¹ Sa qai yaco mai a siga ni Penitiko dra sa qai notu lomavata tauco'o na dua ti'ina. ² Vasauri ga sa lao mai lomalagi e dua rorogo a cagi va ceva ruru kaukauwa, sa qai vasinaita a lomani vale tauco'o dra notu voli ina. ³ Sa qai igavi mai edra a yameyame ni bu"a waqa e veise'ai, qa dabe  yadua vei edra. ⁴ Era sa qai va sinaiti tauco'o ga na yalotabu, dra sa qai teivu me dra vosa na vosa ni veivanua tani, ni sa solia vei edra a Yalo tabu. ⁵ E na gauna edra no tu ina a Jiu mai Jerusalemi ei edra a tamata lotu mai na veivanua ena yasana valomalagi. ⁶ Ni dra sa rogo a rorogo ai, e dra sa qai urabui tainia ni dra dui vosa tainia no ga o dra dui vosa. ⁷ Edra sa qai urabui tauco'o ga qa dra vei tarogi tainia va ai edra no ga "Edra maqa li ni ai Kalili o odra ai? ⁸ Ia e enai vei ni da sa rogo ni dra vosa no va oda vosa, o oya mada sucu vata mai. ⁹ O odra a ai Paricia, Mitia ei ilama ei, edra sa notu mai Mesopotemia ei Jutia ei Kapotosia mai Ponito ei Esia, ¹⁰ O odra mai Firijia, ei Pamipilia mai Ijipita ena veiyasana va Lipia me vadodonu waqe i Sirini ei odra vulagi mai Roma, ¹¹ O odra ai Jutia oi odra sa vui na lotu va Jiu o odra ai Kiriti ei Arapea, eda sa rogoci edra ni dra va vosatainia no a odra vosa me baleta a ca'aca'a mana ni turaga". ¹² Edra sa qai urabui tauco'o ga qa dra taqaya tainia, edra sa qai dui veivosai ga va i edra a cava mada ai baleblea ni a ai? ¹³ Edra sa valialiai edra qa dra aya "E dra sa mateni na vaini." ¹⁴ Sa qai tucae o Pita vata ei edra a lewe tiniadua, qa tabalainia cae a domona qa aya vei edra vei emudou a ai Jerusalemi mo dou ila a vei a ai qa dou rogo oqu vosa. ¹⁵ Ni dra sa maqa ni mateni o odra ai me tautauvata a vei a o dou nanumia, ni sa qai yaco walega ai a tolu ni auwa. ¹⁶ I ai ga e vatusa a Parofita o Joeli ¹⁷ A sa aya turaga edra na yaco ena gauna mai muri, "Au na savarainia a yaloqu vei edra a tamata tauco'o ga. Edra na qai Parofisai ina o odra a omudou gone Yalewa ei na gone Tagane. Edra na Une a raivotu eso vei edra a omudou cauravou. Ia o odra omudau qase edra na tadra tainia a vei tadra eso. ¹⁸ Vei edra oqu tamata ei na oqu vada. Au na soverainia a Yaloqu ena gauna ana; dra na Parofisai ina. ¹⁹ Ia au na varaitainia eso a ani veivaida cala tai mai lomalagi e ca'e qa so e vuravura e ra,dra,buawaqa,ei na ubou. ²⁰ Na vui a matanisiga me iloilo vata ea vula me dra. Ena qai yaco i muri a siga i Jiova sa a levu qa rogo no. ²¹ Ia edra na qai vabulai ga o odra edra masuta no a yacai Jiova.' ²² Omudou a ai Isireli dou rogoca a vosa ai o Jisu a ai Nasareci a tamata sa vadinadina tainia vei emudou a Alou ena vei ca'aca'a mana ei na vei a vei vaurabuitai eso ei na veivatailaila eso, sa solia a Alou mo dou vele'e ni dou sa ila. ²³ O oya ai sa soli oti waqe vei emudou me tauvata ga ni a solia vei emudou a Alou qa lewa mo dou vaotia ina kauveilatai qa vamatea ena ligadra a tamata ca. ²⁴ O oya sa biuti oya cae a Alou ni sa sereia