Ikhomhi 3 Ikọrhitiasi ni ozeva
1
Rhẹmhi eyẹ ke laa ke chichi egbe eyẹ ena? A khi rhẹmhi eyẹ ke gwe laa kẹkẹ ebe irhẹ vhẹ khasẹ a ghyi vhẹ la khi vhẹvhẹ vhaa kẹkẹ a ghyi eyẹ, abhi iọgbọ egwho ea li?
2
Vhẹvhẹ khi ebe ni eyẹ kẹkẹ, ni e la eyẹ vhi idu, ni agbọ kwu e yẹsẹ ni e mẹ a zẹ.
3
Vha she rhọ khasẹ khi ebe ni o te obọ Ikiristi bhẹ vha kyia, ni eyẹ rhọ lase. A khi ugba li eyẹ rhọ kẹkẹ ọ ama Ayẹmhẹ Ishinẹgba ni o nyele. A vha kẹkẹ wẹ shi ukyiẹkyiẹmhi ẹchẹ, ama elemhi idu eyẹ.
4
Ona khi irhegbeda ni eyẹ mhuẹ vhi elemhi Ishinẹgba te ikpa Ikiristi.
5
Eyẹ vha nu egbe eyẹ a khẹ abọ abhizẹzẹ khi eyẹ rhi obọ eyẹ a khyiẹlẹ wẹ. Onochi, igwẹmhi eyẹ obọ Ishinẹgba li o te bhẹ.
6
Ishinẹgba li ọ rhi eyẹ kyili egamhẹ alamanegbe onogbọ. Oni alamanegbe ona o vha kyili oni a rhi ugba kẹkẹ ama oni a rhi Ayẹmhẹ kẹkẹ. Rharhi khi uwi ugba rhẹmhi ọa gbe, ama uwi Ayẹmhẹ rhẹmhi o rhi agbọ ẹlẹnagbọagbọ a ni iọgbọ.
7
Ishi Imozisi ni a kẹkẹ shi ukyiẹkyiẹmhi ẹchẹ ni o rhi egwuli bhẹ, ni iọgbọ Imozisi e vha rhọ jilẹ rhi alo apfuẹ bino Imozisi ina khi rhẹmhi e rhi ẹtsẹkẹ kwu alo. Rharhi oni ikiki ni oo la Imozisi alo. Ni o rhi egwhi bhẹ
8
See akanya Ayẹmhẹ ni o Pfuasẹ o o ke wẹ li la vha mhọli ikiki?
9
Ugamhi egwuli o kha lina mhọli ikiki, see ugamhi igwabhagbe o ke li laa mhuẹ ikiki!
10
Ingmaghyie lọ, khi emeni o kpọ mhọli ikiki nena o vha gwe la vhọ amo rharhi ikiki ni o ke pfi gwese ọli.
11
Rharhi oni o dọsẹ la lẹ o kha mhọli ikiki, see oni o la vhọ agbọagbọ ni o vha dọsẹ o ke wẹ li la mhọli ikiki!
12
Abhi o ke rhọ kyila khi eyẹ mhọli irudunya onana, rhẹmhi eyẹ ke a gbudu.
13
Eyẹ vha liabhi Imozisi, ni ọ rhi ode kwu alo, khi iọgbọ Izulẹ e kẹ mẹ ikiki ni o gwe dọsẹ la lẹ.
14
Ama rhẹmhi idu wẹ e gwese. Rhili apfishi amo oni ode o khyie gwese wẹ alo abhi e lia zẹ oni alamanegbe nojọ. e vha kyhie dobẹ gweghyiea, rharhi te ikpa itoma Ijesu vhọ li e te dobẹ a kweghyiea.
15
Ama apfishi amo ena, asha ni Imozisi ọ rhẹrhẹ zẹ, rhẹmhi ode o khyie gwese wẹ idu.
16
Ama ọgbọ ọ kha ke lieliegbe bhuli Ọnọmhuẹyẹ, oni ode omaghyiẹ ọli vhi udu le.
17
Iyọ, Ọnọmhọli khi ọni Ayẹmhẹ, asha ni ọni Ayẹmhẹ ọ sheda la kwu igbadegbea o la ayọ.
18
Nenaa eyẹ kwu, ni e vha rhi ode kwu alo, eyẹ mẹ ikiki Ọnọmhọli. Lẹ ni ọ kyili ọni Ayẹmhẹ ọ she liyọ nwu eyẹ lieliẹ je ikiki otọgbe abhi ọ li la vhọ.