¹ Eico nomba, Yobo, nkokupapata, umfwa ifyo nkolanda; umfwa ku mashiwi yandi yonse. ² Bona nomba, nebo nayasamuna kanwa kandi; ululimi mukanwa kandi lwa landa. ³ Amashiwi yandi ukufuma mukoloka kwa mutima wandi; imilomo yandi ilanda ukwishiba kwa cishinka. ⁴ Umupashi wakwa Lesa ewapangile nebo; no mupu wa maka walimpela umweo. ⁵ Nga winganjasuka, njasuka nebo; teyanya ifyebo fyobe ku cinso candi elo utalame. ⁶ Bona, nebo ndi nga webo kuli Lesa; nandi ni kwiloba eko na bumbilwe. ⁷ Bona, umwenso wakuli nebo tawakulenge webo ukutina; kabili ukutitika kwandi takwaleme pali webo. ⁸ Webo icine cine ulilandile mu matwi yandi; ndyumfwile ishiwi lys kulsnda kobe, ⁹ 'Nebo ndiuwakusanguluka elo uwakubula bupulumushi; nebo ndiwakaele, elo tamuli lubembu muli nebo. ¹⁰ Bona, Lesa akofwailisha umulandu wa kunjikata; ena alintungile umulwani wakwe. ¹¹ Ena abika amakasa yandi mu makoli; ena alolesha ukwenda kwandi konse.' ¹² Bona, muli ici taungeme-nebo nkokwasuka webo, pantu Lesa akulo kucilo muntu. ¹³ Cindo webo ulakila nankwe? Ena amashiwi yobe yonse taasukapo. ¹⁴ Pantu Lesa alandafye umuku umo-eee, muli ibili, nangula abantu tabacishiba. ¹⁵ Muciloto, mucimonwa ca bushiku, uluntu abantu baponena mutulo tukalamba, mukusempwila pa cakulalapo- ¹⁶ Eluntu Lesa esula abantu amatwi, no kubatinya bena kufyakutinya, ¹⁷ ku kufumyo muntu ku micitile yakwe iyabipa, no kuputula icilumba kuli ena. ¹⁸ Lesa alama umweo wa muntu ukufuma ku nindi, no mweo wakwe ukuya ku mfwa. ¹⁹ Umuntu alasalapulwa ku kulipwa pa cakulalapo cakwe, nakukusashila pe kwa mumafupa, ²⁰ pakuti ku mweo wakwe ifyakulya fya bunani, no mutima wakwe wapata icakukumbwa. ²¹ Umubibili wakwe naushilila ickuti tekuti uboneneke; amafupa yakwe, ayatamoneka, nomba yalifumine. ²² Icishinka, umutima wakwe ulipaleme ku nindi, no mweo wakwe kuli abo abakabila ukuonaula.. ²³ Nomba nga kwaba malaika uyo uwakwilule fyebo kuli ena, umo uwa mubekana, ku kwebo muntu ulwakutambalala kwakwe, ²⁴ ku kuba umusuma kuli ena no kulanda ati, 'Mupokololeni uyu muntu mukutentemukila ku nindi; nebo ndisangile icakumulubwilapo ena.' ²⁵ Eluntu umubili wakwe ukalelema ukucilo wa mwaice; ukabwelela ku nshiku sha bulemendo bwakwe. ²⁶ Ena anapepa kuli Lesa na Lesa akamubela inkumbu, pakuti ena abone icinso cakwa Lesa no kwanga. Lesa akupeela uyu muntu icilambu cakwe. ²⁷ Eluntu umuntu ulya akemba pa mesno ya bantu no kulanda ati, 'Nebo nalibifishe elo napotamike ne cambalele, lelo ulubembu lwandi talwakandilwe. ²⁸ Lesa alipuswishe umutima wandi ukukana ukuya mu nindi; umweo wandi ukakonkanya ukubona ulunuto.' ²⁹ Bona, Lesa fyonse ifi afibomba ku muntu, imiku ibilim eee, nangula imiku itatu, ³⁰ ku kubwesha umutima wakwe ku nindi; pakutila ena abutushiwe ku lubuto lwa mweo. ³¹ Umfwa, Yobo, elo kutika kuli nebo; talala elo nebo nkolanda. ³² Nga webo ulikwete ifyakulanda, njasuka; landa, apo nebo ndefwaya ukukulungamikila. ³³ Nga takuli, umfwa kuli nebo; ikala tondolo, elo nebo nkokusumbilisha amano.