¹ Mina na ayhakarini, ukaunatu mayokara mamma miba agu imiganini, ipeper mamina mayin mugaskiya. ² Abara yani aming na ikalmomi na annabawa afussa a baran kazono, na umurini ukashiri uwur na pigaskan un nadugi ayutumu yin washiri. ³ Yokotin mummu tun daga kazono, agu ya kigam, adama tumu anatuk anyya amadara Ada majamana kuma are kazono na mamen maya fussa ayeni. ⁴ Adamagu, ina likawali nima guru mayi? Tun kapa kami na apugana ayani ama kizi, ko iyan yonkusu ima gurini kenna ini iyi, tun kazono kamanapsa." ⁵ Awor kene yani awurunu aguzo na kajes yani aciri uyhan mani, kuma aci kamani, na magara aumurni ukashiri. ⁶ Kuma igu un kusu mummu muduniya umi uwori uzamani umawuza, na kuja kumani mutsufana. ⁷ Amma uzo na kajes kamina, atariyeni don ura ama gu umurni umi. atari yani don unmi mu kara na mawunza ama azani matini. ⁸ Kada iwurunu na mummu, ayo naamanazi, agu unmi mude kashiri muyi kiwa udubu kuma kiwa udubu kamar unmi mude muyi. ⁹ Kashiri ina tumurunu yi anikawali niyi kenna adong amen matumurunu kenna akusun unu iso uhankuri uyin. Imaniyi agu ko piyer udha iki. Amma ko pishe uyer ika tum kapa kutuba. ¹⁰ Kenna muyi unmi mashiri mudama tumu kaman na pidakara. uzo-nuzo udama bhantazana na unmi nishiri. Ura uda mare ko iyani yan, uduniya na ko iyan ini da macandurga. ¹¹ Dashike na dama unza ka iyan uduniya ungu ida mawana i mis ashe anyer mish? muyi magu yani ayishi urayuwa udugan. ¹² Yani azomo unyong ubege na kuma madene makimina makana anmi mukashiri. Anmi mumunu adama wuna uzoshiri aura, kuma ko iyan-niyan idama yemta unyho upiwa ucaza. ¹³ Amma anikawali niyi, ki sussa katikuzo na duniya, katikami na urentu uyimi. ¹⁴ Tunna muyi kene, ayana amanazi, tunda ideni nazugu me, an kusu munmu, deni unaciya ukukari azugini izaini kukizi na ya zani ibang kazono kayi, unyho nasugu nazuk. ¹⁵ Kuma zinin uhakkuri ukashiri azuga magaska. ¹⁶ Bulus iberen ukan mankusu mummu unyho mayakara mayi, unyho akwai unkusu mum mude uwuya uma yokoti. Majahili mayer azani kumina yani ana kumbara maana mayer azani kumina yani ana kumbara maana mayeni kaman kene na yeni aisha kudeze kinassashi, do mawanza maci yani. ¹⁷ Tun muyi kene aya, naamanazi tun iyo unku mummu, kulin na aci ayin aya awurini akati ka macipanzi kaduniya mum muzab mini uduka, har ibiza ukusu udugan. ¹⁸ Amma kumzi unyho wariheri na mayho ma kashiri kawur na pigaskan uwur Yesu almasihu. ubgaku uzomu uyin min har mazadara.