ai vau ni mate, ni sa maqa ni rawa ni vauci no ga ina. ²⁵ Sa qai vosa o Tevita qa aya "Au unei Jiova no ga ni sa tu noqu mata qa mai tu e yasaqu matau qau maqa ni yavala rawa. ²⁶ "O oya ai au sa qai marau valevu ina, qau sa vanuinui niu sa vacegu. ²⁷ Ni miau na maqa leqa ni biutia a yaloqu mai Etesi, se biutia a omiau  Yalo  savasava me ta'ali mai. ²⁸ Omiau sa varaitainia vei au a sala ni bula ai miau vasinaiti au e na mamarau." ²⁹ Omudou a weaqu, dou vosotia niu sa maqa ni rere ni tovoli Tevita no a dau qase vei emudou ni sa mate qa da sa mai vananumi oya no ga. ³⁰ O oya  eda sa dau ila ina ni o oya e dua Parofita qa sa bubului vei oya a Alou ni na tubu mai vei oya, o odra a awa ei Karisito me dra lewe nia ai nono va Turaga. v ³¹ Sa qai ila o oya, sa qai varaitainia a ona tucae leqa mai na mate a Karisito, ni na maqa ni tu ga mai Etesi se vuca mai ina a yagona. ³² I ai o Jisu sa va turi ea cae leqa a Alou qa da sa ona vadinadina. ³³ Ia sa qai di cae ina liga i matau ni Alou ni sa qai rawatia mai vei Tamana a Yalo tabu, sa qai Sovarainia mai mo lai une qa dau rogo. ³⁴ Sa qai maqa ni lao cae o Tevita i Lomalagi sa qai aya "Sa aya mai o Jiova a oqu Alou ''Mo no tu ga ina ligaqu i matau ³⁵ Qau na qai vamalumalumu tai edra a omu meca me i tutu ni omu la.'' ³⁶ O oya ai me ila ina a mataqali Isireli tauco'o o Jisu ai oya da vaotia ina Kauveilatai sa lesi oya a Alou me turaga qa Karisito leqa ga.'' ³⁷ Edra sa qai rogo ai qa dra sa rere qa dra sa loma bibi ina, edra sa qai aya vei Pita ei edra apositolo. A cava bea me eitou vele'e? ³⁸ Sa qai aya vei edru o Pita "dou veivutuni qa dou papitaiso O emudou va yadua ena yaca i Jisu Karisito me bo'oci ina a omudou valavala ca dou na qai rawatia a yalotabu me omudou solisoli. ³⁹ Ni sa vala vei emudou a vosa ni yalayala, vei edra leqa ga omudou gone ei edra va yadua edra tu va yawa vata ei edra leqa ga edra tarogi vei oya Turaga. ⁴⁰ Sa vuqa leqa a vosa e varaitainia o oya vei edra qa vei varoti vei edra "Dou vabulai emudou mai vei edra ai taba tamata ca ai. ⁴¹ O odra ga sa vabautia a ona vosa, edra sa papitaisotai. Sa qai ena i uri o edra sa lotu ina siga ana edra lewe tolu bea udolu a tamata. ⁴² E dra sa qai qaravia vagumatua ai vavuvuli veidovi madrai qa dra masumasu. ⁴³ Edra sa qai rere tauco'o ga ni dra sa une e so ai vatailaila veivaurabuitai edra sa vele'e o edra ai apositolo. ⁴⁴ Ia o odra sa vabauta edra sa no tu vata edra sa dui solia a odra i yau yadua me dra tau ena vata. ⁴⁵ Edra sa qai volitainia a odra vanua ei na odrai yau, edra sa qai veivotai va ai edra me dra tauei nia vata. ⁴⁶ Edra sa qai gumatua ena lao i valenisoro na veisiga, edra sa qai lomavata, edra sa veidovi madrai e na vei vuvale, edra sa qai ania a edra ena marau ena Yalo dina. ⁴⁷ Edra sa qai va vinavina'a no vei oya a Alou, edra sa qai taleitaini edra. Sa qai varautaini edra ai soqosoqo lotu a Turaga ena veisiga mai vei edra era vabulai no.