ri ọkha eghe-gha ni inyiẹnẹ bi ikẹlẹ-kẹlẹ.