¹ ''Ulo Efulemu asosele, kwali ukututuma. Ali isumbwile umwine Israeli, lelo alishile kupelwa umulandu pamulandu wakushinshimna Baali, nokufwa. ² Nomba balikubembuka libili libili. Balipangile ifibumbwa fyafyela ukufuma kuli silfele wabo, utulubi utwabumbwa ubusaka ifyo tufwile ukuba. yonse imilimo ya bantu abaishiba ukupanga. Abantu balanda kuli bo ati, 'Aba abantu abatula amalambo utwana twa ngombe.' ³ Eco bakaba nga makumbi ya lucelo, ngo mume uupita bwangu mu lucelo, nge mile iyo iisendwa ku mwela ukufuma pacakukaminwapo, kabili nge cushi ukufuma mwishiko. ⁴ Lelo nine Yahweh Lesa obe ukufuma mucalo ca Egypto. Tamufwile ukusumina Lesa umbi kanofye nebo; mufwile mwasumina ukuti pali nebo, tapaba umupusushi umbi. ⁵ Nakwishibile mumatololo, muncende iyakumisha. ⁶ Ulo wakwete umulemfwe, elo waikutile: kabili ulo waikutile, umutima obe walisansamukile. Pamulandu waico walindabileko. ⁷ Nkaba nge nkalamo kuli bo; nge mbwili nkalamibelamina mumbali ya nshila. Nkabasanga nga bear ulya baibila utwana. ⁸ Nkasataula ififuba fyabo, kabili kulya nkacibula nge nkalamo, nga filya iciswango camumpanga cingabasantaula mutupimfya. ⁹ Nkakonaula, Israeli; nani uukakwata amaka yakukwafwa? ¹⁰ Nikwisa nomba ukuli imfumu yobe, pakweba ati inga kupususha mumi sumba yobe yonse? Bakateka bobe balikwisa, abo walandile kuli ne, 'Mpeni imfumu nabacilolo'? ¹¹ Nalikupele imfumu mubukali bwandi, kabili nalimusendele mucipyu. ¹² Ububifi bwakwa Efulemu bwali katililwa isambi lyakwe lyalisungwa. ¹³ Ubukali bwakufyala umwana bukesa pali wo, Lelo temwana mwaume wamano, pantu ulo inshita yakufyalwa yafika, talefuma mumala. ¹⁴ Bushe nkabapususha ukufuma kukuboko kwa mbo?Bushe kuti nabapususha ukufuma kumfwa? Nikwisa, we mfwa, kuli ifikuko fyobe? Nikwisa, we mbo, kuli ubonaushi bobe? Inkumbu shilifishilwe ukufuma ku menso yandi.'' ¹⁵ Nelyo Efulemu wali nonka pali bawabo, umwela wakukabanga ukesa; umwela wakwa Yahweh ukapupa ukufuma mumatololo. Umulonga wakwa Efulemu ukakama, ne cishima cakwe tacakakwate amenshi. Umulwani wakwe ukeba inganda yakwe iyakututilamo lyacipe conse icakucindama. ¹⁶ Samalia ukaba uwa mulandu, pantu ulisangukile Lesa. Bakapona kulupanga; abana babo banono bakaposwa mutumpifya, kabili naba namayo babo abamafumo bakalepulwa.