¹ Nakucilisha, Eluntu aishile kukonkanyapo ukulanda: ² ''Umfwa ku mashiwi yandi, we mwaume wa mano; umfwa kuli nebo, webo we waishiba. ³ Pantu amaywi yalomfwa amshiwi efyo ne mbale yumfwa ifyakulya. ⁴ Lekeni fwebo tusale fwebene iciweme: lekeni fwebo twishibe fwebene icabune. ⁵ Pantu Yobo alikulanda ati, 'Nebo ndimulungami, lelo Lesa alisendele insambu shandi. ⁶ Tepamulandu wa nsambu shandi, nebo ni ngesa kubela uwabufi. Icilonda candi te cakupola, nangu nebo ntabembuka. ⁷ Ni nani umuntu uwakuba nga Uobo, uyo uunwa ukupumya nga menshi, ⁸ bushe nani uyo uya mukushinguluka mu mabumba yabo abacita ifya bubi, elo uwenda na bantu imbifi? ⁹ Pantu umwine alilandile ati, tapali nangu cimeo icakubomfya ku muntu ukusenda icakufwaisha mukubomba ifyo Lesa afwaya.' ¹⁰ Eico umfweni kuli nebo, mwe baume mwe baishiba: ifyo kwalepa ukufuma kuli Lesa ukutaba ifya kubipa; ifyo kwalepa ku Wamaka yonse ukutaba kubembuka. ¹¹ Pantu ena alalambula umuntu ukulingana ne milimo; alapanga umuntu uuli onse ukulungana ne micitile yakwe. ¹² Cinefye, Lesa tekuti cite ifyakubipa, nangula uwamaka yonse ukukana ku cita umulinganya. ¹³ Bushe nani uwingabika ye ku kupingulwa pano isonde? Bushe nani uwingabika icalo conse mwi samba lyakwe? ¹⁴ Nga cakwe ati alitontolefye amano yakwe pa mwinefye, elo nga cakweba ati alikolonganike no kubwesesha ku mwinefye umupashi wakwe elo no mupu wakwe, ¹⁵ eluntu imbili yonse ikesa pamo no kuloba umuntu akabwelela kwiloba nakabili. ¹⁶ Nga cakkuti nomba webo waishiba, umfwa kuli ifi; umfwa ku ciunda ca mashwi yandi. ¹⁷ Bushe kuti uwingapata umulungami kuti ateka? Bushe kuti waseka Lesa, umulungami elo uwamaka yonse? ¹⁸ Mwe Lesa, ni nani uwingalanda ku mfumu ati, webo uli wacabe abe,' nangu uwingalanda ku bacindami ati, mwebo muli mbifi'? ¹⁹ Lesa, uutaba na kapatulula ku ntungulushi shikalamba elo uutasalapo umuntu umukankala ukucila umupina, pantu fyonse fyabumbilwe ku minwe yakwe. ²⁰ Munshita iinono balitampile ukufwa pa nshita ya bushiku abantu balitampile ukusunkana elo balipitile no kuya; na bantu ba maka bali basendele no kuya, lelo te kuminwe ya bantu. ²¹ Pantu amenso yakwa Lesa yali mibele ya bantu; ena alabona intampulo shakwe shonse. ²² Takwali ukwakufita, nangu imfifi yakufitisha umo abacita ifyakubipa benga belama ebene. ²³ Pantu Lesa tafwaya kuceceta umuntu ku kuwalilila; takuli umuntu uuli onse uwingafwaya ukuya ku cinso cakwe mu kupingulwa. ²⁴ Ena ali tobawile abamaka mutupimfya tumpifya munshila isho talikufwaya ukutwalilisha; alebikapo bambi mu ncende shabo. ²⁵ Mulishi nshila alishiba imilimo yabo; alibaposele aba abantu munshita ya bushiku; alibonawile. ²⁶ Palwalala pa mesno ya bantu, alibepeye bena pa bubifi bwabo balikucita kwati ni bakabololala ²⁷ Pantu bena balibwelele mu nshila ukufuma mukumukonka ena elo balisulile ukusala inshila shonse ishabo. ²⁸ Muliyi nshila, abantu abalanda balililile no kwisa kuli ye; alyumfwile ukulila kwa bantu abacushi. ²⁹ Ilintu aisa kwikala tondolo, bushe nani engamuseka? Ngacakwebati afisa icinso cakwe, bushe nani engamubona? Nangu abakateka pa calo elo na pa muntu umo nisnhi nifyo fine, ³⁰ eico umuntu umusenshi tekuti abe kateka, eico pakuti peba nangu umo uwakuba iciteyo ca bantu. ³¹ Nga cakuti umuntu alanda kuli Lesa ati, 'Nebo ndiwafilubo, lelo nebo ntakabembukepo na kabili; ³² mfundeni ico ntabona; nebo nalibembuka, lelo ntakabwekeshepo nakabili.' ³³ Webo ukotontonkanya kuti Lesa ekanda umuntu umubembu, bushe cindo webo ukanine ukukonka ifyo Lesa akofwaya? Webo ufwile waisalila, te nebo iyo. Eico landa cindo ukofwaya ico webo ico webo waishiba. ³⁴ Umwume uwaishiba kuti alanda kuli nebo-ukofwaya, onse umuntu uwmano uumfwa alande kuli nebo, ³⁵ 'Yobo alikulanda ifyabula ukwishiba; amashwi yakwe ayakubula amano.' ³⁶ Nga cakuti Yobo bamubika mukweshiwa mu fyakukonka ifinono ifye cipu lyakwe pamulandu wakulanda kwakwe ngo muntu umubifi. ³⁷ Pantu palubembu lwakwe alilundilepo; alikutota indupi shakwe mukutucusha pakati kafwebo; alikufusha amashiwi ayakusalula Lesa.''