¹ Sa qai aya bete levu, sa ve ai a vei a ai, se maqa? ² Sa qai aya oya, oi emudou a mata veiweani ei na qase, dou varorogo mada :a Alou vai u'u'u'u sa matai vei oya oda qase o Eparama, ni sa notu mai Mesopotemia, sa notu mai muri i Karana. ³ Sa aya ve eya, lao tani na omu vanua qa mai vei edra weamu, qa lao na vanua au na vataila vei io. ⁴ Sa qai lao tani mai na vanua o Kalitia, sa qai lai notu mai Arana, qa sa mate o tamana ni ma di eya tani mai ina Alou, qa sa va nosi oya na vanua ai, dou sa qai notu i na. ⁵ Sa maqa ni solia i na ve eya e dua ti'ina meu tauenia, e maqa meu butuia o na la :sa valala me solia vei oya me ona vei edra leqa ga a ona awa, qa sa maqa ni dua a luvena ⁶ Sa qai aya ve ai Alou :ni dra sa tu vavulagi na ona awa i na vanua sa maqa ni o odra qa dra vabobula taini edra, qa vararawa tai edra, qa va drau yabai ⁷ Sa aya Alou, na matanitu e dra na bobula ina, au na lewa ;qa oti, edra na qai lao tani mai, qa qaravi au ina vanua ai. ⁸ Sa solia ve oya a vi yalayalati ni yavou ;sa tamai Aisake oya, sa bogi walu sa qai yavou oya ;sa tamani Jekope o Aisake ;sa tamadra a qase lewe tiniarua o Jekope. ⁹ Ni dra sa vuvutai Jekope odra qase ari edra sa volitainia ljipita :sa tu vata ei na Alou, ¹⁰ Sa qai vabulai eya mai na ona rarawa tauco'o ga, qa solia ve eya me are qa vu'u ina matai Fero a tui ljipita ;sa lesia oya me kovana me lewai ljipita ei edra tauco'o a lewe ni vale. ¹¹ Sa qai yaco a dausiga ei na rarawa levu i na vanua tauco'o ljipita ei Kenani, qa dra sa maqa ni une magiti odra a odra matua. ¹² la ni sa rogo Jekope sa tu mai ljipita a sila, sa qai tala odra qase ina matai ni gauna madra yaco ina. ¹³ la na ena lao varua sa vataila eya o Josefa vei edra tua'ana ;qa sa vataila a mataqali Josefa vei Fero. ¹⁴ Sa qai talai Josefa me laovi Jekope a tamana, ei edra tauco'o leqa ga a mataqali, edra sa lewe vitu sagavulu a lima ¹⁵ Qa sa lao sobu i ljipita o Jekope qa sa mate, oya ei edra oda qase ¹⁶ Qa dra sa di i Sikemi, qa dra sa buluti nai bulubulu a volia o Eparama ena ti'i ni siliva eso vei edra a luvei Eroni mai Sikemi. ¹⁷ la ni sa volea gauna me vala ina a vosa ni Alou ni yala yala, qa bubului ina a Alou vei Eparama dra sa qai tubu odra me dra lewe levu mai ljipita. ¹⁸ Qa sa yacovia a gauna sa buli ina e dua tani a Tui, sa maqa ni ilai oJosefa. ¹⁹ Sa lawai tai edra weana oya ai qa sa vacacani edra a oda qase, me dra sa biuti edra ina a odra gone i tuba, me dra uwa ni bula. ²⁰ Qa sa sucu o Mosese e na gauna ana, qa sa mata re sara, a susugi vula tolu ena vale oi tamana;. ²¹ la ni sa biu ituba oya, sa roqo  mai a luvei Fero a yalewa, qa sa susugia me luvena. ²² Qa sa vavulici o Mosese ina odra vu'u tauco'o a ai ljipita, a sa kaukauwa  ina vosa ei na ca'aca'a. ²³ la sa vasagavulu a ona yabai, sa qai tubu ilomana me mata lai une edra weana a luvei a Isireli. ²⁴ la ni sa une dua vei edra sa vacacani, sa totoa, sa totai eya sa vasauraratai, qa sa motuia ai ljipita : ²⁵ Qa sa nanumia oya e dra na ila a weana ni sa ona liga ena vabulai edra ina a Alou:qa dra sa maqa ni ila ²⁶ la  ni rowarowa sa lao mai oya ve'edru lewe rua edru sa veivala no, sa qai mata vivameau taini edru leqa qa sa aya odru a Turaga, mudru sa vi weani ga ;cava mudru sa vi vacacani ina vaiemu drua ? ²⁷ la sa biligi oya tani oya sa vacacana a weana, qa aya, qo cei sa lesi io mo Turaga mo lewai eimami? ²⁸ Qo sa mata vamatei au be'a, me tautauvata omu vamate a ai ljipita e na noa? ²⁹ Sa qai ubu o Mosese na vu'u ni vosa ana, qa sa lai vulagi no i vanua o Mitiani, qa sa qai sucu ina rua luvena- tagane. ³⁰ Sa oti e vasagavulu a yabai sa qai basia mai ve eya mai viacuacu e dua agilosi ni turaga, i na ulunivanua o saineai, i na yameyame ni rea i na dua acu. ³¹ la ni sa igavia o Mosese, sa idacala na a sa une ia ni sa toso volea waqe me vaigavia, sa yaco mai ve eya, ³² Oyau a odra Alou a omu qase, a Alou i Eparama, ei na Alou i Aisake, ei na Alou i Jekope sa qai sotaninini o Mosese, qa sa rere ni vaigavia. ³³ Sa qai