1
عیسی زِروح القدس ،زِاردن وَرگَشت وُروح هومنه به سمت بیابون رَهنه نشونش ایدا.
2
اوچو چهال روز شیطون وسوسش ایکِرد وُ مین همه ای روزا هیچی نخَرد. وُ آخر سر گُشنش اُووی.
3
وُ شیطون وِش گو،اَیَر کُرِخدایی، وِای بَردا بگو نون وُوِن.
4
عیسی وِش جواو دا گود،مین کتاب خدا نوشته وُوی که آدم وا نون فقط زِندیی نیکنه،بلاکُم وِهر کلومِ خدا.
5
اوسو شیطون بردش بالا یه کُهی بلند، وُتموم حکومتا دنیانه مین یه لحظه وِش نشون دا.
6
وُشیطون وِش گو همه ای قدرتها وُ جلالشونِ ایدُم وِت، اختیارِ همه اینونه وِمو سپُردِنه وُ ایتِرُم وُ هر کی بُخُم بُوَخشُمِشون.
7
پَ اَیَر سی مو سِژده کنی، همشون مال تو ایبون.
8
عیسی جواو دا :ای شیطون ،نوشته وُویه،خداوند خدای خوتِن بپرست وُ وِغیر هو کسینه عبادت نکن.
9
اوسو هونه وِاورشلیم برد،وُنهادش مین بلندترین جا معبد وُوِش گو: اَیَر کُرِخدایی، خوتن وِایچو پِرت کن وِلَم .
10
سی یو که مین کلوم نوشته وُوی خدا وِفرشته ها گو وِتو حفاظت ایکُنِن.
11
وُاونو تونه ری دستاشون ایگِرِن که پات وِیه بَردی نخوره.
12
عیسی جواو دا : خداوند ،خدای خوتِن امتاحان نکن.
13
شیطون که همه وسوسه هانه انجُم دا ،وُتمومشون کِرد، تا یه مدتی از عیسی جدا وُوی.
14
عیسی پر زِروح القدس ،وِجلیل وَرگشت و مین او مناطق خیلی معروف وُوی .
15
وُعیسی مین کنیسه ها مردمِن تعلیم ایدا وُهمه مردم وِش اخترام اینان.
16
بعد رَمین جایی که اوچو گُپ وُوی بی ،رسی وُجورِباقی وقتا رَه وِکنیسه مین روز شنبِه تا کلوم خدانه بخونه.
17
کتاوِ اشعیای نبینه وِش دادِن وُکتاوِن که گُشی ،یه قسمتین پیدا کِرد که گوده بی:
18
روح خدا مین وجودمونه،چون مونه مسح کرده ،تا وِفقیرون خَوَرِخوشِن برسونُوم وُمونه فرستا تا اونو که اسیرِن آزاد وُاونو کورِن رُشنایی ، وُوِستمدیدیَل بگوم که راحت ایبوین،
19
وخَوَر بِدُم که سال رحمت خدا شروع وُویده،
20
اوسو کتاوِنه بست دادِش وِخدمتکارِکلیسا وُنشست. همه اونو که مین کلیسا بییِن وِش تییه نیوَرداشتِن .
21
عیسی وِشون گو: «اَمروزهَموسو که ای نوشتَنه وِش گوش دادین وِانجوم رسی.»
22
همه وِش تعریف ایکِردِن وُزِاو کلومی که گوده بی تعجب کردِن وُایگودِن:«مَیَر یو کُرِ یوسف نی ؟»
23
عیسی وِشون گو :«حتما ای مثلِ سیم ایارین که «ای طویو خوتِن شفا به!او کارایین که شنییم مین کَفَرناحوم انجُم دایی ایچو هم که وطنه خوته انجوم بده. »
24
وِشون گو:«هیچ نبییی مین وِلات خوش احترام و عزت نیبینه.
25
وِیقین بدونین مین دوره ایلیا ،بیوه زنانی بییِن ،اوسو که آسمون سه سال و شش ماه بسته وُوی ، وُ قحطی فراوونی همه جا بی،
26
ولی ایلیا طی هیچ کوشون فرستاده نَوُوی ،مَیَر طی یَه زینه ای مین ولات صَرِفه صیدون.
27
زمونِ الیشَعِ نبی مین اسرائیل خیلیا جذام داشتِن ،ولی وِجز نَعَمان سریالی هیشکوشون وِ خوره پاک نَوُوییِن.»
28
اونو که مین کنیسه بییِن ای حرفانه که اِشنفتِن تَش گِرِدِن
29
وُ ویریستان ،وِشهر کشیدِنِش به دَر، بالا یَه کُهی که شهر سَرِش راست وُوی بی ،تا بندازِنِش وِلَم.
30
ولی هو وِمینجاشون گَدُشت و رَه.