¹ Polu, ny'uzhi Jisos Kalais, gonutuli echiche Ebilikpabi, ombu ukpalawhu ubhani emene eso au Ebilikpabi uzhibhe li Episos, emene uwhetubhe li ewa Jisos Kalais. ² Otuwi'zhi uzhini yoni, lijine uyodhu ubuzeli l'eka Ebilikpabi ida ye li Nyenweye Jisos Kalais. ³ Upadhi uzhini Ebilikpabi li ida nyenweye Jisos Kalais, nyemu uwokwanye ye li bhele uwokwanyi uwa-egwele ubuzoli li olu igwe l'ime Kalais. ⁴ Ebilikpabi ulotu ye bu l'ime Kalais gonutuwhuto l'ubido ebido eluwam, kp'emele mu azhi egwele, mu atudhiwhu-ikpe li enye ya l'ime ugushi. ⁵ Ebilikpabi ubheteni ye li ugushi unatu anatu ye kpomu umeledhe gonutuli Jisos Kalais, zhikpu umanu amanu echichhe uzhile. ⁶ Unatu anatu ye ukpudhu bhu li upadhi uzozo utuw'izhi ya amu uneo ye ewe li nyemu ugushio. ⁷ L'ime Jisos Kalis ye anwe ugawe gonutuli ubala ya li usabeteni bhiyo ye, zhikpu uzuta ozuta otuwizhiya uzhile. ⁸ Udela otuwizhim m'uzuye uke gonutuli eyo li uwota owotaya. ⁹ Ebilikpabi utugushi ye iye uwoli owoli li echiche ya, likpu umashitulema, mu ulowela l'ime Kalais. ¹⁰ Li unye enye li echiche ya amu ulo li ekele mu udhu nyela, li ubhe gbete bhelebhele iye uwodhi - bhelebhele iye uzxhibhe l'obioma li ukpudhu oonyishi, aubu Kalais. ¹¹ L'ime Kalais enye udashi ye, amu ubhete bhe ye gonutuli echiche ya nyemu umegboto bhelebhele iye joka zhikpu ulunwuni echiche ya uzhile. ¹² Ebilikpabi ulotu ye kpom emene udhu ekpeya kp'emele mu ye emenem aboo emene unuzu li ubheshi obu li Kalais, ma abhe li upadhi ebubu ya. ¹³ L'ime Kalais yo dhiwhu li ekele mu inujo uli-ekpo ishi-ukamu uzhi uma agawe yoi, mu iwhedanyan, mu unyeshebhe yoni agbule ogwegba uwa egwele. ¹⁴ Nyemu udojo eka ekpeye tutudhuma ugawe ekpeye li upadhi ebube ya. ¹⁵ ishhi iyem, gonutuo li ekelemu unujo iye basa l'uwhetu yo l'ime nyenweye Jisos li ugushi yo li adhi emene eso l'ime Ebilikpabi, ¹⁶ Me makademu eli l'ukelayoni l'ekele megbewejile yoni li edhio ma. ¹⁷ Modhhio Ebilikpabi mu nyenweye Jisos Kalais, ida ebube ene yoni bhu uwa eyo li unyetu-adhi. ¹⁸ Modhio kp'emele mu ekpelenyi ekpema yoni mu usamali mu imajini ubheshi obu amu uwhunye yoni lijine uzuta ozuta ebube ekpe ya amu uzuta ogbo emene egwele ya. ¹⁹ L'ime edhio me, me mowodhiga meni mu imajini ub'eke ugbakpo ya amu enwebhe ike li utuwashi auzhini ye emene uwhetu, zhikpu eyi ugbakpo ugbolo ya uzhile. ²⁰ Ombu dhiwhu ugbakpomu Ebilikpabi ulowo l'ime Kalais li ekele mu utemala li enwu mu unazhi bhetela li eke ikega ya li obioma. ²¹ Unazhibhete Kalais li adhi uka zukpulu uchi-echi, li ugbakpo, li eyi, li ike, li bhelebhele iye udhiniwhuto ewa. Kalais ndeke achigbo li ukomu, echidhiwhu bbu li uko ejagba eja. ²² Ebilikpabi ushishi bhelebhele iye li uko Kalais aune chochi li umewa ny'shi bhelebhele iye. ²³ Chochi bu eliya, uyulu oyulu ya amu uno bhelebhele iye uzu.