¹ Efulemu ulya pa mwela no kukonka umwela wakukabanga. Utwalilila ukusandulula ubufi no bonaushi. Bapangile icipangano na Assyria nokutwala amafunde yamu olife ku Egiput. ² Yahweh naye ulikwete ukuilishanya paba Yuda nokukanda Jacobu pafyo wacita; ukapelwa wo paficitwa fyakwe. ³ Munda emo Jacobu wakobele wabo umwaume kukatende, na muli bu muntu bwakwe walilwishishe na Lesa. ⁴ Walilwishenye na malaika kabili walicimfishe. Walililile no kupapata ububile bwakwe. Walikumenye Lesa pa Betele; apo Lesa wasosele nao. ⁵ Uyu ni Yahweh, Lesa wamilalo; ''Yahweh'' eshina lyakwe ilyakukutapo. ⁶ Eico bweleleni kuli Lesa wenu. Lameni icipangano mucicetekelo ne ciine, nokulolela pe pali Lesa wenu. ⁷ Bakashitisha balikwata ifipimo fyabufi mu maboko yabo; batemwa ukushenteka. ⁸ Efulemu wasosele, ''Ndisangukile ubonaushi; Ndisangile ubonaushi bwandi. Mukutulukusha kwandi konse tabakasangemo ububi ubuli bonse muli ne, conse icingaba ulubembu.'' ⁹ ''Nine Yahweh Lesa wenu ukufuma ku ncende ya Egiputi. Kabili nkomilenga ukwikala muma tenti na kabili, nga munshiku shakusefya kwa sontwa. ¹⁰ Nasosele kuli bakasesema, kabili nabapele ifimonwa fyenu ifyakufula. Napele imilumbe mukuboko kwaba kasesema.'' ¹¹ Umfwa muli ubunake mu Gilead, mu ciine abantu balyonaikile. Mu Gilead bapela icelambo ingombe ishilume; ifipailo fyabo fikaba kwati miina ya mabwe mumabala. ¹² Jacobu wabutukile ku ncendeyaku Aram; Israeli walitulukwishe pakutila wingasenda umukashi; kabili walitekele umukuni wa mpaanga pakusenda umukashi. ¹³ Yahweh wafumishe abena Israeli mu Egiputi ukupitila muli kasesema, nokupitila muli kasesema walibasungile. ¹⁴ Efulemu pamaka walikalifishe Yahwe. Eico Lesa wakwe ukasha umulopa wakwe pali wo nokubwesesha ububi bwakwe pali wo.