¹ Nalilandile mu mutima wandi ati, ''Isa nomba, nka kwesha webo ne nsansa. Eico usamwe.'' Lelo bona, ici naco ca cabecabe. ² Nalilandile pamulandu wa nseko, ''nabo bushilu,'' elo nokusansamuka, ''Kwando?'' ³ Nebo nalipangile mu mutima wandi ukusansamusha ukufwaya kwandi ku bwalwa. Naleka amatontonkanyo yandi ukutungulula nebo na mano nangu nebo nali ncili ninjikati ubupuka. Nalefwaya ukufwailisha icaba icabune ku bantu ukucita panshi icabune ku bantu ukucita panshi ya mulu mu nshiku sha myeo yabo. ⁴ Nalifikilishe ifintu ifikulu. Nalikuulile amayanda yandi elo no kulimba amabala ya myangashi. ⁵ Naishile kuipangila ne mwine amabala elo ne mpanga; naishile kulimbamo ifimuti fya fisabo ifyalekanakana fyonse muli shena. ⁶ Nalicitile ne fishiba fya menshi ku kutapilisha impanga umo ifimuti fyalimbilwe. ⁷ Naishile abasha abaume elo na basha abanakashi; nalikwete abasha abafyalilwe mucipango candi kabili nalikwete ing'ombe elo no mukuni wafitekwa ifingi, ukucila pamfumu iili yonse iyatekele ku numa yandi mu Yerusalemu. ⁸ Kabili nalikwete ne mwine silfere elo na golide, ifyuma fya mfumu elo ne fitungu. Nalikwete bakemba abaume na banakashi abakusansamusha mu bana ba bantu elo na banakashi ba pambali abengi. ⁹ Eico naishile kuba uwakukosa elo no kunonka ukucila abalipo akale mu Yerusalemu, elo amano yandi yalishele na nebo. ¹⁰ Fyonse ifyo amenso yandi ya fwaile, ntafilekeleko kuli bo. Ntalekelepo umutima wandi ukufuma ku cakusansamusha, pamulandu wa kweba ati umutima wandi walisekelele mu kubomba elo no kusansamuka cali ecilambu pa ncito yandi. ¹¹ Eluntu naishile kulolesha pa ficitwa fyonse ifyo amaboko yandi yafikilishe, elo na pacinto isho na citile, lelo na kabili, fyonse fyali fyafye elo ukufwaisha ukutamfya umwela. Takwali ubukumu pe samba lya kasuba muli cena. ¹² Eluntu naishile kupilibuka no kulatontonkanya pa mano, elo no bushilu elo no bupuka. Nindo imfumu iikakonkapo ingacita, ecishatala acicitwa? ¹³ Eluntu natendekele ukwishiba ukweba ati amano yalikwata ubune pa bupuka, nga filya ulubuto lwaba ulwa bune ukucila imfinshi. ¹⁴ Umuntu wa mano abomfya amenso yakwe mu mutwe wakwe ku kubona kuntu akoya, lelo icipuka enda mu mfinshi, nangu naishiba ukweba ati icacitikile cali citikile kuli bo bonse. ¹⁵ Eluntu naishile kulanda mu mutima wandi ati, ''Icicitikile ku cipuka, cikesa kucitika na kuli nebo. Eico bu pusano ndo cipanga nga ndikwatishe amano?'' Naishile kushininkisha mu mutima wandi, ''Ici naco cafyefye.'' ¹⁶ Pantu umuntu wa mano, cimo cine no mupuka tebukisha ukufika panshita iitali. Mu nshiku ishikoisa ifintu fyonse ngafililabilweko. Umuntu wa mano alafwa ngefyo icipuka cifwa. ¹⁷ Eico napatile umweo pamulandu wa kweba ati yonse incito iya citilwe panshi yakasuba yali ya bubifi kuli nebo. Ici cali ni pamulandu wa kweba ati fyonse fyafye elo ukufwaisha ukutamfya umwela. ¹⁸ Naishile kupata fyonse ifyo na fikilishe pantu nalibombele pe samba lya kasuba pamulandu wa kweba ati nebo mbashe ku numa ku muntu uwaisa panuma yandi. ¹⁹ Pantu ni nani uwaishiba ukweba ati akesa kuba uwamano nangu icipuka? Libe akesakuba shikulu pali fyonse panshi ya kasuba ifyo incito yandi elo na mano fya kuula. Ifyo nafyo fyafye. ²⁰ Eico umutima wandi waishile kutampa ukupelelwa pa ncito shonse panshi ya kasuba ifyo nacitile. ²¹ Pantu kuti ba bapo umuntu uubomba na mano, no kwishiba, elo no kucenjela, lelo akesakusha fyonse ifyo akwata ku muntu uutapangapo icili conse. Ici naco cafyefye-elo busanso ubwa maka. ²² Pantu bukumo ndo umuntu akwata uubombesha elo no kwesha mu mutima wakwe ukupwilishisha ukubomba kwakwe panshi ya kasuba? ²³ Cila bushiku incito yakwe ilakalipisha elo no kucululuka, eico ubushiku umutima wakwe tantuusha. Ici naco cafyefye. ²⁴ Takwaba icabune kuli onse ukucilafye pa kulya elo no kunwa elo no kwi kuta kufya bune mu ncito yakwe. Naishile kubona ukweba ati ici cishinka cifuma ku kuboko kwa kwa Lesa. ²⁵ Pantu ni nani uwingalya nangu uwingakwata ukusansamuka ukucila pali Lesa? ²⁶ Pantu ku muntu uumusekesha ena, Lesa alapela amano elo no kwishiba elo no kusekesha. Nangu cibe ifi, ku mubembu alapela incito ya kukolonganika elo no kusunga pakweba ati apeele kuli umbi uusekesha Lesa. Ici naco cilinganafye ku cafye elo ukwesha ukutamfya umwela.