¹ Aya emashiwi yakwa kafundisha, abana bakwa Davidi elo imfumu ya mu Yerusalemu. ² ''Fyafye! Fyafye! efyalanda kafundisha. Fyafye ifyakupwilika! Fyonse fyayfye!'' ³ Bushe munonshi ndo umuntu asangamo ukufuma mu ncito iyo ena abomba pe samba lya kasuba? ⁴ Inkulo imo ilaya, elo inkulo naimbi ya isa, lelo icalo calikalilila umuyayaya. ⁵ Akasuba kalatula, elo no kuya mukuwa elo kalangufyanya ukubwelela ukuntu katulila na kambi. ⁶ Umwela upuupila ku kapinda ka kukulyo elo no kushinguluka ku kapinda ka kukuso, lyonse ukulashinguluka mu nshila shauko elo no kubweluluka na kambi. ⁷ Imimana yonse ipongolokela muli bemba, lelo bemba taisulapo. Na ku ncende uko imimana iya, kulya ilaya na kambi. ⁸ Ifintu fyonse fisanguka ifya kutendusha, elo takuli nelyo umo uwinga cilondolola. Ilinso talitendwa ukubona ifyo libona, nangu ukutwi ukufikilishiwa kufyo kumfwa. ⁹ Icili conse icabapo efyo cikeskuba, elo ifili fyonse ifya citwa efikesa kucitwa. Tapali ifipya panshi ya kasuba. ¹⁰ Bushe pali fimbi pafyo bengesa kulanda ati, 'Bona, ici cipya'? Ifili fyonse ifyabapo fyalipofye na kale, munshita sha nkulo ishaliko libe tatulabako. ¹¹ Tapalipo nangu umo uukoboneka ukwibukisha ifintu ifya bcitikile munshita shakale, elo ne fintu ifya citikile panuma elo ifikesa kucitika ku ntanshi tafyakesekwibukishiwa nafyo.'' ¹² Ni nebo kasambilisha, elo naliba imfumu pali Israeli mu Yerusalemu. ¹³ Nalibikileko amatontonkanyo ku kusambilila elo ku kufwailisha ku mano fyonse ificitwa panshi ya myulu. Uku kufwailisha cisendo ica kuina ico Lesa abika pa bana ba bantu ukupulaukilwako. ¹⁴ Ndibwene yonse imicitile iyo iyacitwa panshi yakasuba, elo bonseni fyonse tapali ifyo fili elo kutamfyafye umwela. ¹⁵ Icakolongana tekuti colololwe! Icilubile tekuti cipendwe! ¹⁶ Ndilandile ku mutima wandi ukwebati ati, ''Boneni, ndikwete amano ayengi ukucila bonse abaaliko lbe nebo ntalabako mu Yerusalemu. Amatontonkanyo yandi yali bona amano elo no kwishiba.'' ¹⁷ Eico nalibikile umutima ku kwishiba amano elo no bushilu elo no bupuka. Nalishile mu kwishiba ati nafyo cimo no kutamfya umwela. ¹⁸ Pantu mukufula kwa mano mulaba ubulanda, elo uufulisha amano afusha ukusakamikwa.