aya ve eya Turaga, luva tia tani a omu i vava mai na omu la :ni sa sosomo tabu a vanua o sa tu i na. ³⁴ Au sa une dina sara a odra rarawa a oqu tamata edra sa tu mai ljipita, ia qau sa rogo a odra vutugu ;ia qau sa lao sobu mai me'u vabulai edra ;ia oya ai, mo ia, au na talai io ljipita. ³⁵ O Mosese ei edra sa catia, qa aya, ocei sa lesi i o mo turaga qa mo lewa? Oya ga ai sa tala Alou me turaga qai vabula ina ligana ona agilosi sa basia mai ve eya na acu. ³⁶ Sa di edra waqe oya, ni sa vele'e oti e so ani veivaidacalatai ei na vatailaila na vanua o ljipita, ei na waidui damudamu, ei na vei acuacu qa yabai vasagavulu. ³⁷ Qo Mosese ai sai oya ma aya ve edra a luvei Isireli, Ena vatubunia vei emudou o Jiova a omudou Alou, mai vei edra a weamu dou, e dua a parofita me tautauvata ei au ³⁸ O oya ai, sa notu ina vata ei edra ai soqosoqo lewe ni soro e na veiacuacu, ei na agilose a vosa ve'eya ena ulunivanua o Saineai, ei edra a oda matua:a sa rawatia o oya na vanua bula me solia vei eda. ³⁹ Edra sa rita ni talairawarawa ve'eya odra oda matua, edra a biligi eya tani ve edra, a sa lesutani leqa odra yalo i ljipita. ⁴⁰ E dra a aya vei Eroni vele'e eso Alou me dra di eda? o Mosese ai, Oya a di eda mai na vanua o ljipita, eda maqa ni ila se cava e sa yaco ve eya. ⁴¹ E dra a vele'e tila luve ni bulumakau i na gauna ana edra vacaboria ai soro i na matakau, e dra marau tainia ca'aca'a ni odra liga. ⁴² A qai vu i tani Alou, qa sa biuti odra tu medra qaravia a veialoalo ni lomalagi ;me tautauvata a sa volai i na odra i vola parofita, oi emudou a mataqali oi Isireli, dou vacaboria vei au a manumanu sa vamatei, ei na madrali, ena veiacuacu ni yabai vasagavulu se maqa? ⁴³ lo dou a colatia a vale oi Moloke, ei na aloalo ni omudou Alou Remifani, qa matakau dou a vele'e mudou soro ina :ia au di emudou waqe me sivia o Papiloni. ⁴⁴ sa tu ga ve:edra oda qase vei di ina vale ni Alou sa tu ina ai Vunau, me tautauvata ga ni sa vosa ina oya,ni sa aya vei Mosese me vele'e me tautauvata ga ena vata'ara ara qa sa igavi. ⁴⁵ Oya leqa ga edra sa tauria i muri a oda qase edra sa qai dia mai odra vata ei Josua i na odra vanua na veimatanitu, odra sa utia tani Alou ena odra mata a oda qase, a yacovia na gauna oi Tevita. ⁴⁶ oya sa une loloma mai vei oya Alou, sa ere me ona itavi e dua vale me oi oya Alou i Jekope. ⁴⁷ la o Solomoni ga sa tara vale me ona. ⁴⁸ la sa maqa ni notu oya sa cecere sara na vale sa tara na liga ;me tatau vata sa vala i na liga ;me tautauvata a vosa ni Parofita, ⁴⁹ A oqu nono vaturaga o lomalagi, ei na tutu ni oqu la o vuravura :a vale cava dou sa tara me oqu? Sa tarogi a o Jiova :Se a ti'i na cava me oqu i vava cegu? ⁵⁰ sa maqa li ni vele'e a tauco'o ari a oqu liga? ⁵¹ oi emudou a yalo kaukauwa, sa maqa li ni cili a yalomu dou, e omudou taliga dou saga a yalo tabu ;ia oi emudou sa vele'e me tautauvata ei edra a omudou qase ⁵² O cei vei edra a parofita dra sa maqa ni vacacania odra omudou qase? Qa sa vamatei edra ni dra aya ni lao mai oya a yalo dodonu ;oya dou sa solia waqe me vamatea: ⁵³ ia sa soli vei emudou a vunau ni sa aya eso agilosi, ia dou maqa ni vabauta: ⁵⁴ la ni dra sa rogo a vei a ai, dra sa laucoa a yalodra qa dra sa vasequruquru bati vei oya. ⁵⁵ la oya sa sinai na yalo tabu sa iga matua i lomalagi, sa une ai u:u'u'u ni Alou, ei Jisu ni sa tu na liga matau ni Alou, ⁵⁶ sa qai aya, une au sa qai une sa wase rua lomalagi, qa sa  tu a luve ni tamata ena liga matau ni Alou. ⁵⁷ Edra sa qai qoqolou na domo i levu, qatabonai a qara ni odra taliga, qa ovu va kaukauwa vei oya ni dra sa lomavata, ⁵⁸ qa dra sa biutia i na bili ni oro, qa vaviri ia na vatu, odra sa bei tai, edra sa oto raini a sobu a odra i sulu i na lao i dua gone tagane, o na yaca o Saula. ⁵⁹ dra sa vaviri i Sitiveni i na vatu, ni sa masu no, qa aya emiau a Turaga Jisu, tauria a oqu yalo. ⁶⁰ Sa teiduru sobu oya, sa taro na domoilevu, emiau a Turaga uwa ni civoti edra i na i valavala ca ai. la ni sa vosa oti ve ai sa qai moce.