¹ Kufintu fyonse kwaliba inshita iyasontwa, elo ne nshita yabelako conse panshi ya mulu. ² Kwaliba insita ya kufyalwa elo ne nshita yakufwa, inshita ya kulimba elo ne nshita ya kunukula ifilimwa, ³ inshita ya kwipaya elo ne nshita ya kundapa, inshita ya kuwisha elo ne nshita ya kukuula. ⁴ Kwaliba inshita ya kulilishika elo ne nshita ya kuseka, inshita ya kuloosha elo ne nshita ya kushana, ⁵ inshita ya kuposa amabwe elo ne nshita ya kulonganya, inshita ya kufukatila abantu bambi elo ne nshita yakukanya ukufukatila. ⁶ Kwaliba inshita ya kufwaya ifintu, elo ne nshita ya kuleka ukufwaya, inshita ya kudunga ifintu elo ne nshita ya kuposaika ifintu, ⁷ inshita ya kulepula ifi fwalo ne nshita ya kusuntinkanya ifi fwalo, inshita ya kwikala tondolo elo ne nshita ya kulanda. ⁸ Kwaliba inshita ya kutemwa elo ne nshita ya kupata, inshita ya nkondo elo ne nshita ya mutende. ⁹ Bushe bukumu nshi umubomfi sangamo mukubomba kwakwe? ¹⁰ Ndi bwene incito iyo Lesa apele abantunse ukupwisha. ¹¹ Lesa alipangile ifintu fyonse ku bune bwa nshita ya fiko. Na kabili alibika umweo wa muyayayamukati kamitima yabo. Lelo umuntunse tekuti eluke ificitwa ifintu Lesa acita, ukutula ku ntendekelo yabo ukushinta na kumpela yabo. ¹² Ndi shibile ati takuli nangu cimo icawama kuli onse ukucila ukusekelela elo kabili ukucita icisuma lulya acili no mweo- ¹³ elo pakuti onse afwile alye elo no kunwa elo kabili no kwi luka ifyo afwile ukuisekelela ubune ubufuma mu kubomba kwakwe konse. Ici cabupe ukufuma kuli Lesa. ¹⁴ Ndi shibile ati ico conse Lesa acita ca muyayaya. Takuli nangu cimo icingasunkanishiwa kuli cena nangula ukufumishiwako pantu ni Lesa ewacicita pakuti abantu bapalame mu cinshi mu cinshi kuli yee. ¹⁵ Ico conse icabako eko cali; na conse icikabako eko cali Lesa alenga abantu ukufwaya ifintu ifya fiswa. ¹⁶ Ndi bwine ububifi ubuli panshi ya kusaba, apalingile ukuba bu cishinka elo na palingile ukuba ubulungami, palifye ububifi. ¹⁷ Na landile mu mutima wandi ati, ''Lesa akesa kupingula abalungami elo na babifi pa nshita iyalinga pa mulandu onse elo ne ficitwa fyonse.'' ¹⁸ Na landile mu mutima wandi ati, ''Lesa akosesha abantunse pakuti abalange ati ba bafye nge nama.'' ¹⁹ Pantu ifiponena abana ba bantu fimo fine ne fiponena inama imfwa ya umo imoine neya umbi. Nokuma kumo kwinefye kuli fyonse. Kabili tacila inama. Pantu tali cimbi lelo mwela fye? ²⁰ Fyonse fileya ku ncende imoine. Fyonse fya fumakulukungu na kulukungu eko fibwelela. ²¹ Bushe nani waishiba nga cakuti umupashi wa muntu ulaya ku mulu elo umupashi wa nama wena uya panshi ya calo. ²² Eico nakabili nailuka ukuti takwaba icawama kuli onse ukucila ukubekelwa mu ncito yakwe, pantu emulimo wakwe. Bushe nani engamubwesha ku kubona ifikocitika panuma yakwe.