¹ Annabawa apeprezah ayashillaci, kenne mamalamai makabere matumi aka nisa na madama tumu ade magtari mama bashi ma, mawunza, yani amayisa pikagara pimayoh kashiri umi igaskan yani, yani adazah aci ayani auhallaka na wau. ² Aya abgaki adama zoboro kaci kayani abara uyani adama saba ugaskiya unipum. ³ Ati kakidagatu adama zugini anabere azadugan akabere. mawunza mayeni mada magoro mani, adama zuga yani ukusu ujara. ⁴ Kashiri kama kebe kani malaiku ma isan ibang ba, tunna mumayi kena amma dugpyana mani ciyhoyog majin nasir mujahanama asisin mani a magyen, har katuk ka mato. ⁵ Kene kuma na kama jikya kani udeniya uzoni ba, don kene nuhu umi isha abere asiri adugan na kushere katag kanna kama yadde kuja kumani mutsufana anyan muya ana ya azabani kashiri. ⁶ Daga kene kashi ka pumsa igacuruwan sadama na Gomrata aura aguddu nacinami unto me ukusunu uwani misali ukusu uda mawana kaya azashani ibada. ⁷ Amma ga matini ma lutu, ima potayi urentu akasugu kayi kaya anagugu nacaza na kumina kwayer Kashiri ima gaska yi. ⁸ Piyami ide mudugan, ima zomo unyhon uyeni ko inshanmi kazuge, kayi ka wamta, aukusu na idukara asu potonzah. ⁹ Abara na kene kashiri kayo kenna kadama gaska aya aduki daga augwaji, na kuma kayo kenna kada madene apuru aya azani marini a ceskeyani inmu mukukara. ¹⁰ Mummu kuwa musamman nibin ka'ayami are kazono ankusu mapum asu dukara ayu inwki ana sugu nacaza, yani ade udagdari waci asu isha ukusu na yani aitan udama. yani apogani usaht uma cente ka ayami na apirin yani ubhaku me. ¹¹ Kenna muyi malaiku made ushiru upiri uyeni, amma mayenden mani kukara kumanagaza yeni kazono kakashiri. ¹² Amma nibiga ninni ni zashi nini kumina, atari nini agu apur nini aceza, nini isha muzadugan amazayho nini na makizi. ¹³ Yani adama zuga ilada icaza utumu yani. yani aisha kumina kumapok urentu anmi ukusu muma phok urentu anmi ukusu mumaphok urentu. Yani anaci ayin amaru jinkuzura. ama phok urentu mankusu mumacipanzi akatuk kan na yani ade ayizi amamani ayini, na kumama musa kayini ana shiturgani amayishi ibang. ¹⁴ Yani adaza ayami ayazazi yini natek ahalli icaza na ayukami aga dugan. kuma ayashasha nauni na yani akidagatu, nono na ashirin nani! ¹⁵ Yani ajikan mazob ujina unibinmi. yani ajikanmi kuma azoboro ujina u Balamu kono ka beor umi imani uriba uzauni matini. ¹⁶ Amma iseri mayani mibang iyi. Kizewu kin ki berbene kini ki rata akuranna kwa annabi ami animi nikono kapiyi shillaci. ¹⁷ Yayer angha ayi kaman na ciszan namani naza mani. yini kaman nakori na urunu uzob. maji mutsanani mapok yani. ¹⁸ Yani aya abere anagazi na ubhaku waci. Yani acibanzah kaduniya ausha'awa wapum asu cipanzah kaduniya kan kade ukukari upirana ayami ajara a mazaya. ¹⁹ Yani ayi ayanikawali nuyanci, amma yani anaci ayani adere ni bang abara kapiyer a pidere a kusumi udaskanni. ²⁰ Duk piyar isuptan awor aushakantaka uya amayo ma kashiri na piyi umagaska Yesu almasihu apa giri aushagantaka, uyaniyi umadara unu naguzuran apira ukazono. ²¹ Mudama piri yani na ana yoni ujina umatini na ayhoni, sa'anna yani apa kumburga jika ati kafur kanan amaru doyoni. ²² Mamataran maberengha ana wani ugaskiya ana ciayani: '' kisang ki guri ana rene mawana makini. piade na azuran ani ana geyani ati kiros.