¹ Eya le vbie-vbie le wi si ọghẹna, bi eya le vbiẹ le wi si ọghẹna, e lọ khe vbare ọ gha ze, e lọ khe doo ri emina lebe vbare,e lọ khe ri ọ lọ kpokhumi dẹẹ. Ama uriami le rẹ vbare egbi yẹn. ² Eya le bu lọ khe akhian ẹghwan si ẹẹn rẹ ji yẹn,ukpodẹ sa ata, e lọ manekhẹn yọ. ³ Rẹ za ọ bu mi si yẹn, e lọ khe mọ erle rẹ khian eta le ta agbon e, u riaa si yẹn ọ kha khe tẹgbe. ⁴ Ọghẹna sẹ gbe khau ni ajukọ le duese, ama ọ re ni itatarus lọ khọre ighan ukpobi rẹ di ukpẹ a lọ ghuẹzọ. ⁵ Ama ọ khe se gbe wa agbon li gheghe,ọ sumi inoah, lọ khiọ ya lọ mọ udu sọ ọghẹna bi etwi ekhion, e bọ khe ra amẹ lọ bu vbare agbon se e le khe ẹẹn ukpodẹ si ọghẹna. ⁶ Ọghẹna khe gbo rẹ khere ẹwọ si isodomi bi igomora le rẹ di amumu a, ọ rẹ khe gbo ghue miẹ yẹ e lọ khue oo bi ọ lọ riaa yẹ a, ọ rẹ bi omiẹ e bọ lọ re riaa eya le ẹẹn ọghẹna ya. ⁷ Ama iloti ọ ẹẹn ọghẹna, li eya le ẹẹn uhi kho le ri unwen si yẹ lọ be riaa ya, ọghẹna sume ọọ. ⁸ Re khi eya le khe ẹẹn ọghẹna, le khe nyei use si yẹ ukpẹ ra ukpẹ, ọ kpo-kpi yẹ udu khian emina le khọ bi eme miẹẹ. ⁹ Ọghẹna ọ ẹẹn e bọ lọ rẹ sumi eya sọ shọ ẹkhẹ idamegho,bi e bọ lọ rẹ khuao eya le ẹẹn ukpodẹ sọ ukpẹ aghuẹzo. ¹⁰ Ọ na ata ọọ ni eya le sian ukpodẹ lọbe si ehu, ama e nyama rẹ khien uhi, e mọ udu bi uhi le rẹ ekhe ji eya le ẹẹn ọghẹna e mina lọbe ¹¹ E li ajukọ mọ eti likhua, ama e ri ukhwe si ẹzọ si yẹ ji ọlọmọ-ema. ¹² E li eami na le mọ ẹghwan a la mi yẹ a khe za nwi yẹn bi ukhuao. ¹³ E re lọ miẹ errle si emina lọbe si yẹn, rẹ ji eme khe wu je egbe si yẹn si ọlagbon na. ¹⁴ I khe mọ aghoo le bu i si ikposo le si adegbe; e mọ ukhomi si ọkhọ. e mọ udu la rẹ ekhe mina lebe, ama iyekhan si ukhue le wu. ¹⁵ E khe daa ukpodẹ nẹse fia, ekhe sian ukpodẹ lọbe, ekhe sian ukpodẹ ibalaami ovbi ibeor, lọ khe mie osa si emina lebe. ¹⁶ Ama ọ mie ukhua si emina lebe sọ. Urloo si akhashi ghue tare urloo si ọya lọ gbi eghwan si ọ la ajukọ. ¹⁷ E ni imokhe na e khe ẹẹn bi udo lọ ra amiẹ re. E rẹ bi okhumi le fio daa. Ukpobi likhua khe muza khẹ yẹn. ¹⁸ E khe ghue ta bi eya le gbioyan.E ghue mie eya za wu emina si ehu.E ghue mi eya le kho le shọ ọbe re le za gbo ekhi emina lebe. ¹⁹ E ghuere e lọ ri a ni fan ni yẹn, ama i yẹn legbi yẹ ọviẹ si ọkhọ le wu. Ama ọmokhe ọviẹ ọọn ji e me lẹ ọ. ²⁰ Ọya lọ khe mati vian egbe shọ ọkhọ si ọlagbona re, rẹ kian ọẹẹn si ijesu kristi, ọ rẹ khe gbo yi uokho yi e li ọkhọ na, ikpi-kpao sọ khume lẹ ukpu-okho sọ. ²¹ E lọ kha khume u ẹẹn ukpodẹ lọ khume si ọghẹna, ama u rẹ shọ ukpodẹ si uhi okunla sọ rẹ lọ khe khume. ²² Oleta si eghwan na ata ọọn rẹ ji ẹẹn: "E li aghua tiegbe ji ukpami sọ. Isi la kho-a gbo tiegbe yi urọọnmi".